Mana Nyooth 5:11 - Wëël Jwøk

¹¹ Kanyøgø aana nëënnö, ni wïnynya dööt nyïïatwiet maal mo thööth døc døc, mo jïtö ki kume ma kume mo ena deŋ wälu bäre, ki deŋ gïïa kwøw, ki deŋ jaae,

Mana Nyooth 5:11 Iomraidhean Croise

1 Nyeye 22:19

'Ba Mikaya aköö, «'Ba ennø, wïny dwør Wuuö Jwøk. Aani Wuuö Jwøk ajooda no opï piny bäät wälu mare, ni lwaak mare bäre mana en maal cuŋŋö buute, ni møøk ena bäät cwïïe, møøk ki bäät caame.

Daniel 7:10

Naam ma maac bëëdö ni kwödö ni ööa wøk ki nyïme, ni kum jiy ma kume tïnynya eni, ni kum jiy apaar kwöre ma kume apaar cuŋŋö nyïme, ni ö kwääy løøk ni pï piny, ni ö weeli ni jabi.

Tiet Ciik 33:2

ni «Wuuö Jwøk aöö ki yi Caynay, ni ööe ki yi Cëër kaamar cäŋ mo tuulö, ni rienye ki bäät Kïn Paran; ni ööi ki dï nyïïatwiet maal ma kume apaar; ni cere mana en bäät cwïïe da ciik mo liel kaamar maac kiper jø Icriel.

Ibaru 12:22

'Ba u ööa bäät Kïn Dhayan yi pääny Jwøa kwøw na näk Jerucalem mar maal, ki nyïïatwiet maal mo ba maar lønyø ki kwaan na näk dëëtge ege cooŋø ki met ec,

Juut 1:14

Ni poot na jøøgø thuwø na gïïge køp Inøki, ŋata en ri bïriet beenhnhe moa nywøl køør Adam, na kööe, ni «Neennu, Kwäärö aöö ki nyïïatwiet maal moe na en kur keerge na näk kume mo thööth døc,

Mana Nyooth 19:6

Kanyøgø dwøl mør awïnynya mo keda dwør lwaak mo päl, ni caala lwöc pïï mo thööth, ni caala dwør køth mo märö døc, ni köö, ni «Alëluya! Kiper Kwäärö Wuuö Jwøk, eni na Jwøk marø na en teeki jïre, beeye Nyeya man wø bëënni.

Mana Nyooth 4:4

'Ba deŋ wälu manøgø bäre da wäle ma pïërariiø kurŋween, ni bäät wätöge da jaae ma pïërariiø kurŋween, mo ge käära abïïe mo tar, ni wïthge da adude ma warkey.

Mana Nyooth 4:6

'Ba nyïm wälu manøgø da gïn mør mo keda naam mo dwøŋ mo kede tïïc ka wïlli mo tøŋ døc. 'Ba wällögø na en dïër enø, deŋŋe da gïï ma aŋween mo kwøw mo nyïmge ki ŋäthge ogääbö ki nyeŋ mo raŋ.

Mana Nyooth 5:14

Ni kö gïïa kwøw karge ŋweeni, ni «Enøgønø.» Ni ö jaae ni leeŋge rege piny ni wøørge Jwøk ki Nyidiel.

Mana Nyooth 5:6

'Ba yïthakic wälu ki gïïa kwøw karge ŋweeni ki dï jaae aana nëënnö ki Nyidiel mo cuŋŋö, mo kede onää, dëëre ki tuŋi abïriiø ki nyeŋ abïriiø na näk Jwïëc Jwøk karge bïriedi mo ojääŋŋö dï piny bäre.

Mana Nyooth 5:8

'Ba na nø lwør wëëlö, gïïa kwøw karge ŋweeni ki jaae na näk pïërariiø kurŋween gena päth nyïm Nyidiel, ni ŋati man nø cere da thoom ki kuura ma warkey mo päŋ ki gïï wø jïcge ŋwääi ni met, na näk laam mo jø Jwøk.

Mana Nyooth 7:11

Ni ö nyïïatwiet maalli bëët ni cuŋge deŋ wällögø bäre, ki deŋ jaae ki gïïa näk aŋween na kwøw, ni päthge ki nyïmge nyïm wälu ni wøørge Jwøk,

Mana Nyooth 9:16

'Ba kwään jø leny mo wø cäädhi ki bäät okwëënyi thööth døc, ni beege miilïënni ma dïpe ariiø. Ni wïnynya kwäänge.