Mana Nyooth 4:8 - Wëël Jwøk

⁸ 'Ba gïïo na aŋween ni kwøw yøø ni dëëtge ogääbö ki nyeŋ ki wøk ki yïthge, man nø dëëre da bwöm abïciel. Ni wärre ki cääŋŋe duut ba cöök dhøkge, ni duut man wø wärge beeye en: «Kwäärö Jwøk na en teeki jïre, ena kur keere, ena kur keere, ena kur keere, ŋata nut cøøn, ni nut en, ni beeye eni no ööi.»

Mana Nyooth 4:8 Iomraidhean Croise

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

Dut Pwøc 91:1

Bwøth Wøk 15:11

«Wui Wuuö Jwøk, ?aŋa ni pääri ki ïïni dï juu bëët? ?Aŋa ni pääri ki ïïni na dwøŋ, ni bëëtö mare ena kur keere? ?Aŋø, paa ï na Jwøk keerï na doo lwäärö kiper ajiem marï ki gïï wø rëëm ec ni wø tïïyï?

Bwøth Wøk 3:14

Ni kö Jwøki jï Modhe, ni «Beeye aani ni nut en.» Ni cäŋ köö, ni «Wär caanï jï jø Icriel, ni ‹Jwøa cwøl ni «Aani ni nut en» bee eni na jääŋ aani baŋu.› »

Aydheea 13:6

«Gööu ko oduuru, kiper cäŋ mar Wuuö Jwøk kare acäännö. Cäŋögø öö na cäŋ aranya ni käla baŋ Jwøa en teeki jïre.

Aydheea 62:1

'Ba kiper nyeŋ Dhayan a ba nikïïl; kiper nyeŋŋe, eni na Jerucalem, a ba bëëdö naa lïŋö, këël kanyo ö bëënynyö mare noo kwääre kaamar tiet cäŋ mo tuulö, noo ö pïëmmi man piem eni ki gø noo liele kaamar ameeth.

Edhikiel 1:18

'Ba tiet jïëthe moøgø bäyö ni di lwäyö ki ge; ni ge na aŋween bëët yøø bëëdö ni dëëtge ogääbö ki nyeŋ mo raŋ ki deŋge bäre.

Edhikiel 1:5

Ni yi maaøgø da gïï ma aŋween mo caala gïï mo kwøw. 'Ba gïïögø kït moge nëëni na ennø nø: Geni, geno cwääö kaamar jiy.

Edhikiel 1:6

'Ba man nø jïre da täärnyïmmi aŋween ki bwöm aŋween.

Edhikiel 10:12

'Ba kirubëlli dëëtge bäre, ni beege dïŋäthge, ki ceŋge, ki bwöpge, këël tiet jïëthe moa na aŋween na en buutge, bëëdö no ogääbö ki nyeŋ mo raŋ bëët.

Jool 1:15

'Ba otïmö ni raac kiper cäŋ mano ööi, kiper cäŋ mar Wuuö Jwøk kare acäännö. Cäŋögø öö na cäŋ aranya, ni käla baŋ Jwøa en teeki jïre.

Moa Tïïc Nyïïatwieli 20:31

Kiper manøgønø, gwøgu rou, ni parru wïthu ki cwiiya näk adäk na thööra cääŋŋe ki wärre naa köömma uuni bëët ki luubö mo teek, naa jwöŋö.

2 Körin 6:18

«Noo caan Wuuö Jwøki na en teeki jïre, ni ‹Aano tïmö ni aana Wuuö jïïu, ni tïmu ni uuna wääta ki nyïïa.› »

1 Thecalönika 2:9

Kiper wïthu kär wïl ki tïïc marwa na öölwa døc, nyïïmera. Waana tïïö ki wärre ki cääŋŋe bëët, kiper nou ba öölwa, kanya køpwa luumma nyään na met na näk mar Jwøk jïïu.

1 Timöthi 4:16

Gwøk riï ki pwöc marï ni putï gø ŋäc, kiper noo tïïï na enøgønø dëërï okønyï ki jøw owïny moï.

2 Timöthi 4:2

ki man køpï luum Jwøk cooth ki cwïnyï bäre, kany wø näk ma kare, ki kany wø näk mo patha kare, niï cøga jiy, ni joogï geni, ni köömmï ge, ni pwöc marï ba weyï, niï ba jøøm.

Ibaru 13:8

'Ba Jecu Krictø poot na kare, ya awääre ki dïcäŋi, këël na bäre bäre.

Mana Nyooth 1:4

Aana Jøøn ni määth acook Jwøk karge bïriedi, ni en yi Eecia. Met ec bëëde bäätu ki bëët-mëër man wø ööi ki baŋ ŋat nut en, na nut cøøn, ni beeye noo ööi, ki baŋ jwïëy karge bïriedi ni wø en nyïm wälle,

Mana Nyooth 1:8

Kwäärö Jwøk aköö, ni «Aana Alpa ni näga Omëëga, ŋat nut en, na nut cøøn, ni beeye eni no ööi, ŋata en teeki jïre.»

Mana Nyooth 11:17

Ni köge, ni «Wui Kwäärö Wuuö Jwøk na en teeki jïre, wa dwøga met ec jïrï, ï ni nut en, ni nudï cøøn, kiper na lwørï teegï na dwøŋ, ni tägï ki man bëën ïïni.

Mana Nyooth 14:11

Ni ö jïc maac mano caar geni ki gø ni duuŋe këël na bäre bäre. Ni bäŋ jwömö jïge ki wärre ki cääŋŋe, ni beege jø wø wøør Läänögø ki gïna näk ocwääö na kïte, ki jø wø dëëtge jïti ki ŋïï mar nyeŋŋe.»

Mana Nyooth 14:3

Ni ge wär ki duut mo nyään nyïm wälu, ki nyïm gïïa näk aŋween na kwøw, ki nyïm jaae. 'Ba bäŋ dhaanhø mo maar duudace kwany, 'ba beege jøøa wïïl wøk piny na näk kume ma dïpa ki pïëraŋween kurŋween, na kwany gø.

Mana Nyooth 15:3

Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.

Mana Nyooth 15:7

Ni ö acielli dëët gïïa näk aŋween na kwøw ni mooc nyïïatwiet maal moøgø na abïriiø yøø ki kuure abïriiø ma warkey mo päŋ ki wëëc Jwøk, eni ni wø bëëdö ni kwøw këël na bäre bäre.

Mana Nyooth 16:14

Kiper gena jwïëy anäge mo tïïö ki ŋïïce mo wø ci wøk baŋ nyec piny bäre, kuna cooŋge geni kanya ciel kiper leny mar cäŋo dwøŋ mar Jwøk na en teeki jïre.

Mana Nyooth 16:7

Ni wïnynya dwøl ki yi gïn wø waŋ gïï wø jïcge ŋwääi ni met bääte, ni köök, ni «Wui, Kwäärö Wuuö Jwøk na en teeki jïre, ka adïëri møn, ŋøl marï beeye adïëri ni beer.»

Mana Nyooth 19:15

Ni ö opëëllö mo beth ni bëëde ni ööa wøk ki dhee, mano gøøc mïëri ki gø, ni dïïm geni ka athøny nywïënyö. 'Ba eni buur wø biic nyïïomøki mar wëëc Jwøk na en teeki jïre, wëëya dwøŋ døc, onyøøne.

Mana Nyooth 19:4

Ni ö jaae moa näk pïërariiø kurŋween ki gïïa kwøw karge ŋweeni ni leeŋge røkge piny ni wøørge Jwøk, eni na en bäät wälu, ni köge, ni «Enøgønø. Alëluya!»

Mana Nyooth 21:22

'Ba bäŋ Øt Jwøk mo yaa joodø paanøgø, kiper Øt Jwøk mare beeye Kwäärö Wuuö Jwøk na en teeki jïre ge ki Nyidiel.

Mana Nyooth 3:7

«Ni göötï baŋ nyïïatwiel maal mar acooŋ Jwøk mana en yi Piladelpia, ni kööï, ni «Moi beege luup ŋata en kur keere, na näk adïëri, ni en muktään Deebit cere, ŋat wø jäbö, ni bäŋ ŋat mo dëët gø, ni wø cïëö ni bäŋ ŋat mo jap gø:

Mana Nyooth 4:4

'Ba deŋ wälu manøgø bäre da wäle ma pïërariiø kurŋween, ni bäät wätöge da jaae ma pïërariiø kurŋween, mo ge käära abïïe mo tar, ni wïthge da adude ma warkey.

Mana Nyooth 4:6

'Ba nyïm wälu manøgø da gïn mør mo keda naam mo dwøŋ mo kede tïïc ka wïlli mo tøŋ døc. 'Ba wällögø na en dïër enø, deŋŋe da gïï ma aŋween mo kwøw mo nyïmge ki ŋäthge ogääbö ki nyeŋ mo raŋ.

Mana Nyooth 4:9

'Ba kany wø ö gïïo ni kwøw yøø wø jiemge eni na näk opï bäät wälu, ni wøørge eni ni dwøkge met ec baŋe, eni ni wø bëëdö ni kwøw këël na bäre bäre,

Mana Nyooth 5:6

'Ba yïthakic wälu ki gïïa kwøw karge ŋweeni ki dï jaae aana nëënnö ki Nyidiel mo cuŋŋö, mo kede onää, dëëre ki tuŋi abïriiø ki nyeŋ abïriiø na näk Jwïëc Jwøk karge bïriedi mo ojääŋŋö dï piny bäre.

Mana Nyooth 6:1

Kanyøgø aana nëënnö kanya ö Nyidielli na jap mööni aciel røk möönne abïriiø, ni wïnynya dwør aciel røk gïïa kwøw karge ŋweeni, ni cäänni ka dwøl mo keda määc køth, ni kööe, ni «Ööï.»

Mana Nyooth 6:6

Ni wïnynya gïnmør mo keda dwøl dï gïïa näk aŋween na kwøw, ni köö, ni «Rumi aciel mar beek wø cwøl ni cïndë ŋeew ka gwel mo röömi ki gät tïïc man wø cool jï dhaanhø ki yi cäŋ, ni beek wø cwøl ni gäbci mo yïth rumme adäk poot ŋeew ka gwel mo caala moøgø. 'Ba kär niï raanynya maaw ki køøŋ nyïïomøki.»

Mana Nyooth 7:11

Ni ö nyïïatwiet maalli bëët ni cuŋge deŋ wällögø bäre, ki deŋ jaae ki gïïa näk aŋween na kwøw, ni päthge ki nyïmge nyïm wälu ni wøørge Jwøk,

Mana Nyooth 7:15

«Ni beeye tiere ni cuŋge nyïm wäl Jwøk en, ni ge tïnynya eni ki cääŋŋe ki wärre yi Øt Lam mare na dwøŋ. 'Ba eni ni en bäät wälu kiper na nude, geno gëëŋe.