Mana Nyooth 4:7 - Wëël Jwøk

⁷ Ni mana dïkwøŋ røk gïïo ni kwøw yøø caala ŋuu, ni ö rietge ni caal rwaath, ni dääge, täärnyïme caala täärnyïm dhaanhø, ni ö ŋweerge ni caal coor mo määdö.

Mana Nyooth 4:7 Iomraidhean Croise

Wïlöölö 49:9

Juuda rööma nyï ŋuu mo teek, ni caala ŋuu mo ö maal no ojäŋ ki rïŋö. Ena gääŋ, ni tïme kaamar ŋuu mo omøør piny. Ni bëëde kaamar ŋuu ma maath. ?Aŋø, aŋa ni ba lwäär ki man jiec gø?

2 Camiel 1:23

«Ka adïëri møn, Cøøl ki wääde ma Jönathan gena bëëdö ni di mëërö ki ge, ni yïth jøw met ki ge; 'ba na tïme na ri thøø, gena thøw na aciel. Gena jiy mo rïïŋö døc ni kaala olwiith mana näk agweec, ni ge teek døc ni kaala cïgïï ŋuu.

Pwöc Leec Wïc 28:2

Kany wø bëët paaci ki bëëtö mo raac, kwääri mo tïïö ka ageeme wø tïmö ni thööth, 'ba paac mo käära ŋat mo cädö ni wïïe leer ruu ki kany mo bäär.

Aydheea 40:31

'Ba jiy mo wø bëëdö ni ge ŋäätha Wuuö Jwøk ge jïtö ki teek mo nyään; ni määtge ki bwöm kaamar odhuuth, ni rïïŋge ni ge ba ööl, ni cääthge ni tietge ba øc piny.

Edhikiel 1:10

'Ba gïïö na aŋween yøø yi cwääc mana cwääc täärnyïmge ki gø bee en: Täärnyïm mana en løø nyïm otïïö kaamar täärnyïm dhaanhø, ni ö mana en bäät cwïïc ni tïï kaamar täärnyïm ŋuu, ni ö mana en bäät caam ni tïï kaamar täärnyïm rwaath, ni ö mana en ŋäc ni tïï kaamar täärnyïm olwiith mana näk agweec.

Edhikiel 1:8

'Ba tiet bwöpge moø na aŋween yøø ki jï piny da ceŋ mo kede ceŋ dhaanhø. 'Ba gïïö na aŋween bëët yøø, man nø jïre da täärnyïmmi aŋween ki bwöm aŋween,

Edhikiel 10:14

'Ba kirubël man nø jïre da täärnyïmmi ma aŋween. Täärnyïm mana dïkwøŋ nëëni na täärnyïm kirubël; 'ba rietge caala täärnyïm dhaanhø, ni dääge caala täärnyïm ŋuu, ni ö ŋweerge ni caal täärnyïm olwiith mana näk agweec.

Edhikiel 10:21

'Ba gïïögøøni man nø jïre da täärnyïmmi aŋween, ki bwöm aŋween, ni tiet bwöpge ki jï piny da gïï mo nëëni kede ceŋ dhaanhø.

Daniel 7:4

«Cwieny mana dïkwøŋ caala ŋuu, ni jïre da bwöm mo caala mo odhuuth. Aana bëëdö naa raŋŋa gø këël mana ö bwömmi moe ni pudhi wøk, no otïŋ maal no othïïŋö ni cuŋŋö ki tiel ariiø kaamar dhaanhø, ni cïp acaara mar dhaanhø jïre.

Obadiya 1:4

Wuuö Jwøk aköö, ni «Këël ïïno määt maal kaamar odhuuth, ni geerï ødï yïthakic ceer, ï wëëga duun piny ki kanya enï yie.

Kwään Jiy 23:24

Ka adïëri møn, lwaa Icriel cuŋŋö kaamar maath ŋuu, ni ö maal kaamar cïgïï ŋuu, ni bäŋ doo butö këël mano cam gïna dware, ni maath remø mar gïna nääe.»

Kwään Jiy 24:9

Jø Icriel caala cïgïï ŋuu mo obut piny, ni ge caala maath ŋuu. ?Aŋa no maar gø jiec? Gwïëth oen bäät ŋat wäro gwïëth geni, na acïëni oen bäät ŋat wäro cien geni.»

1 Körin 14:20

'Ba, nyïïmera, kär acaara maru tïmö na acaac obwöre. Bëëdu ni uuno obwöre mo mar ki kur raay, ni tïmu nou døøŋŋø ki kur acaara.

Tiet Ciik 28:49

«Wuuö Jwøk känna bäätu ki wï jur mo käla kany mo bäär ya aŋuun piny, ni läänge baŋu ka man wø lään coorri piny, ni beeye wï jur mo dhøkge ba wïnynyu,

Mana Nyooth 4:6

'Ba nyïm wälu manøgø da gïn mør mo keda naam mo dwøŋ mo kede tïïc ka wïlli mo tøŋ døc. 'Ba wällögø na en dïër enø, deŋŋe da gïï ma aŋween mo kwøw mo nyïmge ki ŋäthge ogääbö ki nyeŋ mo raŋ.

Mana Nyooth 6:3

'Ba na ö Nyidiel na jap riet möönne, dwør riet gïïa kwøw awïnynya, ni köö, ni «Ööï.»

Mana Nyooth 6:5

'Ba na ö Nyidiel na jap dää möönne, dwør dää gïïa kwøw awïnynya, ni köö, ni «Ööï.» Ni nëënna, ni jooda okweeny mør mo cøl, mo bääte da ŋat mo cere da rumi.

Mana Nyooth 6:7

'Ba na ö Nyidiel na jap ŋweer möönne, dwør ŋweer gïïa kwøw awïnynya, ni köö, ni «Ööï.»