Mana Nyooth 3:8 - Wëël Jwøk

⁸ «Aani, tïïe moï ŋääa. 'Ba neenï, ïïna wëënna ko odhuulu mo ojabø, mo bäŋ ŋat mo maar lønyø jïre ki man cïëk gø. Ni ŋääa ni teek marï thiinh, 'ba luumma poot iï gwøø, ni nyeŋŋa kärï mooŋø.

Mana Nyooth 3:8 Iomraidhean Croise

Pwöc Leec Wïc 30:9

kiper naa ba jääŋa ni mooŋa ïïni, ni kööa, ni ‹?Wuuö Jwøk aŋa?› wala naa ba tïma naa can ni kwäta, naa raanynya nyeŋŋï, ï na Jwøk mara.»

Daniel 11:34

'Ba kanyo bëëtge ni ge thøwø, ge na jic Jwøk ge jïtö ki køny mo thiinh, ni ö jiyi mo thööth ni dwätge ki geni ki dhøk mo pøøth.

Luk 12:9

'Ba ŋato wäro mooŋ aani nyïm jiy, omooŋ thuwø nyïm nyïïatwiet maal mo Jwøk.

Jøøn 15:20

Kär wïthu wïl ki luumma caana jïïu, ni ‹Laŋŋø ba dwøŋŋa eni ki kwääye.› Ni näk maa ege caannø, uuno caange thuwø. 'Ba ni näk luumma ege gwøø, luummu ogwøkge thuwø.

Jøøn 17:6

«Aani nyeŋŋï anyoodha jï jøøa cïpï jïra ri jø piny. Gena moï, ni cïpï ge jïra, ni luummï ege gwøø.

Moa Tïïc Nyïïatwieli 14:27

'Ba na pïïcge, acooŋ Jwøk bäre acooŋge kanya ciel, ni køpge gïïa tïïc Jwøki ki rege, ki kanya jap øtjöör ŋäädhe jï juurre.

1 Körin 16:9

kiper aano jämmö ki jöö mo päl, ni beeye jöör tïïc ma wøp døc, 'ba da nyïïmän mo thööth døc.

2 Körin 2:12

'Ba kanya cøøa Tarööa kuna køba luumma nyään na met mar Krictø, jööra atïmö ni ŋaam ki nyeŋ Wuuö.

Pilipay 4:13

'Ba jammi bëët løny jïra ki man tïïa ge ki køør ŋat wø tïïc aani naa teek.

Köløcia 4:3

Ni lämu kiperwa thuwø, kiper nee wa jäm Jwøki ki jöö man køpwa luum Jwøk ki gø, ni køpwa gïr Krictø na näk tiere okwøŋ kan, ni beeye gïn twöc aani kipere en.

1 Timöthi 5:8

'Ba ni näk da dhaanhø mo tuuŋge ba caame, ni letha per jø paare røk, ŋatøgø nyootha gø ni eno kweer ki lam man, ni kadha rääye døc ki ŋat mo kär jïëy.

2 Timöthi 4:7

Aana këëdö ki leny ma wøp, ni thööra ŋwïëy mara, ni gwøa ŋäädhe.

Juut 1:4

Kiper da jø møøk mo odunynyö ki jöö mør ki piny, jøøa näk omiiø cøøn kiper ajäl Jwøk, jøøa ba wøør Jwøk na wiil luum met yi Jwøk marø ni døøcge gø jöö man tïïcge gïï mo patha karge, ni kwierge Kwääyø ma aciel na näk Kwäärö ma Jecu Krictø.

Mana Nyooth 2:13

«Aani, kany bëëdï yie enø ŋääa, ni beeye kany wø bëët wäl Ceethanni yie. 'Ba nyeŋŋa iï jïëö møn, ni ŋäädhe marï mana ŋääthï aani ki gø kärï mooŋø, këël yïth nïr lïŋi mara ma Antipa ŋata näk yaa ŋäädhö, na 'näk dïïu, kanyø ni bëët Ceethanni yie enø.

Mana Nyooth 2:2

«Aani, tïïe moï ŋääa, ki öölö marï, ni cwïnyï iï maa, niï ba maar jïëy ki jø raay. 'Ba jøøa døøc dëëtge nyïïatwieli ni ge patha nyïïatwieli, gena päänynyï, ni jootï geni ni marge tööt.

Mana Nyooth 22:7

'Ba Jecu aköö, «Neenï, aano laar öö. Gwïëth en jï ŋat wø gwøk luupögø ni en yi wëëlli en ni køp gïï mo poot ena nyïm.»

Mana Nyooth 3:1

«Ni göötï baŋ nyïïatwiel maal mar acooŋ Jwøk mana en Carda, ni kööï, ni «Moi beege luup ŋat en Jwïëc Jwøki karge bïriet jïre, ki ceer karge bïriedi: «Aani, tïïe moï ŋääa. Ni nyeŋŋï wïnyö niï kwøw, 'ba ïïno thøw.

Mana Nyooth 3:10

'Ba kiper mana gwøgï luumma na bëëdï ni cwïnyï iï maa, ïïno gwøa kanyo ö gïïa lethi no öge bäät piny bäre kuna päänyge jøøi ni bëëdö bäät piny en.

Mana Nyooth 3:15

«Aani, tïïe moï ŋääa, niï ba lïëth, niï ba ŋec. 'Ba doo beerra mana diï lïëth wala ï ŋec.

Mana Nyooth 3:7

«Ni göötï baŋ nyïïatwiel maal mar acooŋ Jwøk mana en yi Piladelpia, ni kööï, ni «Moi beege luup ŋata en kur keere, na näk adïëri, ni en muktään Deebit cere, ŋat wø jäbö, ni bäŋ ŋat mo dëët gø, ni wø cïëö ni bäŋ ŋat mo jap gø: