Mana Nyooth 3:7 - Wëël Jwøk

⁷ «Ni göötï baŋ nyïïatwiel maal mar acooŋ Jwøk mana en yi Piladelpia, ni kööï, ni «Moi beege luup ŋata en kur keere, na näk adïëri, ni en muktään Deebit cere, ŋat wø jäbö, ni bäŋ ŋat mo dëët gø, ni wø cïëö ni bäŋ ŋat mo jap gø:

Mana Nyooth 3:7 Iomraidhean Croise

Jööp 11:10

«?Aŋø, ni näk mo Jwøk öö ni leeŋ ïïni øt twöc, ni ŋun bäätï ki luubö, aŋa noo män gø?

Jööp 12:14

Ka adïëri møn, eni gïn mo ee toor piny, ba løny ki man cäŋi geerrø; ni dhaanhø mo ee twöö, bäŋ ŋat mo päta gø.

Aydheea 22:22

Køøre aani, kulpïï mar dhi øt Deebit cïba cere, ni tïm teeki ni ena jïre, ni kany wø jap dhøk uudi, bäŋ ŋat mo cïëga ge, ni kany wø cïëk ge bäŋ ŋat mo japa ge.

Aydheea 30:11

Weyu jöör adïëri manøgø, ni daagu rou yie; wa ba many gø këët nee dee gïn mo wïnywa wïnynyö kiper Jwø Icriel na en kur keere.› »

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 41:16

Geno kwørï ni køøli ya jamø, ni puti ya apwøyaweerø keethø. 'Ba ïïni, iï omïnni ki aani, a na Wuuö Jwøk, ni jiemï aani, a na Jwø Icriel na en kur keere.

Aydheea 41:20

nee joot jiyi, ni ŋäcge gø, nee caarge ni kwanyge tier gø, ki man näk mo bee aani na Wuuö Jwøk ki dëëra kiree na tïïc gø, ni bee aani na cwääc gø, a na Jwø Icriel na en kur keere.»

Aydheea 47:4

Eni na wïïl øøni wøk, nyeŋŋe beeye Wuuö Jwøk, eni na wïth jammi bëët, ni beeye Jwø Icriel na en kur keere.

Aydheea 48:17

Man beeye dwør Wuuö Jwøk, eni na wïïl uuni wøk, eni na Jwø Icriel na en kur keere, ena köö, ni «Aani, aana Wuuö Jwøk, Jwøk maru, ni wø pwöny uuni nou bëënynyu, ni wø bwøth uuni ki jöö mano cøru yie.

Aydheea 49:7

Man beeye dwøl mana caan Wuuö Jwøki, eni na wïïl jø Icriel wøk, eni na Jwøa en kur keere; ni luubö manøgø caane jï ŋata no otaaø, na no okwier wïth juurre, na laŋŋø mar dïbwöthe, ena köö, ni «Nyeye ïïno neenge ni öge maal, ni ö kwääri ni këëlge cøŋge piny ni ge wøøra ïïni, kipera, a na Wuuö Jwøk na no oŋäädhö, a na Jwø Icriel na en kur keere na jier ïïni.»

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Aydheea 55:5

'Ba eni wïth juurre mo kuue ocwøle, ni ö wïth juurre moa kuc eni ni rïŋge baŋ gø, kiper a na Wuuö Jwøk, Jwøk mare, a na Jwø Icriel na en kur keere, eni mooa mooø ka ajiem.»

Aydheea 6:3

Kanyøgø dhøkge aløøŋge ni ge köö, «Wuuö Jwøk, eni na wïth jammi bëët, ena kur keere, ena kur keere, ena kur keere; ni piny bäre päŋ ka ajiem mare.»

Mathiew 16:19

'Ba kulpïïe mo buya käl maal omëëga ïïni. Ni gïn wäro twöyï piny, onø twöc maal, ni gïn wäro jïëyï piny, onø jïëc maal.»

Mathiew 24:35

Maal ki piny opöödhi, 'ba luupa ba dak.

Maak 1:24

Ni ö eni ni put köö ki dwøl mo päl, na «?Agïnaŋø noo tïïyï ki waani, ï na Jecu nyï Nadhareth? ?Ï ööa kuna raanynyï waani? Ï ŋääa, ni ïïna ŋata en kur keere, na näk mar Jwøk.»

Luk 1:32

'Ba kare otïmö ni dwøŋ, ni cwøli ni O Jwøa Dwøŋ ni en Maal. 'Ba eno wëëk Kwäärö ma Jwøk wäl kwari ma Deebit,

Luk 4:34

ni «?Wui, ï na Jecu nyï Nadhareth, agïnaŋø noo tïïyï ki waani? ?Ï ööa kuna raanynyï waani? Ï ŋääa, ni ïïna ŋata en kur keere na näk mar Jwøk.»

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Moa Tïïc Nyïïatwieli 3:14

'Ba eni na näk mar Jwøk na en kur keere na mare beer akwierru, ni pëënynyu dïnääy nee cïp jïïu,

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

Mana Nyooth 1:11

ni cäänö, ni «Göör gïn ni neetï en yi wëëlö, ni jääŋŋï gø baŋ acook Jwøk karge bïriedi, ni beeye yi Epeca, ki Camerna, ki Pergamum, ki Thayatira, ki Carda, ki Piladelpia, ki Leeyödicia.»

Mana Nyooth 1:18

Ni beeye aani ni kwøw. Kiper aana thøw møn, 'ba kawaane aana cäŋ kwøwø, këël na bäre bäre. Ni muktääe mo thøø ki kar bëët jwïëc jøøa näk othøw ena cera.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 15:3

Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.

Mana Nyooth 16:7

Ni wïnynya dwøl ki yi gïn wø waŋ gïï wø jïcge ŋwääi ni met bääte, ni köök, ni «Wui, Kwäärö Wuuö Jwøk na en teeki jïre, ka adïëri møn, ŋøl marï beeye adïëri ni beer.»

Mana Nyooth 19:11

Kanyøgø maal aneena ni ŋaam, ni neena okweeny mo tar. 'Ba ŋata en bääte cwøl ni Ŋat mo oŋäädhö ni näk Adïëri. Ni näk mare ŋøl luubö wala tïïya leny, moe beege adïëri.

Mana Nyooth 19:2

Kiper ŋøl mare beeye adïëri ni näk kare. Ni eni kääpa dwøŋ na raany piny ki käp mare aŋøl wøk, ni cool kwör remø mar laage dëër gø.»

Mana Nyooth 2:1

«'Ba gööt baŋ nyïïatwiel maal mar acooŋ Jwøk mana en Epeca ni kööï, ni «Moi beege luup ŋata näk cer cwïïe da ceer abïriiø, ni wø cäädhi ki dï lambae abïriiø ni wø en bäät tëëde ma warkey karge bïriet.

Mana Nyooth 21:5

Ni ö ŋata en bäät wälu ni kööe, ni «Ennø, a tïïya jammi bëët ni nyärö.» Ni cäŋ köö, ni «Göör gïn. Kiper luup moi ii beege luup mo oŋäädhö ni näkge adïëri.»

Mana Nyooth 3:14

«Ni göötï baŋ nyïïatwiel maal mar acooŋ Jwøk mana en Leeyödicia, ni kööï, ni «Moi beege luup ŋat wø cwøl ni Enøgønø, na näk lïŋi mana näk adïëri ni wø cäänö ka adïëri, ni beeye na ö Jwøki na cwääc jammi ki ree:

Mana Nyooth 4:8

'Ba gïïo na aŋween ni kwøw yøø ni dëëtge ogääbö ki nyeŋ ki wøk ki yïthge, man nø dëëre da bwöm abïciel. Ni wärre ki cääŋŋe duut ba cöök dhøkge, ni duut man wø wärge beeye en: «Kwäärö Jwøk na en teeki jïre, ena kur keere, ena kur keere, ena kur keere, ŋata nut cøøn, ni nut en, ni beeye eni no ööi.»

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.

Mana Nyooth 6:10

Ni köökge ki dwøl mo päl, ni «?Wui Kwäärö Jwøk na en teeki jïre, na en kur keere na näk adïëri, awäne noo ŋølï luubö noo coolï kwör remwa dëët jøø ni bëëdö bäät piny en?»