Mana Nyooth 3:19 - Wëël Jwøk

¹⁹ «Kiper a wø jooga jø wø mëëra ki geni, ni pwöda geni. Kiper manøgønø, këëyï, ni løgï cwïnyï.

Mana Nyooth 3:19 Iomraidhean Croise

2 Camiel 7:14

'Ba aano bëëdö ni aana wuuö jïre, ni bëëde na wäädö jïra. 'Ba kanyo näk eno bääyö, pwönynya pwönynyö kaawat man wø ö dhaanhe wø pwöny wääde, ni jääla gø kaawat man wø ö dhaanhe wø jääl wääde,

Jööp 5:17

«Meta yi ŋat wø jook Jwøki; kiper manøgønø, kär pwöc Jwøk na en teeki jïre taagï.

Dut Pwøc 6:1

Pwöc Leec Wïc 15:10

Pwöc mo leth oen bäät ŋat wø kwier jöör adïëri, ni ŋat wø män ki juuk, thøw.

Pwöc Leec Wïc 15:32

Ŋat wø taak pwöc raanynya dëëre keere, 'ba ŋat wø wïny juuk wø jïtö ka acaara.

Pwöc Leec Wïc 22:15

Bëët dïkät wïc onieŋ cwïny nyilaal, 'ba beeye acwäät pwöc noo riem gø wøk cwïnye.

Aydheea 26:16

Wui Wuuö Jwøk, jiy moï kanya enge yïth gïï mo leth, ïïna manyge, ni lämge ni ge muuŋö, kanya bëët ajäla marï bäätge.

Jeremaya 10:24

Wui Wuuö Jwøk, pwöny aani ka ajäla mana näk kare, mo ree bäŋ wëër, naa ba ränynya.

Jeremaya 2:30

Aana tïïö ki gïï mo leth dëëtu, 'ba bäŋ pwöc mo you wïnynyö; opëëlle mou nyïïkuk Jwøk mou athöörge kaamar ŋuu mo owär.

Jeremaya 30:11

Kiper a na Wuuö Jwøk, a ena buutu naa peemma uuni. Aani, tiet mïëc wïth juurre bëët moa keetha uuni yïthge, raanynya raanynyø na bäre. 'Ba uuni, u ba raanynya bäre. U pwönynya pwönynyö ka ajäla mana näk kare, nou ba wiia ka ajäla.›

Jeremaya 31:18

«Ka adïëri møn, dööt jø Ipariem wïnyö jïra ni ge jwöŋö, ni ge köö, ni ‹Waana pwötï kaamar nyirøøa mo wïïe känni, ni wïnywa pwöc manøgø; duu waani baŋï, nee bëëtö marwa døø kare, kiper ï na Wuuö Jwøk, bee ï na Jwøk marwa.

Jeremaya 7:28

Køøre ï köö jïge, ni ‹Paac man beeye paac mo luum Wuuö Jwøk, Jwøk mare, ba wïnynye, ni käre pwöc mare na leth wïnynyö thuwø; ni ö adïëri ni rwäänye, ni tïme ni bäŋ ŋat mo cäänö ka adïëri.

Jepaniya 3:2

Eni bäŋ dwøl mo wïnynye, ni bäŋ acaara mo jïëe. Eni Wuuö Jwøk käre ŋäädhö, ni eni ba nyiik buut Jwøk mare.

Mathiew 25:7

«Kanyøgø nyïïakuugögø aö maal ni thoothge lambae moge.

Jøøn 2:17

Kanyøgø bääge wïthge aputge caar ki luumma no ogöörö, ni «Remø mara atwak kiper øtø marï.»

Wëëlö Mana Göör Pøølli Baŋ Jø Röm 12:11

Käru jøøm ki tïïu, 'ba bëëdu nou tïnynya Wuuö ni täärnyïmmu leer ki Jwïëc Jwøk ni en cwïnynyu.

1 Körin 11:32

'Ba kany wø ö Wuue wø jääl øøni, pwönynya øøni, kiper nee ø ba jääl ki jø piny na aciel.

2 Körin 6:9

Ni caar wa ni wa kuc, këël na ŋäc wa døøc. Ni wa wø cööpa kany mo cään ki thøø, 'ba wa wø cäŋa kwøw. Waani, wa di pöötö, 'ba wa bäŋ wø 'näk.

2 Körin 7:11

Neennu a teeŋ acaara mo nyïëdi na jootu ki køør kïmmö manøgø ni wø many Jwøki, na a teeŋ piew cwïny mo nyïëdi na laaru dëëtu nyooth nou beyø, na a teeŋ räny cwïny mo nyïëdi, ki lwär, ki äp cwïny, ki cïp cwïny køør gø, ka ajäla na cïpu. Ki yïth japøgø bëët røgu anyoothu ni bäŋ gïn mo ogwäyö jïïu ri luummögø.

Galeecia 4:18

'Ba ni näk mo dhaanhø mwøth kaper tier gïn mo beer, doo beer ki mana dii mwødhø cooth, ni paa kany wø ena buutu keere.

Tiet Ciik 8:5

Køøre nø, dou ŋääö ki cwïnynyu ni Wuuö Jwøk na näk Jwøu, mare beeye pwöc ki uuni, kaawat man wø ö dhaanhe wø pwöny wääde.

Tayta 2:14

ŋata cïp ree kiperø, nee ø wïïl wøk yïth raay bëët, ni tïïc øøni ni ø waany na moe, na jiy mo cwïnyge ege cïp køør tïïe moa beyø.

Jeemeth 1:12

Meta yi ŋat wø jïëny päänynyö, kiper kany wø bööt päänynyö, eno jïti ka adun kwøw mana näk obuuk Jwøki jï jø wø mëër ki eni.

Mana Nyooth 2:5

Caar wïïï ki gïna døøï cään ki gø. Løk cwïnyï, ni tïïyï tïïe moa wara tïïyï dïkwøŋ. 'Ba ni näk ba tïïyï, ni ba løgï cwïnyï, a ööa baŋï, ni lwøra lamba marï kare, ni daaa gø.