Mana Nyooth 3:18 - Wëël Jwøk

¹⁸ 'Ba a pwönynya ïïni ki man ŋëëmmï baŋa ki warkey mo oleenyø ki maac, kiper niï kwärï, ni ŋëëmmï baŋa ka abïïe mo tar, nee røøï dëërï, nee laac wïc manø ni cäädhï ki dëërï enø, nee ba neen, ni ŋëëmmï baŋa ki jaath nee nyeŋŋï wïïrï ki gø, niï nëënï.

Mana Nyooth 3:18 Iomraidhean Croise

Pwöc Leec Wïc 1:25

ni taagu pwöc 'moa bëët, ni käru juuk mara jïëö,

Pwöc Leec Wïc 1:30

Geni, pwöc mara kärge jïëö, ni kwierge juuk mara na bäre;

Pwöc Leec Wïc 19:20

Wïny köömmö ni jïëyï pwöc, niï bëëdï ni wïïï leer yïth nïr kwøw moï.

Pwöc Leec Wïc 23:23

Adïëri manynyï, ni ba dwøgï gø pwödhö, ni manynyï leec wïc ki pwöc ki ŋäc tiet luup.

Luup Dïpööy 8:2

Aani, a cäänna ïïni, «Gwøk luum nyeya kiper kööŋ mana kööŋï ki gø nyïm Jwøk.

Aydheea 47:3

Dööŋŋö marï ki dëërï otïmö ni bäŋ gïn gëëŋ gø, ni ö lään wïci marï ni bëëde ni nëënö jaak. Kwör coola coolø ni bäŋ ŋat mo wëënna.»

Aydheea 55:1

Wuuö Jwøk aköö, «Wui, u na no onäk riewi bëët, ööu kuna mäthu ki pïï! Wui, u na jïïu bäŋ gwel bëët, ööu ni lwötu ki caammi ni cämu! Ööu ni källu kwøk nyïïomøki ki caak ni bäŋ gwel mo pëënynyi ki uuni, wala gätge.

Jeremaya 13:26

Kiper manøgønø, aani, ï tïïa tïïö kaamar dhaagø ma abïïne okäl wøk dëëre, ni dööŋe ki dëëre, ni ö laac wïci mare ni joodi.

Daniel 12:2

'Ba jiy mo thööth moa no othøw no okoony piny yi ŋöömö, ge päy, ni møøk cøøa yi kwøw mana näk bëëdö na bäre bäre, ni møøk cøøa kar lään wïc ki kar ataa mo bëëdö na bäre bäre.

Mikiya 1:11

U ni wø bëëdö Capir, uuno mak ki tøŋ ni käl uuni nou cäädhi ka dëëtu ni bëët wïthu ni laay. Ni u ni wø bëëdö Dhaanan, u ba bøth. Jø Bëëth-Idhel geno bëëdö ni ge kïmmö, ni ba jïtu ki køny baŋge.

Neeyam 3:5

Neennu, mana caan Wuuö Jwøki, eni na wïth jammi bëët, bee en, ena köö, ni «Aani, a tïïö dëërï ki gïrpiny. Aani, abïïnï jaara maal ni pïïe wïïï, naa nyootha dëërï jï wïth juurre, ni ö akwöp nyec ni jootge lään wïc marï.

Milkiya 3:3

'Ba eni, eno bëëdö ni caala ŋato leeny gwel-bïrö ni twøn gø; ni ö eni ni tïïc nyïïkwaac Libay ni waany, keda man wø twøn warkey wala gwel-bïrö, ni twøn ka maac, kiper nee ge cïpge ki muuce jïra, aa na Wuuö Jwøk, ni cwïnyge leer.

Mathiew 13:44

«Buya käl maal caala jap kwärö mo perge leth mo okoony piny yi pwödhö, ni jooti ya dhaanhe ni cäŋ gø rïëpö. Ni mïn yie ni aae ni dwøk jape bëët pwödhö, ni ööe ni ŋeew pwöthögø.

Mathiew 25:9

«'Ba adwøk moa wïthge leer, ni ‹Ba løny; mädhi ba rømi ki øøni bëët. Beerra man cou baŋ jø wø gädhö ki mädhi ni ŋëëmmu dëëtu.›

Luk 12:21

'Ba beeye enønø jï ŋat wø känö ki jammi kiper dëëre keere, ni patha okwär nyïm Jwøk.»

2 Körin 5:3

ni kïth bäätwa kaper nee wa ba joot ni wa cäädhi ka dëëtwa.

2 Körin 8:9

Kiper met yi Kwääyø ma Jecu Krictø ŋäyu, ni eni këël na näk mo okwär, acännö kiperu, kiper nou kwärru ki køør canne.

1 Timöthi 6:18

'Ba ge doo tïïya tïïe mo beyø, ni tïm kønynyi ni päl jïge, ni ceŋge jööt ki muuc, ni cwïnyge piew ki køny.

Jeemeth 2:5

'Ba wïnynyu nø, nyïïmera, u na mëëra ki uuni. ?Aŋø, Jwøk ba jier jø pinyi moa can na bëëde, nee kwärge ri ŋäädhe, ni ge tïmge na lwiidhi mo bura mana näk ee buuö jï jø wø mëër ki eni?

1 Piter 1:7

kiper manøgønø, nee ŋäädhe maru na näk adïëri na pere letha eni ki warkey ni wø päänynyi ki maac këël na ŋääi ni ränynyö, nee känne ki pwøc, ka ajiem, ki wödö yi cäŋo nyooth Jecu Krictø yie.

Mana Nyooth 16:15

'Ba Kwäärö ma Jecu aköö, ni «Ka adïëri møn, aano ööi naa caala kuu. 'Ba gwïëth oen jï ŋato bëëdö ni nëënö, ni gwøga abïïne, nee ba cäädhe ki dëëre, nee eni ba joot ni bäŋ abïï dëëre.»

Mana Nyooth 19:8

Ni ena wëëk man kïth dëëre ka abïï mo pøøth, mo tar ni tøŋ.» 'Ba abïïnögø ni pøøth enø beeye gïïa beyø na tïïc jø Jwøki.

Mana Nyooth 2:9

«Aani, gïïö ni leth ni jwørï yøø ŋääa, ki cannï, 'ba ïïno kwär. Ni ŋääa gïïö ni reyø ni wø cari dëërï, ni beege jø wø köö ni gena jø Juuth, ni ge path. 'Ba gena øt acooŋa mar Ceethan.

Mana Nyooth 3:17

Kiper ï wø köö, ni ‹Aano kwär, ni japa atïmö ni thööth, ni bäŋ gïn manynya.› Ni kuyï gø ni ïïno ränynyö, ni cwïny opädhö ki gïrï, niï can, ni ïïna cwør, niï cäädhï ka dëërï.

Mana Nyooth 4:4

'Ba deŋ wälu manøgø bäre da wäle ma pïërariiø kurŋween, ni bäät wätöge da jaae ma pïërariiø kurŋween, mo ge käära abïïe mo tar, ni wïthge da adude ma warkey.

Mana Nyooth 7:13

Kanyøgø jaa aciel aluupö ki aani ni kööe, ni «?Moø a jøøe, ni käädö ka abïïe mo tar yøø, na a kaa na kälge yie?»