Mana Nyooth 3:12 - Wëël Jwøk

¹² 'Ba ŋato böödö, eno tïïa na werø yi Øt Jwøk Mana Dwøŋ mar Jwøa. Ni ba ö wøk yi gø bäre bäre. 'Ba nyeŋ Jwøa ogööra dëëre, ki nyeŋ pääny Jwøa, ni beeye Jerucalem mana nyään noo ööi ki maal ki baŋ Jwøa, ni gööra nyeŋŋa mo nyään dëëre.

Mana Nyooth 3:12 Iomraidhean Croise

1 Nyeye 7:21

'Ba eni gïïa näk caala dïkweeye na en gïïa mïërö wïthge, acïp nyïm agööla mana en dhi Øt Jwøk, ni cïp aciel bäät cwïïc, ni cak nyeŋ gø ni Jaakin, ni cïp maya bäät caam, ni cak nyeŋ gø ni Böeeth.

Aydheea 62:2

Wui Jerucalem, bëënynyö marï ojoot wïth juurre, ni ö ajiemmi marï ni jooti ya nyeye bëët; ïïno cwøl ki nyeŋ mo nyään, ni beeye nyeŋ mano cur dhi Wuuö Jwøk.

Aydheea 65:15

Nyeŋŋu odööŋ na gïr acïëni yïthakic jiya na näk yaa jierø, ni ööa, a na Kwäärö Wuuö Jwøk, ni wëëga u thøø; 'ba aani, a cïpö ki nyeŋ mo nyään jï jiya.

Jeremaya 1:18

'Ba ka adïëri møn, aani, ïïna tïïa kaamar pääny mo ogeerø ni teek, kaamar werø mar nywïënyö, kaamar kiir mo otïïc ka nywïënyö ma jwïël, niï ba lønyï ki böötö jï jø paani bëët, ni beege nyeye mo Juuda, ki jøøa kwörge, ki dïlämme moe, ki jø paac bëët.

Edhikiel 40:49

'Ba bär mar yi-øtø mana en nyïm bee gööye ma pïërariiø, ni ö dööŋ yie ni näk gööye apaar kurciel. 'Ba da kwör tiel mo othørø mo etha maal ki ge, ni da gïï ma ariiø mo caala dïkweeye mo ocwöth piny dhee løøi ki løøi.

Edhikiel 48:35

«'Ba kiir pääny manøgø noo rømi ki deŋŋe bäre ni di wïrö, tïmö na gööye ma kume apaar ka abära. «'Ba nyeŋ pääny manøgø ki mano täge ki dïcäŋöca, ocwøl ni WUUÖ JWØK ENA YIE.»

Maak 12:16

Ni känge ka aciel. Ni kööe jïge, ni «?Man a kïdö mar ŋa ni nyeŋŋe oput göör tiere en?» Ni köge jïgø, ni «Beeye Cidhar.»

Galeecia 2:9

'Ba na ŋäcge met yi Jwøk mana wëëk aani, Jeemeth ki Ciipa, ki Jøøn, jøøa wäŋŋi ni døøŋŋø kwörge, ceŋwa amakge ki Barnaba ni ge nyootha dwätö jïwa, ni wa doo cøøa baŋ juurre, ni cige baŋ jøøa näk odaŋø.

Epeca 3:15

eni na ö nyeŋ tuŋi bëët moa en maal ki moa en piny na caai ree,

Ibaru 12:22

'Ba u ööa bäät Kïn Dhayan yi pääny Jwøa kwøw na näk Jerucalem mar maal, ki nyïïatwiet maal mo ba maar lønyø ki kwaan na näk dëëtge ege cooŋø ki met ec,

Ibaru 13:14

Kiper jïïø bäŋ pääny mo ruu kany, 'ba ø manynya pääny mano ööi.

1 Jøøn 4:4

U ni therø, uuna mo Jwøk, ni jwïëyögø you nø böötø. Kiper ŋat en cwïnynyu en dwøŋŋa eni ki ŋati ni en piny en.

Mana Nyooth 14:1

Kanyøgø aana nëënnö, ni jooda Nyidiel ni cuŋŋö bäät Kïn Dhayan, ni buute da jiy ma kume ma dïpa ki pïëraŋween kurŋween, jøøa näk nyeŋŋe ki nyeŋ Wänni ogöör täärnyïmge.

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 2:11

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, ba doo gwaar thøøe mano en cään.»

Mana Nyooth 2:17

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»

Mana Nyooth 21:2

Ni jooda paana en kur keere na näk Jerucalem mana nyään, ni öö ki maal baŋ Jwøk, no ojiiŋŋø keda dhaagø thiinh mo dëëre orunynyö ki coole kiper cwøre.

Mana Nyooth 22:4

Geni täärnyïme oneenge, ni ö nyeŋŋe ni en täärnyïmge.

Mana Nyooth 3:5

'Ba ŋato böödö, dëëre orunynyi ka abïïe mo tar na enøgønø, ni nyeŋŋe ba käla wøk yi wëël kwøw. 'Ba gïr nyeŋŋe køba købø nyïm Wära ki nyïm nyïïatwiet maal moe.