Mana Nyooth 22:9 - Wëël Jwøk

⁹ 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru na näk nyïïkuk Jwøk, ki jø wø gwøk luupögø ni en yi wëëlli en. Wøør Jwøk.»

Mana Nyooth 22:9 Iomraidhean Croise

2 Nyeye 17:36

'Ba a na Wuuö Jwøk, na käl u wøk ki yi ŋööm Ijep ki teek mo dwøŋ ki køør teek bada, beeye aani noo wøørru, ni beeye aani noo këëllu cøŋŋu piny jïre, ni beeye aani noo cïpu jïre ko olämme.

Bwøth Wøk 34:14

Kär dee jwøk mør jaak mo lammu, kiper a na Wuuö Jwøk, na näk nyeŋŋa Këëny, aana Jwøk ma ŋat keec møn.

Mathiew 4:9

Ni kö anägö jï Jecu, ni «Gïï bëët owëëga ïïni ni näk mo cøŋŋï këëllï piny ni wøørï aani.»

Luk 4:7

Kiper manøgønø, ni näk maa wøørï wøørø nø, doo tïmö na moï.»

Tiet Ciik 4:19

'Ba kany wø raŋŋu maal, nou jootu cäŋ ki dwääy ki ceer, ni wø en maal, gwøgu rou nee wïthu ba maaŋŋi ki man tïme nou lama geni ni tïnynyu geni. Kiper gïïögø beege gïïa cïp Wuuö Jwøki na näk Jwøu jï jiy bëët moa en bäät piny.

1 Jøøn 5:20

'Ba ŋääø ni O Jwøk anø öö, ni mooc øøni ka acaara ki man ŋääø ŋata näk adïëri. Ni ø ena ri ŋata näk adïëri ki køør Wääde ma Jecu Krictø. Manøgø beeye Jwøk mana näk adïëri ni näk kwøw mana näk adïëri mo bäŋ cuŋŋe.

Mana Nyooth 1:1

Wëëlö man caana luup gïna nyooth Jecu Krictø, na wëëk Jwøki eni, nee gïïo laar tägö nee nyoodhe jï laage. Ni nyoodhe ka dhi nyïïatwiel maal mare na jääŋŋe baŋ laŋŋe ma Jøøn,

Mana Nyooth 1:11

ni cäänö, ni «Göör gïn ni neetï en yi wëëlö, ni jääŋŋï gø baŋ acook Jwøk karge bïriedi, ni beeye yi Epeca, ki Camerna, ki Pergamum, ki Thayatira, ki Carda, ki Piladelpia, ki Leeyödicia.»

Mana Nyooth 14:7

Ni cäänne ki dwøl mo päl, ni «Lwäärru Jwøk ni jiemmu gø, kiper kany ŋøl luup yie apïï. Wøørru eni, eni na cwääc maal ki piny ki näpa døøŋŋø, ki kwöra tuul pïïyi ki yïthge.»

Mana Nyooth 15:4

?Aŋa noo ba lwäyi ni ba jiem nyeŋŋï, ï na Wuuö? Kiper bee ï keerï niï ena kur keerï. Mïëri bëët öö ni wøørge ïïni, kiper ŋøl marï anyooth.»

Mana Nyooth 19:10

Kanyøgøøni aana päth tiete nee wøøra. 'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru, ni beege jø wø en gïr Jecu cwïnyge. Wøør Jwøk.» Kiper gïr Jecu wø køp beeye luup wø køp nyïïkuk Jwøki thuwø.

Mana Nyooth 22:10

Ni kööe jïra, ni «Kär niï mwöna luupögø ni en yi wëëlli en ni køp gïï mo poot ena nyïm. Kiper kanya wäŋŋi kare acäännö.

Mana Nyooth 22:18

'Ba a köömma jiy bëët moo wïny luupögø ni en yi wëëlli en ni køp gïï mo poot ena nyïm, ni ni näk da ŋat mo meeta geni, jap räny piny moi no ogöör yi wëëlli en omeet Jwøki bääte.

Mana Nyooth 22:7

'Ba Jecu aköö, «Neenï, aano laar öö. Gwïëth en jï ŋat wø gwøk luupögø ni en yi wëëlli en ni køp gïï mo poot ena nyïm.»

Mana Nyooth 4:10

jaae na näk pïërariiø kurŋween ge wø pätha nyïm eni na näk opï bäät wällögø, ni wøørge gø, eni ni wø bëëdö ni kwøw këël na bäre bäre, ni leeŋge adude moge nyïm wällögø, ni wärge,

Mana Nyooth 9:20

'Ba jøøa dööŋ, na näk kär thøw ki jap räny piny moøgø, cwïnyge kärge løø ki man wecge wøør gïïa tïïcge ki ceŋge, ni ba wecge wøør anäge, ki gïï wø lam mo warkey, ki gwet-bïrö, ki jwëëlli, ki kïdi, ki jaath, gïï wø bäŋ gïn mo maarge raŋ, ni ge ba wïnyö, ni ge ba cäädhi.