Mana Nyooth 22:2 - Wëël Jwøk

² ni muuli ka dï waŋjöör paanøgø. 'Ba bäät ageel moe karge riet thuwø, jaadha näk jaath kwøw ena yie, ni bääte da nyïïe apaar kurriiø ma teeŋi, ni nyïïe nywøle ka yïth dwäde bëët. 'Ba bøøge beege wø køny mïëri ki ŋwiitge.

Mana Nyooth 22:2 Iomraidhean Croise

Wïlöölö 2:9

Ni ö Wuuö Jwøki ni wëëk ŋøøpøgø tuuö ki teeŋ jenni bëët mo nëëni ni mïërö, ni beyø kiper cam. Ni jaadha näk jaath kwøw thuwø ena dï ajïniinøgø; këël jaadha näk jaath wø ŋäc gïn mo beer ki gïn mo raac ki køøre ena kaace thuwø.

Pwöc Leec Wïc 3:18

Ena jaath kwøw jï jø wø göök ree, ni jø wø mak gø di gwïëdhö.

Aydheea 6:10

Tïïc cwïny jøøgø ni teek, ni cïëgï ïthge, ni meyï nyeŋge, nee tïme ni ba løny ki man nëënge ki nyeŋge, ni ba wïnyge ki ïthge, ni ba ci luupi cwïnyge, ni ba duuge baŋ Jwøk ki man jïtge ki køny.»

Jeremaya 17:14

Wui Wuuö Jwøk, dwøk dëëra kare, nee dëëra jöönne; ni piemï aani, naa jïta ki køny; kiper bee ï ni wø pøøya.

Edhikiel 47:1

Køøre nyïïatwiel maal aana cäŋ dwøk dhi Øt Jwøk, ni jïta ki pïï mo kwönna wøk ki tier dhi øtø mar Øt Jwøk, ni kwöta jï løø kur tuul-cäŋ; kiper Øt Jwøk nyïme ena jï løø kur tuul-cäŋ. 'Ba pïï kwönni ka jï løø bäät cwïïc mar Øt Jwøk, ni beeye ki jï løø tier-piny ki gïn wø cïp olämme bääte.

Odheea 14:4

Wuuö Jwøk aköö, ni «Jiya 'duua baŋa, ni nyoodha mëër mara jïge ni yia met jaak, kiper wëër mara anø paanya bäätge.

Dhekaraya 14:8

'Ba dïcäŋöca pï kwøw okwön wøk ki yi Jerucalem, ni ö thääŋö mar pïïögø ni jööt yi naama dwøŋ jï løø kur tuul-cäŋ, ni ö thääŋŋe maya ni jööt yi naama dwøŋ na en jï løø kur pänh-cäŋ; ni manøgø tägi ka yi cwiir ki öörö bäre.

Milkiya 4:2

'Ba kiperu, u wø lwäär nyeŋŋa, adïëri mara man wø nyooth teek pïëm öö bäätu kaawat man wø tuul cäŋŋi, ni ö kønynyi mara ni rienye bäätu kaamar cäŋ. Ni cäädhu ni tïm yïthu ni met kaamar nyïïrøøe mo bïëdö kiper mana gøøny geni.

Luk 4:18

ni «Jwïëc Wuuö Jwøk ena bääta, kiper aana jiere nee luumma nyään na met caana jï jøøa can. Ni jääŋ aani nee pät mar jøøa näk otwöö køba jïge, ki døøn nyeŋ karge jï cööye, ni päda jøøa näk odïïmö,

1 Piter 2:24

'Ba eni ki dëëre raay 'moø akääre ki rïŋ dëëre bäät jaath nee ø ba bëënnø raay, 'ba nee ø bëënnø moa beyø. Ni beeye ŋwiili moe na wëëk dëëtø jöönnö.

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»

Mana Nyooth 21:21

'Ba dhøk kiiri moøgø karge paari kurriiø gena kïte mo caala obuudi, ni dhi kiir man nø, ocwääö ni caala kïdi mo obuudö aciel, ni ö jöör paaci ni näk warkey mo tøŋ, ni waŋ pöödhö ki yie keda wïlli.

Mana Nyooth 21:24

'Ba mïëri ocäädhi ki dääre, ni ö nyeye mo piny ni kälge ajiemge yie.

Mana Nyooth 22:1

Kanyøgøøni naam pï kwøw anyoodhe jïra, mo tøŋ døc keda wïlli, ni kwönni ka ri wäl Jwøk ge ki Nyidiel,

Mana Nyooth 22:14

«Gwïëth en jï jø wø penya abïïkge, kiper nee marge beere ri jaadha näk jaath kwøw, ni dønyge yi paanøgø ki dhøk kiir.

Mana Nyooth 22:19

'Ba ni näk da ŋat mo känna wøk ri luupögø ni en yi wëëlli en ni køp gïï mo poot ena nyïm, kure ni en ri jaadha näk jaath kwøw ki mana en yi paana en kur keere no ogöörö yi wëëlli en, okäl Jwøki wøk.