Mana Nyooth 22:15 - Wëël Jwøk

¹⁵ 'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.

Mana Nyooth 22:15 Iomraidhean Croise

1 Nyeye 22:8

'Ba nyeny Icriel aköö jï Jøcapat, ni «Poot da dhaanhø aciel mo dwør Wuuö Jwøk døø pëënynyö ki eni, 'ba a män ki gø, kiper poot bäŋ gïn mo beer mo ee nø caan en kipera, 'ba cooth beeye gïn mo raac. 'Ba ŋatøgø beeye Mikaya wär Imla.» 'Ba Jøcapat aköö, ni «Nyeya, luummögø kär caanï.»

Pwöc Leec Wïc 12:22

Wuuö Jwøk yie raac ki dhøk mo cara tööt, 'ba yie wø met ka jø wø tïïya adïëri.

Pwöc Leec Wïc 7:27

Øt dhaaŋŋøgø beeye jöör kar bëët jwïëc jøøa no othøw, ni wø løøya kwör thuunhnhi.

Aydheea 47:12

«'Ba ennø, put bëëtö niï poot tïïya tïïe mo wø tïïyï ki thïëth marï, ki jap ajuuk moï na thööth, na bëëdï niï tïïya ge ki mana kälï thïnhö; kanymør niï köö ni duunnö riï, ni kanymør jiy tïïyï tïïö nee lwäcge.

Aydheea 47:9

'Ba gïïögø na ariiø yøø puta tägö dëërï ni cwöba rïï ki dïcäŋ aciel keere. Obwöre moï thøw, ni dööŋï ni ïïna cï thøø. Gïïögø bëët tägö dëërï na kare kiree, këël na bëëdï ni jïrï da jap ajuuk mo thööth, ki teek mo dwøŋ man wø tïïyï ki køør thïëth marï.

Aydheea 57:3

Wuuö Jwøk aköö, «'Ba uuni, u na wäät jø thïëth, na wäät kääpe, u na wäät jø wø gath dëëtge ki käp, ööu kany!

Jeremaya 5:31

Nyïïkuk Jwøk atïmö ni køpa luup ki wïthge, ni beege luup tööt, ni ö dïlämme ni bwøthge jiy ki wïthge keerge; ni tïm yïth jiya ni met ka teeŋ gïï mo caala moøgø. ?'Ba u na jiya, agïnaŋø noo tägi dëëtu kanyo tïme na aŋuun japøgø?

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Mathiew 7:6

«Kär gïno en kur keere na mar Jwøk mëëgu guu, kiper ge cäŋa duu baŋu ni camge uuni. Ni ba leeŋu tiigu moa perge leth nyïm othuri, kiper nyørge nyørø ki tietge.

Mathiew 8:12

ni ö wäät bura ni leeŋi wøk yi muudhö, kany wø jwöŋ jiyi yie ni ge mööta lakge.»

Jøøn 8:46

?Aŋa dïïu na joot aani ni aano bääyö? ?'Ba ni näk a caana adïëri, aŋø ni ba jïëyu ki aani?

Moa Tïïc Nyïïatwieli 8:11

Ni cekge ïthge ki luupe, kiper mana thääŋ yïthge ka ajwønne ki kany mo bäär.

Tiet Ciik 23:18

Kär dee gwel mo joot dhaage ki køør käp, wala mo joot cwøwi ki køør man wø døøge dëëtge keerge mo kälu øt Wuuö Jwøk na näk Jwøu na muuce mo doo cïbö ki køør kööŋ maru, kiper tïïe moøgø karge riet Wuuö Jwøk na näk Jwøu yie raac ki geni.

Pilipay 3:2

Gwøgu rou kiper guu, ni gwøgu rou ki jø wø tïïc raay, ni gwøgu rou ki jø wø pöö ki pwöc mo patha adïëri kiper luum daŋ.

Köløcia 3:6

Kiper gïïögøøni beeye no ö wëëc Jwøki bäät jø adhala.

1 Timöthi 1:10

Ni cïp kaper kääpe, ki cwøw mo wø døø rege ki niine, ki jø wø kwädö ki jiy, ki tööte, ki jø wø kööŋ ko oballe jaak, ki jø wø tïïc teeŋ gïï møøk bëët ni wø män ki pwöc ma adïëri,

Mana Nyooth 18:23

Ni bäŋe däär lamba mo liel yiï këët. Ni bäŋe dwør cø nyakøø ki dhaagø thiinh mo wïnynyi yiï këët. Kiper jø gath moï beege na kwörge døøŋŋø piny na wara bëëde, ni ö mïëri bëët ni cøøgi ki køør thïëth marï.

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»