Mana Nyooth 22:14 - Wëël Jwøk

¹⁴ «Gwïëth en jï jø wø penya abïïkge, kiper nee marge beere ri jaadha näk jaath kwøw, ni dønyge yi paanøgø ki dhøk kiir.

Mana Nyooth 22:14 Iomraidhean Croise

Wïlöölö 2:9

Ni ö Wuuö Jwøki ni wëëk ŋøøpøgø tuuö ki teeŋ jenni bëët mo nëëni ni mïërö, ni beyø kiper cam. Ni jaadha näk jaath kwøw thuwø ena dï ajïniinøgø; këël jaadha näk jaath wø ŋäc gïn mo beer ki gïn mo raac ki køøre ena kaace thuwø.

Wïlöölö 3:22

Køøre Wuuö Jwøk aköö, «Ennø dhaanhø atïmö ni caala øøni, ni gïna beer ki gïna raac ŋääe. 'Ba ennø, kany mør eni cäŋa lwötö thuwø ri jaadha näk jaath kwøw, ni cam gø, ni kwøe ni bëëde na bäre bäre.»

Bwøth Wøk 19:10

Ni cäŋ Wuuö Jwøki köö jï Modhe, ni «Ci baŋ jø Icriel ni døøyï ge mo waany dïcäŋ man ki dïcäŋ mar diøø, ni penyge abïïe moge;

Daniel 12:12

Gwïëth en bäät jø wø kurö ni cwïnyge ege maaø noo pïï ri nïne ma kuma ki dïpe adäk ki pïëradäk ka abïïc.

Jøøn 10:7

Kiper manøgøøni Jecu acäŋ köö jïge, na «Adïëri møn a caana gø jïïu, ni beeye aani na dhi øt dïëk.

Jøøn 10:9

Aana dhi øtø. Noo dee ŋat mo dunynyi ki raa, eni di piemø. Ni eni dønya yie ni duu wøk cooth ni jïte ki pwöla mo yie da luum mo mar.

Jøøn 14:15

«Ni näk mou mëër ki aani, luupa dou gwøø.

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Jøøn 4:12

?Aŋø, dwøŋŋa ïïni ki kwarwa ma Jeekap na cïp iidhi jïwa, na kwøŋ mädhö yie ki dëëre, ki wääte, ki dhäk moe bëët?»

1 Körin 7:19

Kiper daŋ wala bäŋ daŋ bäŋ gïn tïïcge, 'ba beeye gwøk luup moa cem Jwøki keerge.

1 Körin 8:9

'Ba beeye gïn en keere, beerra man gwøgu rou, nee pät maru ba tïme na gïn wø ö jøøa näk ŋäädhe marge poot thiinh ni cwanyge tietge ki gø.

1 Körin 9:5

?A ba beer jïwa ki mana dewa cäädhö ki määrwa kaawat man wø tïïc nyïïatwieli møga, këël Ciipa, ki nyïïmëëe mo Kwäärö ma Jecu?

Galeecia 5:6

'Ba ki jï jø wø en dëër Krictø Jecu, daŋ wala bäŋ daŋ bäŋ gïn tïïcge, 'ba gïn mo pere leth beeye ŋäädhe ni wø tïïö ki køør mëër.

1 Jøøn 3:3

'Ba jiy bëët mo wø ŋääth eni na enønø, dëëtge wø døøcge mo ciil ki raay, kaawat mare na ciil.

1 Jøøn 5:3

'Ba mëër ki Jwøk beeye ki man gwøø gïïa ceme. Ni gïïa ceme dhaanhø ba ööle.

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»

Mana Nyooth 21:12

Deŋŋe da kiir mo bäär mo dhøge apaar kurriiø. Dhøgi moøgø da nyïïatwiet maal apaar kurriiø, na aciel nø cuŋŋö dhi man nø, ni nyeŋ tuk wäät Icriel karge paari kurriiø ogöör bäätge.

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.

Mana Nyooth 22:2

ni muuli ka dï waŋjöör paanøgø. 'Ba bäät ageel moe karge riet thuwø, jaadha näk jaath kwøw ena yie, ni bääte da nyïïe apaar kurriiø ma teeŋi, ni nyïïe nywøle ka yïth dwäde bëët. 'Ba bøøge beege wø køny mïëri ki ŋwiitge.

Mana Nyooth 22:7

'Ba Jecu aköö, «Neenï, aano laar öö. Gwïëth en jï ŋat wø gwøk luupögø ni en yi wëëlli en ni køp gïï mo poot ena nyïm.»

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.