Mana Nyooth 22:12 - Wëël Jwøk

¹² Ni kö Jecu, «Neenï! Aani, a laara öö, naa käära japo cunna jiy ki ge, ni ŋati man nø cunna ka køør gïna tïïe.

Mana Nyooth 22:12 Iomraidhean Croise

Jööp 34:11

Kiper eni, ŋati man nø cunne cunnö ki køør gïna tïïe; ni ö ŋati man nø ni dwøk japa tïïe wï gø ki køør bëëtö mar gø.

Aydheea 40:10

Raŋŋu, Kwäärö Wuuö Jwøk öö ki teek mo dwøŋ, ni teek bade beeye noo käär piny ki gø. Raŋŋu, eni öö ni käära jøøa ööle kiperge, ni beege jiy moa joode ni wø cäädhi nyïme.

Aydheea 62:11

Ka adïëri møn, Wuuö Jwøk rwääö ni cäänna teegi mo piny bäre, ni kööe ni caannu jï jø Dhayan, ni «Neennu, pïëmi maru öö, ni käära jøøa ööle kiperge, ni beege jiy moa joode ni wø cäädhi nyïme.»

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Jepaniya 1:14

Cäŋa dwøŋ mar Wuuö Jwøk aløny ni kare cään; aløny ni kare cään ni läädö døc ki man laar öö. Cegu ïthu, oduuru mo dwøŋ dagø mo tägö yi cäŋ mar Wuuö Jwøk! Yi cäŋ manøgø, jø leny ge kwöŋŋö ki kwöŋŋö mo leth døc.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Wëëlö Mana Göör Pøølli Baŋ Jø Röm 14:12

Kiper ŋati man nø dïïø opëëny Jwøki kiper mare.

1 Körin 3:14

'Ba ni näk tïïe moa tïïc dhaanhe na gëët bäät tier ødøgø dööŋ ni kär waaŋ, mano mëëk eni oci jïre.

1 Körin 3:8

Kiper ŋat wø pïïdhö ki ŋat wø jwïëk pïï, ge röömi bëët. Ni ŋati man nø jape ojoode kaawat mana tïïe.

Mana Nyooth 11:18

'Ba mïëri abëëdö ni wëëyö. 'Ba wëëyï apïï, ki kanya di luum jøøa näk othøw ŋølø, ki kanyo ŋat laagï yie ma nyïïkuk Jwøk ki jø Jwøk, ki jø wø lwäär ki nyeŋŋï, moa døøŋŋø ki moa therø, ni beeye kanyo raany jøøa raany piny.»

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.

Mana Nyooth 20:12

Ni jooda jøøa näk othøw, moa døøŋŋø ki moa therø, ni ge cuŋŋö nyïm wällögø. Ni ö weeli ni jabi. Ni ö wëële mør thuwø ni jabi, wëëlla näk Wëël Kwøw. Ni ö luup jøøa näk othøw ni ŋøli ki køør gïïa näk ogöörö yïth weeli, ki køør tïïe moge.

Mana Nyooth 22:20

'Ba ŋata køp gïï aköö, na «A laara öö møn.» Enøgønø. Wui Kwäärö Jecu, wärï ööï.

Mana Nyooth 22:7

'Ba Jecu aköö, «Neenï, aano laar öö. Gwïëth en jï ŋat wø gwøk luupögø ni en yi wëëlli en ni køp gïï mo poot ena nyïm.»

Mana Nyooth 3:11

«Aani, a laara ö. Put gïna nut jïrï mak ni teek, kiper nee bäŋe ŋat mo mak aduda marï.