Mana Nyooth 22:11 - Wëël Jwøk

¹¹ Wec ŋat wø tïïc raay nee bëëde ni tïïya raay, ni ö ŋat wø bëën rääö ni bëëde ni tïïya gø, ni ö ŋat wø beer ni bëëde ni tïïya gïno beer, ni ö ŋat wø en kur keere na mar Jwøk ni bëëde ni ena kur keere na mar Jwøk.»

Mana Nyooth 22:11 Iomraidhean Croise

Jööp 17:9

'Ba dhaanhø mo bëëtö mare tiir nyïm Jwøk, bëëtö mare oput mak; ni ö ŋat mo ceŋŋe waany ni put cääth nyïm ni teek.

Pwöc Leec Wïc 14:32

Ŋata raac wø ränynyö ki køør tïïe moe na reyø, 'ba ŋata mare beer kanyo thøøe, da kare mo di ŋäädhö mo cøøa yie.

Pwöc Leec Wïc 4:18

'Ba jöör bëët jøøa beyø caala man wø ö tiet øwi, ni wø rïënyi ni tar mare cäänhnha maal këël mano pïïe ya aŋuun tar mar dïcäŋ.

Luup Dïpööy 11:3

Kany wø näk mo maal ogääbö ki pøøl, ge wø puta lööny piny na køth; ni kany wø näk mo jaath opäth jï tier-piny wala jï wï-piny, wø puta bëëtö kanya näk mo eno päth yie.

Edhikiel 3:27

'Ba kanyo wäro cääna ki ïïni, dhiï ojaba, ni kööï jïge, ni ‹Man beeye dwør Kwäärö Wuuö Jwøk.› 'Ba ŋato jïëy, wär jïëe, ni ö ŋato kweer, ni kweere. Kiper gena jiy mo gena jø ageem.

Daniel 12:10

Jiy mo thööth di tïïö ni tøŋ, ni tar, ni waany. 'Ba jø raay ge bëëdö ni ge tïïya raay, ni bäŋ ŋat raay mo tiet gïïögø cøøa wïïe; 'ba jøøa wïthge leer, tiet gïïögø cøøa wïthge.

Mathiew 15:14

Wiiu geni karge. Geni, ge caala cööye mo ge pieya cööye. Ni näk ŋat ma cwør pieya cwørri mør, ge pätha yi buur karge riet.»

Mathiew 21:19

'Ba na neen olaam thääŋ jöö, ena gaa baŋ gø, ni bäŋe nyïëdi mo ee joodø ri gø, 'ba beeye bøøge keerge na joode. Ni kööe jï olaam, ni «Bäŋ nyïëdi mo cäŋ jootø dëërï këët.» Ni ö olaammi ni put bäbö.

Mathiew 25:10

«'Ba kanya cige kuna ŋëëwge, ŋat nywöm aöö. Ni ci jøøa näk rege ege jiiø kar cam nywöm ki eni na aciel. Ni cïëk dhi øtø.

Mathiew 5:45

kiper nou tïmu ni uuna wäät Wääu ni en maal. Kiper eni cäŋ mare wø wëëge tuulö bäät jøøa wïnni ki jøøa mwöl, ni jääŋ køth bäät jøøa beyø ki jøøa reyø.

Mathiew 5:6

«Gwïëth en bäät jø wø näk owär kiper bëënynyö marge kaamar dhaanhø mo onäk käci ki riew, kiper geno wëëk jäŋö.

Jøøn 8:21

Ni cäŋ Jecu köö jïge, ni «Aano aay, ni cayu aani, 'ba uuno thøw yïth raay mou. Ni kuno cøøa yie, u ba dou maara ö yie.»

Epeca 5:27

na acooŋ Jwøk peeth nyïme ka ajiem, ni bäŋ kïdö mo raac wala kany mo ba mïërö wala gïn mør mo ena dëëre, nee tïme ni ena kur keere ni bäŋ kany mo jøøŋŋi dëëre.

Köløcia 1:22

kawaane, uuna dwøk baŋe ki køør thøw Jecu, na cïp rïŋ dëëre, kiper nou kïth nyïme nou ena kur keeru, ni bäŋ ajäla dëëtu, ni bäŋ gïn mo jøøŋŋi dëëtu nyïme,

2 Timöthi 3:13

'Ba jøøa reyø, ki jø wø cwöö, rääö marge otïmö no okadhø døc, ni gena jø cwøk ni ge cøøga rege.

Juut 1:24

'Ba pwøc en jï ŋat wø løny jïre ki man gwøk uuni ki pädhö, ni bwøth uuni kar ajieme, ni bäŋ gïn mo jøøŋŋi dëëtu ni yïthu met.

Mana Nyooth 16:21

Ni ö peyi mo døøŋŋø døc, mo peek mar man nø jïtö ki kïïle ma pïëraŋween, ni pänhge bäät jiy ki maal, ni tïm jiyi ni ge janynya Jwøk kiper gïr räny piny mar pey. Kiper gïr räny piny manøca dwøŋ døc.

Mana Nyooth 22:3

'Ba kaace bäŋ gïrpiny aciel këët mo ocienø, 'ba wäl Jwøk ge ki Nyidiel beeye noo en yie, ni ö laage ni wøørge eni.