Mana Nyooth 22:10 - Wëël Jwøk

¹⁰ Ni kööe jïra, ni «Kär niï mwöna luupögø ni en yi wëëlli en ni køp gïï mo poot ena nyïm. Kiper kanya wäŋŋi kare acäännö.

Mana Nyooth 22:10 Iomraidhean Croise

Aydheea 13:6

«Gööu ko oduuru, kiper cäŋ mar Wuuö Jwøk kare acäännö. Cäŋögø öö na cäŋ aranya ni käla baŋ Jwøa en teeki jïre.

Aydheea 8:16

'Ba ïïni, wëëk luup 'moa kan cwïny bääga, ni dëëdï ge cwïnyge nee gwøkge.»

Edhikiel 12:23

Ennø, caanï jïge ni man beeye luumma caan Kwäärö Wuuö Jwøki, ena köö, ni ‹Nïne mo wëëk luup moa nyooth bëët thur karge aløny ni öö. 'Ba luum leer manøgø oputa raanynyø nee ba cari këët dï Icriel.

Daniel 12:4

'Ba ï na Daniel en, cïëk luup moa en yi wëëlö ni mwönï gø, këël kanyo tïme na aŋuun nïne. Jiy mo thööth oreŋ kun ki kun ni ge meeta kwänynyö.»

Daniel 12:9

Ni løk gø, ni «Daniel, aayï ki jöörï. Kiper luup moøgø ocïëgö no omwönö këël kanyo tïme na aŋuun nïne.

Daniel 8:26

«Gïna nyooth manøgø na cäänö kiper olämme mo wø cïp ka abøøye ka amöölle na tiere nyooth jïrï beeye adïëri. 'Ba gïna nyooth manøgø wär kan cwïnyï, kiper cäänö kaper nïne mo poot ena yi nyïm kuya.»

Mathiew 10:27

Gïn mo yaa caanø jïïu yi muudhö, wär køpu yi tar. Ni gïn mo you wïnynyö ni di mooŋø, cäŋu køpø ki wïth uudi.

Wëëlö Mana Göör Pøølli Baŋ Jø Röm 13:11

'Ba ŋäyu kar kany thuwø ni beeye kanya dou päy yie ki yïth niine. Kiper kar pïëm man piem øøni ki gø acäännö ni kaala kar kanya kwøŋø jïëy ni ŋäädhø.

Wëëlö Mana Göör Pøølli Baŋ Jø Röm 13:12

Wäär anø pöödhö, ni cäŋ kare cään. Kiper manøgønø, beerra man wetø tïïe mo muudhö, ni røø kwöt nywïënyö mar tar.

2 Thecalönika 2:3

Kär dee ŋat maaŋ wïthu ki jöö mør. Kiper cäŋögø ba ööi jaak, ni näk ageem kär kwøŋ tägö, ki ööny ŋata raac noo nyooth ree, ni beeye ŋato raanynyi,

1 Piter 4:7

'Ba aŋuun jammi bëët kare acäännö. Bëëdu ni wïthu leer, ni koorru dëëtu ni lämu.

Mana Nyooth 1:11

ni cäänö, ni «Göör gïn ni neetï en yi wëëlö, ni jääŋŋï gø baŋ acook Jwøk karge bïriedi, ni beeye yi Epeca, ki Camerna, ki Pergamum, ki Thayatira, ki Carda, ki Piladelpia, ki Leeyödicia.»

Mana Nyooth 1:3

Gwïëth en jï ŋato kwaan luupi ni køp gïï mo poot ena nyïm en nee wïnye. Ni gwïëth en jï jøw owïny ge, ni gwøkge gïïa näk ogöör yie, kiper kanya wäŋŋi acäännö.

Mana Nyooth 10:4

'Ba määc køth moø na abïriiø yøø na määrge, ni marge cäänö, aana tïmö naa manynya göör. 'Ba dwøl mør awïnynya mo ööi ki maal ni kööe, ni «Mwön gïïa køp määc køthi karge bïriet, ni ba göörï ge.»

Mana Nyooth 22:16

«Aana Jecu na jääŋ nyïïatwiel maal mara baŋu ki gïïögø nee køp jï acook Jwøk. Aana lweet Deebit ni näga kunhnhe, na cëëc øw na tar.»

Mana Nyooth 22:18

'Ba a köömma jiy bëët moo wïny luupögø ni en yi wëëlli en ni køp gïï mo poot ena nyïm, ni ni näk da ŋat mo meeta geni, jap räny piny moi no ogöör yi wëëlli en omeet Jwøki bääte.

Mana Nyooth 22:20

'Ba ŋata køp gïï aköö, na «A laara öö møn.» Enøgønø. Wui Kwäärö Jecu, wärï ööï.

Mana Nyooth 22:7

'Ba Jecu aköö, «Neenï, aano laar öö. Gwïëth en jï ŋat wø gwøk luupögø ni en yi wëëlli en ni køp gïï mo poot ena nyïm.»

Mana Nyooth 22:9

'Ba ena köö jïra, ni «Gïnögø kär tïïyï, kiper aana laŋŋø ki ïïni na aciel ki nyïïmeru na näk nyïïkuk Jwøk, ki jø wø gwøk luupögø ni en yi wëëlli en. Wøør Jwøk.»

Mana Nyooth 5:1

Ni neena wëëlö cer cwïï ŋata näk opï bäät wälu, mo yie ki ŋääe ogöörö, mo omwönö ki möönne abïriiø.