Mana Nyooth 21:8 - Wëël Jwøk

⁸ 'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»

Mana Nyooth 21:8 Iomraidhean Croise

Pwöc Leec Wïc 19:5

Ŋat wø kat luup ba kääŋi ka ajäla, ni eni ni wø car tööt ba bøth.

Pwöc Leec Wïc 19:9

Ŋat wø lam luubö ni paa kare ba kääŋi ka ajäla, ni eni ni wø car tööt ränynyö.

Aydheea 51:12

Wuuö Jwøk aköö, ni «Bee aani ki dëëra ni wø cøm cwïnynyu. ?Aŋø, uuna jøøe, u ni lwäär ki dhaanhø man ni wø thøw jaak en, ni bee dhaanhø man no ocwääö kaamar luum jaak en?

Aydheea 57:11

«?Aŋø, aŋa na bwøgu ki gø na lwäyu ki gø, ni tïme nou cara tööt jïra en ni wïthu ba parru ki aani, ni bäŋ gïn caarru døøc kipera en? ?Aŋø, bee kiper mana bëëda ki kany mo bäär naa lïŋö, ni tïme naa ba lwäärru en?

Aydheea 9:15

'Ba wïc beege jø døøŋŋø ki jøøa no owøørø, ni jïp beege nyïïkuk Jwøk mo wø cäänö ki luup tööt.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Mathiew 10:28

Ni käru nou lwäyö ki jø wø 'näk dëël ni ba løny jïge ki man 'näkge jwïëy. 'Ba beerra man lwäärru ŋat wø løny jïre ki man raany jwïëy ki dëël karge riet yi maac kar ajäla.

Mathiew 25:25

Kiper manøgønø, aana lwäyö, ni cøøa ni kana gwellï piny. En, lwør mana näk marï.›

Mathiew 8:26

Ni kö Jecu jïge, na «?Aŋø ni lwäyu, u ni ŋäädhe maru thiinh en?» Ni ö maal ni jook jamø ni jook naam. Ni put pinynyi nibäc døc.

Jøøn 8:44

U käla ri wääu na näk anägö, nou manynya man tïïyu man wø many wääu. Eni, ena dïnääy këël ki kanya täge yie, ni bäŋ gïn manynye ra adïëri, kiper na bäŋe adïëri cwïnye. 'Ba kany wø caan tööt, eni caana gïr bëëtö mare, kiper na näk ena dïtwöt, ni beeye wää tööti.

Tiet Ciik 20:8

Køøre ni cäŋ cuumme cäänö ki jiy, ni köge, na ‹?Aŋa ni lwäär, ni cwïnye obwøk? Ŋatøgø aae ni døø paare, kiper nee eni cwïny nyïïmenni ba wëëk böök kaawat mare.›

2 Thecalönika 2:9

'Ba ööny Ŋata raac, oööi ki køør teek Ceethan, ni ööi ka teek mo dwøŋ døc, ki ŋïïce mo cwøk ki gïï mo rëëma ec,

1 Timöthi 4:2

kanyo ö tööte moa bäŋ cwïnyge noo cøøkge geni ki tööt marge,

Tayta 1:16

Ge wø köö ni Jwøk ŋäcge møn, 'ba ege kwierø ki køør jap wø tïïcge. Ge reyø døc, na jø adhala, ni ge ba rømi ki tïïc gïn mo beer, bäre bäre.

Ibaru 12:24

ki baŋ Jecu na näk nyïjöö mar luumma nyään na tuut, ki baŋ remma jør, na näk meta dwøre ki dwør rem Eebel.

Ibaru 13:4

Beerra man tïm nywömmi na gïn mo owøørø jï jiy bëët, ni ba wëëk kar joot dëël mar nywöm ränynyö. Kiper kääpe ki jø lugi, marge oŋøl Jwøki wøk.

1 Jøøn 2:22

?Aŋa na dïtwöt? Dïtwöt beeye ŋat wø kweer ni Jecu patha Krictø. Ŋatøgø beeye na nyimän Krictø, ŋat wø kwier Wuuö ki Wäädö.

1 Jøøn 3:15

Ŋat wø män ki coki, ena dïnääy, ni ŋäyu ni bäŋ dïnääy mo cwïnye da kwøw mana näk adïëri mo bäŋ cuŋŋe.

1 Jøøn 5:10

ni ŋat wø jïëy ki O Jwøk, lïŋ ena cwïnye kiree. 'Ba ŋat wø ba jïëy ki Jwøk, døøya Jwøk twöt, kiper na käre jïëy ki lïŋ mana køp Jwøki kiper Wääde.

Mana Nyooth 14:10

ŋatøgø thuwø, omäthi ki køøŋ nyïïomøki mar wëëc Jwøk, mo okøny yaa athöönh wëër mare, ni bäŋ gïn mo ojääbö ki gø. 'Ba eno caari ki maac, ki maac mør mo jïye keec ni lïëth døc nyïm nyïïatwiet maal na en kur keerge, ki nyïm Nyidiel.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Mana Nyooth 2:11

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, ba doo gwaar thøøe mano en cään.»

Mana Nyooth 2:2

«Aani, tïïe moï ŋääa, ki öölö marï, ni cwïnyï iï maa, niï ba maar jïëy ki jø raay. 'Ba jøøa døøc dëëtge nyïïatwieli ni ge patha nyïïatwieli, gena päänynyï, ni jootï geni ni marge tööt.

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.

Mana Nyooth 22:15

'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.

Mana Nyooth 9:17

'Ba man en beeye gïna jooda kanya neena okwëënyi ki yi lääk. Ni jøøa en bäätge ge käära kööt käw mo kïtge caala maac mo kwaar, ni caala kït abïcøle ki kïdö ma abäga. 'Ba wïth okwëënyi caala wïth ŋuuwe, ni maac, ki jïrö, ki jïrö mør mo keec ni lïëth døc bëëdö ni ööa wøk ki dhøkge.

Mana Nyooth 9:21

Ni cwïnyge kärge løø ki 'näk marge man wø 'näkge jiy, wala thïëth marge, wala käp marge, wala käw marge.

Pïëmme 7:3

'Ba ennø, gøø awaaci piny ni wïnyö jï jø leny bëët, ni kööï, ni ‹Ŋat mo olwäyö ni dëëre miel, løk ree ni døø paac, ni tïŋŋi ka bäät kïdi man na Gelät en.› » Kanyøgønø, jø leny ma kume ma pïërariiø ka ariiø aput døø paac, ni dööŋ jiyi ma kume apaar.