Mana Nyooth 21:3 - Wëël Jwøk

³ Ni wïnynya dwøl mør mo päl mo ööi ki bäät wälu, ni kööe, ni «Kar bëët Jwøk atïmö ni bëëdö ka jiy. Eno bëëdö ki geni ni tïmge na jiye. 'Ba Jwøk ki dëëre obëëdö ki geni,

Mana Nyooth 21:3 Iomraidhean Croise

1 Nyeye 8:27

«?Aŋø, Jwøk bëëdö bäät piny møn? Ka adïëri møn, ï na Jwøk, maal këël maal kuya kunece, ï ba røm yie. ?A øtø man ni yaa geerø en, ïïno rømï yie nidïï?

2 Luup Nyeye 6:18

«?Aŋø, Jwøk bëëdö ki jiy bäät piny møn? Ka adïëri møn, ï na Jwøk, maal këël maal kuya kunece ï ba røm yie. ?A øtø man ni yaa geerø en, ïïno rømï yie nidïï?

Bwøth Wøk 25:8

«Beerra man ö jiyi ni tïïge jïra ki kar lam mo ena kur keere, naa bëëda dïge.

Bwøth Wøk 29:45

Kanyøgø nø, aano bëëdö dï jø Icriel, ni puta bëëtö ni aana Jwøk marge.

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Jeremaya 31:33

'Ba luubö mano tuuda ki jø Icriel yïth nïröke beeye en: Aani, ciik 'moa okïtha wïthge, ni gööra geni yïth cwïnyge. Ni bëëda ni aana Jwøk marge, ni bëëtge ni gena jiya.

Jeremaya 32:38

Ni bëëtge ni gena jiya, ni bëëda ni aana Jwøk marge.

Edhikiel 37:27

Kar bëëtö mara otïmö ni ena dïge; ni bëëda ni aana Jwøk marge, ni bëëtge ni gena jiy 'moa.

Edhikiel 43:7

ni kööe, «Wär dhaanhø, man beeye kar wälu mara, ni beeye kany këëlla tieta yie. Kany beeye kany bëëda yie dï jø Icriel na bäre bäre. 'Ba jø dhi øt Icriel, ki nyeye moge, nyeŋŋa na en kur keere ba päätge kany këët ki käp marge ki man wø wøørge dëët kït nyeye moge moa no othøw.

Edhikiel 48:35

«'Ba kiir pääny manøgø noo rømi ki deŋŋe bäre ni di wïrö, tïmö na gööye ma kume apaar ka abära. «'Ba nyeŋ pääny manøgø ki mano täge ki dïcäŋöca, ocwøl ni WUUÖ JWØK ENA YIE.»

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Dhekaraya 8:8

ni duua geni nee bëëtge yi Jerucalem, ni tïmge na jiya ni tïma ni aana Jwøk marge ki ra adïëri ki bëëtö mo thïïŋ.»

Kwään Jiy 9:16

Ni put bëëdö na enøgønø cooth, ni ö pööllögø ni uum oduŋkaara ki dïcäŋ, ni bëëde ni liel thuwø ki wäär kaamar maac.

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 14:23

Ni løgi ya Jecu jïre, ni «Ni näk mo dhaanhø mëër ki aani, luumma gwøe gwøø, ni ö Wära ni mëëye ki gø, ni öwa baŋe ni bëëtwa ki eni na aciel.

2 Körin 6:16

?Wala Øt Jwøk ojïëe ki gïï wø lam nidïï? Kiper øøna øtø mar Jwøa kwøw, kaawat mana caan Jwøki, ni «Aano bëëdö ki geni ni cäädha dïge, ni tïma ni aana Jwøk marge, ni tïmge na jiya.»

2 Körin 6:18

«Noo caan Wuuö Jwøki na en teeki jïre, ni ‹Aano tïmö ni aana Wuuö jïïu, ni tïmu ni uuna wääta ki nyïïa.› »

1 Thecalönika 3:11

'Ba kawaane, Jwøø na näk Wääø ki dëëre, ki Kwääyø ma Jecu, waano nyuunhnhe ki jöö man öwa baŋu ki gø.

Ibaru 11:16

'Ba atïmö ni cwïnyge lääŋŋa paac mana beerra eni, ni beeye paana en maalø. Kiper manøgø, Jwøk wïïe ba laay ki man cwøli na Jwøk marge, kiper da pääny mo ee jiiŋŋø kiperge.

Ibaru 8:10

Ni cäŋ Wuuö Jwøki köö, ni «Man beeye luubö mano tuuda ki tuuŋ Icriel køør nïrögøøni. Ciik 'moa okïtha wïthge, ni gööra ge cwïnyge, ni tïma ni aana Jwøk marge, ni tïmge na jiya;

Ibaru 8:2

na ŋat wø tïïö yi kanya en kur keere yo oduŋkaanynya näk adïëri na näk ba geera dhaanhe, 'ba geera Wuuö.

Mana Nyooth 10:4

'Ba määc køth moø na abïriiø yøø na määrge, ni marge cäänö, aana tïmö naa manynya göör. 'Ba dwøl mør awïnynya mo ööi ki maal ni kööe, ni «Mwön gïïa køp määc køthi karge bïriet, ni ba göörï ge.»

Mana Nyooth 10:8

Kanyøgø dwøl mana kwøŋa wïnynyö na öö ki maal acäŋ cäännö ki aani ni kööe, ni «Ciï ni lwørï wëëlö mana no ojabø enøce cer nyïïatwiel maal manø ni tiere aciel en yi naam enø, ni tiere maya ena wøk dï piny.»

Mana Nyooth 12:10

Ni wïnynya dwøl mo päl maalø, ni köö, ni «Kawaane, pïëm man piem jiy ki gø, ki teek, ki buc Jwøø, ki teek Krictø na røønye apïï. Kiper ŋat wø wac nyeŋ nyïïmëëgø aleeŋ piny, ŋat wø wac nyeŋge nyïm Jwøø ki cääŋŋe ki wärre.

Mana Nyooth 21:7

'Ba ŋato böödö, olaaw manøgø oci jïre, ni tïma ni aana Jwøk mare, ni tïme na wääda.

Mana Nyooth 22:3

'Ba kaace bäŋ gïrpiny aciel këët mo ocienø, 'ba wäl Jwøk ge ki Nyidiel beeye noo en yie, ni ö laage ni wøørge eni.

Mana Nyooth 7:15

«Ni beeye tiere ni cuŋge nyïm wäl Jwøk en, ni ge tïnynya eni ki cääŋŋe ki wärre yi Øt Lam mare na dwøŋ. 'Ba eni ni en bäät wälu kiper na nude, geno gëëŋe.