Mana Nyooth 21:27 - Wëël Jwøk

²⁷ Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.

Mana Nyooth 21:27 Iomraidhean Croise

Bwøth Wøk 32:32

'Ba ennø, ni näk løny, beerra man wëënnï bääyö marge; 'ba ni näk mo ba løny, akwaya ïïni nee nyeŋŋa raanynyï yi wëëlö mana näk nyeŋ jiyï iï göör yie.»

Aydheea 35:8

'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Edhikiel 44:9

« ‹'Ba a na Kwäärö Wuuö Jwøk, luum caana jïïu bee en: Jøøa path, na näk kär daŋø ki yïth cwïnyge ki dëëtge, kär dee gø mo døny yi øtø mara na en kur keere, ni beege jøøa path bëët mo wø bëëdö dï jø Icriel.

Jool 3:17

«Køøre nø oŋäyu møn ni beeye aani na Wuuö Jwøk, Jwøk maru, naa bëëdö Dhayan bäät kïnna na en kur keere. Jerucalem tïmö ni ena kur keere, ni bäŋ dhaanhø mo path mo ŋøla dïëre këët.

Ciik Kiper Dïlämme 13:46

Teeŋ ŋatøgø bëëdö ni ba waany ki yïth nïne bëët moo beede ni dëëre da ŋwellø; eni ba waany. Eni wär bëëde kur keere, ni kar bëëtö mare beeye ŋää twïër.

Dhekaraya 14:21

Këël dääe bëët moa en yi Jerucalem ki moa en yi Juuda otïmö ni ena kur keerge na mo Wuuö Jwøk, eni na wïth jammi bëët. 'Ba jiy bëët moo wäro ö baŋ cïp olämme, geno lwöti røk dääe moøgø ni tëëtge ki ge. Dïcäŋöca otïmö ni bäŋ dïgäthe këët yi Øt Wuuö Jwøk, eni na wïth jammi bëët.

Kwään Jiy 12:15

Køøre Mariyam abëëdö wøk ŋää twïër ki nïne abïriiø, ni ö jiyi ni kärge tïŋŋö këël mana duu Mariyammi twïër.

Kwään Jiy 5:3

Cwøw ki mään bëët mo dëëtge da gïïögø wär kïth wøk ŋää twïër, kiper nee twïër mar lwaa Icriel ba raanyge, na näk kany wø bëëda yie yïthakicge.»

Mathiew 13:41

Kiper Wär Dhaanhø nyïïatwiet maal moe ojääŋŋe, ni dwarge jø wø wëëk raay öö, ki jø wø tïïc raay, ni kwänyge ge wøk ki yi buye,

Maak 7:2

'Ba ajootge ni bääge møøk ge cämö ni ceŋge ba waany, ni tiere beeye ni kärge lwøø ki køør kööŋŋö.

Luk 10:20

'Ba kär yïthu mïnnö kiper mana tïm juuwi moa reyø ni lwäär ki uuni, 'ba yïthu mïnge kiper mana näk mo nyeŋŋu ogöörö maalø.»

Epeca 5:5

'Ba gïn wär ŋäyu døøc, ni bäŋe ŋat ma kääbi, wala ŋat mo raac, wala ŋat mo cwïnye päl ki jammi, ni wø caal wøør juu møøk, mo jïre da kare yi buc Krictø ge ki Jwøk.

Pilipay 4:3

Naa kwaya ïïni thuwø, ï na näk ŋat tïïc ma adïëri ki aani, køny määrögø, kiper gena tïïö ki aani na aciel ri luumma nyään na met, ge ki Kalement ki jø møga moa tïïö ki aani bëët, jøøa nyeŋge en yi wëël kwøw.

1 Timöthi 1:10

Ni cïp kaper kääpe, ki cwøw mo wø døø rege ki niine, ki jø wø kwädö ki jiy, ki tööte, ki jø wø kööŋ ko oballe jaak, ki jø wø tïïc teeŋ gïï møøk bëët ni wø män ki pwöc ma adïëri,

Ibaru 12:14

Manynyu ki man bëëdu ki bëët-mëër ki jiy bëët, ni manynyu man tïmu nou ena kur keeru na mo Jwøk, kiper bäŋ ŋat mo Wuuö dee neenø ni näk ba en kur keere.

2 Piter 3:13

'Ba ø koora maal mana nyään ki piny mana nyään keda mana buuk gø, kanya näk kar bëët bëënynyö.

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 20:12

Ni jooda jøøa näk othøw, moa døøŋŋø ki moa therø, ni ge cuŋŋö nyïm wällögø. Ni ö weeli ni jabi. Ni ö wëële mør thuwø ni jabi, wëëlla näk Wëël Kwøw. Ni ö luup jøøa näk othøw ni ŋøli ki køør gïïa näk ogöörö yïth weeli, ki køør tïïe moge.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»

Mana Nyooth 3:5

'Ba ŋato böödö, dëëre orunynyi ka abïïe mo tar na enøgønø, ni nyeŋŋe ba käla wøk yi wëël kwøw. 'Ba gïr nyeŋŋe køba købø nyïm Wära ki nyïm nyïïatwiet maal moe.