Mana Nyooth 21:12 - Wëël Jwøk

¹² Deŋŋe da kiir mo bäär mo dhøge apaar kurriiø. Dhøgi moøgø da nyïïatwiet maal apaar kurriiø, na aciel nø cuŋŋö dhi man nø, ni nyeŋ tuk wäät Icriel karge paari kurriiø ogöör bäätge.

Mana Nyooth 21:12 Iomraidhean Croise

2 Luup Nyeye 9:19

'Ba da gïï ma apaar kurriiø mo caala ŋuuwe mo otïïö ni cuŋŋö bäät kwör tiel moa na abïciel, ni bäät kar tielø man nø løøi ki løøi da ŋuu mo cuŋŋö bääte. 'Ba bäŋ teeŋ wälu mo caala manøgø cøøn mo otïïö yi buc nyec mør.

Edhera 9:9

Kiper waana laaŋe; 'ba këël na bëëtwa yi laŋ, ï na Jwøk marwa, wa kärï wiiø. Mëër marï ni wø ba jøøl anyoothï jïwa ni nëënö jï nyec Parca, ni cäŋï wa mooyø ki kwøw mo nyään, nee øtø marï, ï na Jwøk marwa, cäŋwa geerrø ni dwøkwa kwöra no oränynyö karge, ni mooyï wa ki kany bëëtwa yie ni waano gwøø, ni beeye Jerucalem ki dï Juuda bäre.

Neemiya 12:27

'Ba kanya tïme na cäŋa cïp kiir mar Jerucalem kur keere yie na mar Jwøk, jø tuuŋ Libay amanynyi yïth kwöra bëëtge yïthge bëët, ni käl geni Jerucalem nee cäŋ manøgø mana cïp kiir yie kur keere na mar Jwøk wøørge ki met ec, ki dudi mo dwøk met ec, ki dudi mo wär ka athiliiŋŋi, ki mo pwöt ki thøme ki thøp-othïënhö.

Bwøth Wøk 28:21

Kïte moøgø ni perge leth yøø beege kïte apaar kurriiø, na aciel man nø nyeŋ dhaanhø aciel røk wäät Icriel ogöör bääte, ni nyootha wïth tuŋi apaar kurriiø mo jø Icriel.

Aydheea 54:12

Uut koor moï geera geerø ki kïte mo kïtge kwayø, ni ö dhøk kiiri moï ni geera ge ki kïte mo paŋŋi, ni ö dëër kiirri bäre ni geera gø ki kïte mo perge leth.

Aydheea 60:18

Kanyøgø bëët aranya otïmö ni bäŋgø mo wïnynyi yi ŋöömö marï këët, ni bäŋ aranya wala dïïr wïc mo wïnyö dïërï, ï na Jerucalem; 'ba kiir marï oputï cwøl ni Pïëmi, ni ö dhøgi moe ni cwølï ge ni Pwøc.

Mathiew 18:10

«Gwøgu rou døc, nee bäŋe nyilaal aciel røk moi ni therø ii mo taagu. Kiper a cäänna uuni, ni nyïïatwiet maal moge wø bëëdö ni neeta waŋ Wära cooth ni en maal.

Luk 15:10

'Ba a cäänna uuni, ni da met ec ma enønø nyïm nyïïatwiet maal mo Jwøk kiper ŋat raay aciel mo cwïnye ee løø.»

Luk 16:22

Kanyøgø ŋata can athøw, ni kääri ya nyïïatwiet maalli ni kïthge gø köör Eeberam. Køøre ŋata no okwär athøw thuwø, ni koonyi.

Moa Tïïc Nyïïatwieli 26:7

Ni beeye luum wø ŋääth dhøk uudi mowa na apaar kurriiø nee ci jïge, kany wø tïnyge Jwøk døøc ki wärre ki cääŋŋe. Ni beeye kiper luum ŋäädhe manøgø ni ö jø Juuthi ni lööge ki aani, ï na nyeya.

Ibaru 1:14

?Aŋø, ge paa jwïëy bëët ni wø tïny Jwøk, ni wø jääŋŋi kiper nee jø wø jïti ki pïëm man piem ge ki gø, nee bëënyge?

Mana Nyooth 21:13

Ki jï løø kur tuul-cäŋ, da dhøgi adäk, ni dee dhøgi adäk ki jï løø wï-piny, ki dhøgi adäk ki jï løø tier-piny, ki dhøgi adäk ki jï løø kur pänh-cäŋ.

Mana Nyooth 21:15

'Ba ŋata cäänö ki aani jïre da athøra ma warkey mar rumi man røm paanøgø ki gø, ki dhøge ki dëër kiire.

Mana Nyooth 21:25

'Ba dhøge bëëdö ni ŋaam ki dïcäŋ cooth, ni bäŋ wäär kaace.

Mana Nyooth 22:14

«Gwïëth en jï jø wø penya abïïkge, kiper nee marge beere ri jaadha näk jaath kwøw, ni dønyge yi paanøgø ki dhøk kiir.