Mana Nyooth 20:9 - Wëël Jwøk

⁹ Ni öge ki yi piny bäre ni rumge twïër jø Jwøk dïër, ki paana mëërö ki gø. 'Ba maac aöö ki maal, ni dïïr wïthge.

Mana Nyooth 20:9 Iomraidhean Croise

Wïlöölö 19:24

Køøre Wuuö Jwøk maac ki tør mo liel døc ajääŋŋe bäät Cødam ki Gømöra ni pänhnhi ki maal baŋ Wuuö Jwøk kaamar køth,

2 Nyeye 6:15

'Ba kanya ö ŋat tïïci mar nyikuŋ Jwøk manøgø na o maal ka amöölla na ci wøk, ka adïëri møn, jø leny, ko okwëënyi, ki jïëth leny mo wø tut okwëënyi aput joot ni pääny ege ciel dïër. Kanyøgø, ena put köö jï nyikuŋ Jwøk manøgø, ni «?Wui, kwäärö mara, agïnaŋø noo tïïø?»

Jööp 38:18

?A dööŋö mar bäät piny bäre ŋäyï? Caanï jïra, ni näk mo gïïögø bëët ŋäyï.

Aydheea 30:33

Kiper kar maac onø jiiŋŋø ki kany mo bäär; ka adïëri møn, onø jiiŋŋø kiper nyeny Aciria. Ojiiŋŋø na buur mo bäär mo yie dwøŋ, no oämmö ki maac mo wärri mo orubö ki jenni mo thööth. 'Ba jam dhi Wuuö Jwøk beeye na wëëk maac manøgø liel ni wärri.

Aydheea 37:36

Køøre nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

Edhikiel 38:16

Niï ööï kaamar pöölö mo uuma piny, nee jiya ma jø Icriel tugï. Wui, Göök, noo tïme na yïth nïne moo ööi, ïïno tïïa nee ŋöömö mara tugï, kiper naa ŋäc wïth juurre kanyo nyoodha bëëtö mara na en kur keere nyïmge ki riï.›

Edhikiel 38:22

Ni jääla geni ki täw mo leth ki køny remø piny. Aani køth mo dwøŋ mo ree da pey mo caala kïte, ki tør mo liel, ojääŋŋa bääte, ni pänh bääte ki jø leny moe ki bäät wïth juurre moa thööth mo wø cäädhi ki eni.

Edhikiel 38:9

'Ba ïïni ki jø leny moï bëët, ki wïth juurre mo thööth, uuno ö wøk kaamar atuunna, ni tïmu kaamar pöölö, ni putu ŋöömö uum.›

Edhikiel 39:6

Aani maac ojääŋŋa bäät ŋööm Magöök, ki bäät jø wø bëëdö yïth mïëri moa en bäät naama dwøŋ ni wø bëëdö ni bäŋ gïn lääŋge; køøre nø ŋäcge ŋääö ni bee aani na Wuuö Jwøk.

Mikiya 2:13

Wuuö Jwøk jöö di jabø ni ci maal nyïm jiye, ni ö jiyi ni cige køøre, ni cørge dhi kiir, ni cige wøk ki yie. Nyeya marge beeye noo cäädhi nyïmge, ni eni na Wuuö Jwøk beeye noo bwödhö maal wïthge.

Abakuk 1:6

Kiper ka adïëri møn, aani jø Kaldia tïŋa maal, jøøa näk cwïnyge keec na näk cwïnyge piew ki lac gïrpiny, ni caathge piny bäre ki man macge kwör bëëte moa näk paa moge.

Kwään Jiy 11:1

Kar kaagø jiy atïmö ni ge dwaallø kiper teek bëëtö. 'Ba na wïnynyi ya Wuuö Jwøki, ena wëër; ni ö maaci mar Wuuö Jwøk ni liele dïge, ni waaŋ løøk mør deŋ twïër.

Kwään Jiy 16:35

Ni put maaci öö ki baŋ Wuuö Jwøk thuwø, ni thöör jøøa näk dïpe ariiø ki pïërabïïc moa cïpö ki gïna näk jïye ŋwääi ni met.

Luk 17:29

'Ba dïcäŋa døny Løøti wøk ki yi Cødam, maac mo lïëth døc apänhnhö ki maal ni dïïr wïthge bëët.

Luk 19:43

Kiper nïne oööi kanyo ö nyïïmännu noo diilge uuni yi kiir, ni bäŋ kany mo thiinh mo dønynyu wøk ki gø,

Luk 21:20

«'Ba kanyo jootu Jerucalem no ociel jø tøŋŋi, kanyøgønø, wär ŋäyu ni kar ränynye ocäännö.

Luk 9:54

'Ba kanya ö Jeemeth ki Jøøn na näk bääge, na jootge gïnögø, gena köö jïgø, ni «?Kwäärö, ï manynya waani man cwötwa ki maac ki maal nee wïthge dïtge bëët?»

Tiet Ciik 23:14

Kiper Wuuö Jwøk na näk Jwøu cäädhö dï twïër maru, nou kønye ceŋ nyïïmännu, ni bööt geni nyïmmu. Kiper manøgø nø, dï twïër maru doo bëëdö ni tøŋ, ni bäŋ gïn mo raac mo joode dïïu, kiper nee ree ba paanye buutu.

2 Thecalönika 1:8

ni cool kwöri dëët jøøa kuc Jwøk, ki moa taak luumma nyään na met mar Kwääyø ma Jecu.

Ibaru 13:13

Kiper manøgønø, beerra man cøø baŋe ŋää kiir, ni ø di buuö kipere.

Mana Nyooth 11:5

'Ba kany wø näk da ŋat mo manynya man raany geni, maac wø ööa wøk ki dhøkge ni dïïr wïth jø wø män ki geni. Kiper manøgø nø, ŋat wø many man raany geni, cuŋ mare beeye thøø.

Mana Nyooth 13:13

Ni eni wø tïïö ki ŋïïce mo døøŋŋø døc, mo këëlla maac wëëge ööny piny ki maal ni nëënö jï jiy.