Mana Nyooth 20:4 - Wëël Jwøk

⁴ Kanyøgø wäle møøk ajooda, ni jøøa näk owëëk ŋøl luup opï bäätge. Ni jooda jwïëc jøøa wïthge ŋul wøk thuwø kiper gïr Jecu na køpge, ki gïr luum Jwøk, jøøa näk Lääy manøgø kärge wøørø, wala gïna näk ocwääö na caal kïte, na näk kär jïtö ki ŋïï täärnyïmge wala ceŋge. Geni, gena cäŋ kwøwø, ni bëën geni ki Krictø na aciel ki cwiiri ma kuma.

Mana Nyooth 20:4 Iomraidhean Croise

Daniel 2:44

«'Ba noo tïme na yïth nïr nyeye moeke, Jwø maal da akwöm nyec mo këëlle piny mo ba ränynyi na bäre bäre; na akwöm nyec manøgø ba wëëk jiy møøk. Eni akwöm mo nyec moeke bëët di nyadhø ni dïïr wïthge; 'ba eni ki dëëre keere, bëëdö na bäre bäre.

Daniel 7:18

'Ba jic Jwøa Dwøŋ ni en Maal, buc nyec oci jïge, ni ö buc nyeci manøgø ni tïme na marge na bäre bäre, ki yïth beenhnhe bëët moo ööi.›

Daniel 7:22

këël kanya ö Eni Na Nut Yïth Nïr Acääŋŋe, eni na Jwøa Dwøŋ ni en Maal, na ööe ni ŋun jiye, ni beeye kanya ö kanya wäŋŋi ki man cïp buc nyec jïge, ge na jiye.

Daniel 7:27

Køøre teek mar käär jiy, ki dööŋö bäre mar akwöp nyec mo bäät piny put ka cïp ceŋ jic Jwøa Dwøŋ ni en Maal. Buc nyec mar Jwøa Dwøŋ ni en Maal beeye bura mo bëëdö na bäre bäre, ni ö jøøa en teeki ceŋge ni tïnyge eni ni wïnyge mare.›

Daniel 7:9

«Kanya bëëda naa rääŋö, wäle acïp piny karge, ni ö Eni Na Nut Yïth Nïr Acääŋŋe ni pï piny bäät wälu mare. Abïï mana en dëëre tar ni caala piiø, ni jïëc wïïe caala jïëc røømmø mo pøøth. Wälu mare bëëdö ni wärri ki leep maac, ni tiet wälu liel ki maac.

Milkiya 4:5

«'Ba kanyo poode ni dïcäŋ mara, a na Wuuö Jwøk, poot kär öö, ni beeye dïcäŋo täk gïïa døøŋŋø yie, noo lwäärö ki gø, nyikugö mara ma Ilaaja ojääŋŋa baŋu.

Mathiew 19:28

Ni kö Jecu jïge, na «Adïëri møn, a cäänna uuni, ni kanyo døøc piny mo nyään, ni beeye kanyo ö Wär Dhaanhø noo pï bäät wäl ajiem mare, u na caath køøra u pïïa bäät wäle apaar kurriiø thuwø, nou ŋøla luum wïth tuk Icriel karge paari kurriiø.

Mathiew 24:10

'Ba kaaca jiy mo thööth odøø cään, ni tïm ŋati man nø ni dëëre ŋeee ŋeeø ki watge maya, ni mänge ki røkge.

Maak 6:16

'Ba na wïnynyi ya Eerati, ena köö, ni «Jøøn na wïïe ŋula wøk atïŋ maal ki yi thøø.»

Maak 6:27

Ni ö nyeya ni put dïkuri jääŋŋö man wø en tïï 'näki cere, ni cïpe ki dwøl, ni «Wï Jøøn kälï.» Ni cøøe, ni ŋul wï Jøøn wøk øt twöc,

Maak 9:11

Ni pëënyge eni, na «?Aŋø ni wø kö dïpööye mo ciik Jwøk ni Ilaaja doo kwøŋa öö turu?»

Luk 1:17

'Ba eno cäädhi nyïm Wuuö Jwøk ki teeŋ bëët Ilaaja ki teek mare, ni løø cwïny wëëe baŋ obwöre moge, ni løø wïth jøøa wïthge teek baŋ acaac jøøa marge beyø, ni tïïc jiy na jiy mo ojiiŋŋø kiper Wuuö Jwøk.»

Luk 14:14

'Ba ïïno gwïëth, kiper ï ba maarge cunnö. 'Ba ïïno cunni cäŋo duu jøøa beyø wøk ki yi thøø.»

Luk 22:30

kiper nou cämu ni mädhu kar cam mara yi buya, ni pïïu piny bäät wäle, nou ŋøla luum tuk Icriel karge paari kurriiø.»

Jøøn 14:19

Ki kany mo thiinh a ba neen jø pinynyi këët, 'ba aano neennu. 'Ba kiper na kwøa, uuno kwøw thuwø.

Wëëlö Mana Göör Pøølli Baŋ Jø Röm 11:15

?'Ba ni näk kwier marge na kwier geni ki gø beeye na cäŋ piny dwøk kanya ciel ki Jwøk, a kanyo jïëc geni, ba put tïmö ni beeye kwøwa eni køør thøø?

Wëëlö Mana Göör Pøølli Baŋ Jø Röm 8:17

'Ba ni näk øøna nyïïe nø, øøna lwiidhi, na lwiidhi mo Jwøk, ni øøna lwiidhi ki Krictø na aciel, ni näk mo ø jwøra gïï mo leth ki eni na aciel, kiper nøø jiem ki eni na aciel thuwø.

2 Timöthi 2:12

Wala ni näk cwïnynyø yøø maa, øøno røøny thuwø ki eni na aciel. 'Ba ni näk eni mooŋø mooŋø, ø mooŋe mooŋø thuwø.

Mana Nyooth 1:2

ŋata køp gïr luum Jwøk ki gïr luum adïëri mana caan Jecu Krictø, këël gïr gïïa neene bëët.

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 11:11

'Ba køør nïrögø na adäk ki thääŋö yøø, jwïëc kwøw aöö ki baŋ Jwøk ni ci dëëtge, ni öge maal ni cuŋge ki tietge. Ni jït cwïny jøøa neen geni ki lwär mo päl.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 11:3

'Ba aani lïŋŋe 'moa moa na ariiø owëëga teek man køpge dwør Jwøk ki yïth nïne ma kuma aciel ki dïpe ariiø ki pïërabïciel, ni ge käära keece na abïïe.»

Mana Nyooth 11:7

'Ba noo nø thöörge gïrge na køpge, Lään wø ö wøk ki yi buura näk bäye bäŋ cuŋŋe, okëëdi ki geni ni bööt geni, ni 'näk geni,

Mana Nyooth 12:11

'Ba ena böötge ki køør rem Nyidiel ki luum Jwøk na køpge, ni per jwïëcge ba leth jïge, këël doo cööpa ri thøø.

Mana Nyooth 14:11

Ni ö jïc maac mano caar geni ki gø ni duuŋe këël na bäre bäre. Ni bäŋ jwömö jïge ki wärre ki cääŋŋe, ni beege jø wø wøør Läänögø ki gïna näk ocwääö na kïte, ki jø wø dëëtge jïti ki ŋïï mar nyeŋŋe.»

Mana Nyooth 15:2

Ni neena gïn mør mo nëëni keda naam mo dwøŋ mar wïlli mo orwöbö ki maac. 'Ba jøøa näk Lääy ege böötö, ki gïna näk ocwääö na caal kïte, ki kwäänö mar nyeŋŋe, ge cuŋŋa bäät naamøgø na mar wïlli enø, ni ceŋge da thøme moa wëëk Jwøki geni.

Mana Nyooth 17:8

Läänögø na jootï enø, nut dïkwøŋ cøøn, ni tøør ennø, ni eni ööa wøk ki yi buura näk bäye bäŋ cuŋŋe ni cøøa kar ränynyö. 'Ba jø wø bëëdö bäät piny na näk nyeŋge kär göörö yi wëël kwøw ki kanya täk pinynyi, yïthge othäŋŋi noo neenge Läänögø, kiper na nude dïkwøŋ cøøn, ni tøør ennø, 'ba eni poot öö.

Mana Nyooth 2:26

«'Ba ŋato böödö, ni gwøk tïïe 'moa këël cuŋŋe, omooa ki teek bäät mïëc piny,

Mana Nyooth 20:6

Ŋato en ri duun wøk ki yi thøø mano kwøŋ tägö, gwïëth oen jïre, ni eni ena kur keere na mar Jwøk. Teeŋ jøøgø, thøw oen cään bäŋ teek jïre bäätge, 'ba ge tïmö ni gena dïlämme mo Jwøk ki Krictø. 'Ba geno bëënni ki eni na aciel ki cwiiri ma kuma.

Mana Nyooth 22:5

Ni bäŋe wäär këët. Ni bäŋ däär lamba mo manyge wala tac cäŋ, kiper Kwäärö Wuuö Jwøk tïmö na tar marge. 'Ba geno bëënni këël na bäre bäre.

Mana Nyooth 3:21

«'Ba ŋato böödö, owëëga pïïn piny bäät wälla, keda mara na bööda, ni pïïa kanya ciel ki Wära bäät wälle.

Mana Nyooth 4:4

'Ba deŋ wälu manøgø bäre da wäle ma pïërariiø kurŋween, ni bäät wätöge da jaae ma pïërariiø kurŋween, mo ge käära abïïe mo tar, ni wïthge da adude ma warkey.

Mana Nyooth 6:9

'Ba na ö Nyidiel na jap bïï möönne, jwïëc jøøa 'näk kiper luum Jwøk ki luum Jecu na køpge, ajooda tier gïn wø cïp olämme bääte.

Mana Nyooth 7:3

Ni kööe, ni «Kär nou raanynya piny, wala näpa døøŋŋø, wala jen, këël mano kïthwa täärnyïm laak Jwøø ki ŋïï.»