Mana Nyooth 20:13 - Wëël Jwøk

¹³ Ni ö naama dwøŋ ni cïp jiy moa no othøw yie, ni ö thøøe ki kar bëët jwïëc jøøa näk othøw ni cïpge moa en yïthge, ni ŋøl luupge bëët ki køør tïïe moge.

Mana Nyooth 20:13 Iomraidhean Croise

Aydheea 26:19

Jiy moï moa thøw geno cäŋ kwøwø, ni ö rïŋ dëëtge ni cäŋge ö maal. Wui, u na näk obutö yïth bwör, päyu ni ööu maal ni kwöŋŋu ki met ec. Kiper Wuuö Jwøk jiy moa no othøw wëëge kwøw, kaa man wø ö thööy wø jwøc bäät piny ka amöölla.

Odheea 13:14

?Aŋø, a na Wuuö Jwøk, jø dhi øt Ipariem ge daa wïïla wøk cer teek thøø? ?Aŋø, ge daa käl wøk ki yi thøø? ?Wui, ï na thøø, age teek aranya marï? ?Wui, ï na thøø, age teek gïna leth ni wø tïïyï? Aani, cwïnya ba cïba piny këët.

Mathiew 11:23

?Aŋø, ï na Kapernaam, iï caarø niï doo røønyø maal? Beeye kar ajäla noo leeŋ ïïni yie. Kiper doo naa tïïe moa døøŋŋø na tïïc jïrï, tïïca Cødam, paanøgø doo poodø ni nut këël dïcäŋi en.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

1 Körin 15:26

'Ba nyimän mano raanynyi na aŋuudi beeye thøø.

Mana Nyooth 1:18

Ni beeye aani ni kwøw. Kiper aana thøw møn, 'ba kawaane aana cäŋ kwøwø, këël na bäre bäre. Ni muktääe mo thøø ki kar bëët jwïëc jøøa näk othøw ena cera.

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.

Mana Nyooth 20:12

Ni jooda jøøa näk othøw, moa døøŋŋø ki moa therø, ni ge cuŋŋö nyïm wällögø. Ni ö weeli ni jabi. Ni ö wëële mør thuwø ni jabi, wëëlla näk Wëël Kwøw. Ni ö luup jøøa näk othøw ni ŋøli ki køør gïïa näk ogöörö yïth weeli, ki køør tïïe moge.

Mana Nyooth 20:14

Kanyøgø thøø ki kar bëët jwïëc jøøa näk othøw aleeŋ yi naama liel ki maac. Manøgø beeye thøø mano en cään, mar naamo liel ki maac.

Mana Nyooth 21:4

ni pooc pï nyeŋge bëët, ni ö thøøe ni bäŋe gø këët. Ni bäŋ kïmmö, wala oduuru mo di gøø, wala rääm këët. Kiper japa dïkwøŋ oaay.»

Mana Nyooth 6:8

Ni nëënna, ni jooda okweeny mør mo obwörö, mo bääte da ŋat mo nyeŋŋe Thøø, ni kar bëët jwïëc jøøa näk othøw cäädha køøre. Ni geno wëëk teek bäät ŋweer thääŋö mar piny, nee 'näkge ko opëëllö, ki meel, ki ŋwiili, ni wëëk geni 'näk dhøk cwëënyi mo owär.