Mana Nyooth 20:12 - Wëël Jwøk

¹² Ni jooda jøøa näk othøw, moa døøŋŋø ki moa therø, ni ge cuŋŋö nyïm wällögø. Ni ö weeli ni jabi. Ni ö wëële mør thuwø ni jabi, wëëlla näk Wëël Kwøw. Ni ö luup jøøa näk othøw ni ŋøli ki køør gïïa näk ogöörö yïth weeli, ki køør tïïe moge.

Mana Nyooth 20:12 Iomraidhean Croise

Pwöc Leec Wïc 24:12

Ni näk miï köö, ni «Neenï, bäŋ gïn mo ŋäcwa kiper gïnögø,» ?aŋø, Jwøk na ŋäc cwïny jiy, ba løny jïre ki man caar gø? ?A eni ni wø gwøk jwïëy moï, gïnögø kuue? ?Eni ba løny jïre ki man cun ŋati man nø ki køør gïna tïïe?

Pwöc Leec Wïc 24:29

Kär niï köö, na «A tïïö dëëre ki gïrpiny kaa mana tïïe dëëra, naa coola gø dëëre ki køør mana tïïe dëëra.»

Luup Dïpööy 12:14

Kiper Jwøk jammi bëët kïthe kar ŋøl mare, ni beege jammi bëët moa näk tietge okanø, nee raac wala beer.

Jeremaya 17:10

«Beeye aani na Wuuö Jwøk ni wø neen cwïny dhaanhø, ni wø raŋ acaac dhaanhø thuwø, ni ŋati man nø cunna cunnö ki køør uutjïëth bëëtö moe, ki køør tïïe moe ni wø tïïe.»

Jeremaya 32:19

Acaara marï dwøŋ, ni tïïe moï wø tïïyï ka teek mo dwøŋ, ni waŋï iï peerø bäät uutjïëth tïïe mo jiy bëët, ni ŋati man nø wø cunnï cunnö ki køør bëëtö mare ki tïïe moe.

Daniel 7:10

Naam ma maac bëëdö ni kwödö ni ööa wøk ki nyïme, ni kum jiy ma kume tïnynya eni, ni kum jiy apaar kwöre ma kume apaar cuŋŋö nyïme, ni ö kwääy løøk ni pï piny, ni ö weeli ni jabi.

Mathiew 11:22

'Ba a cäänna uuni, noo tïmö ni theemma ajäl Tayar ki Caydan ka ajäla maru, dïcäŋo ŋøl luup yie.

Mathiew 16:27

Kiper Wär Dhaanhø öö ki nyïïatwiet maal moe ka ajiem wänni. Kanyøgønø, jiy bëët ocunne ki køør gïïa tïïcge.

Luk 10:20

'Ba kär yïthu mïnnö kiper mana tïm juuwi moa reyø ni lwäär ki uuni, 'ba yïthu mïnge kiper mana näk mo nyeŋŋu ogöörö maalø.»

Moa Tïïc Nyïïatwieli 24:15

Ni Jwøk yaa ŋäädhö ni da duun wøk køør thøø jï jøøa beyø ki jøøa reyø bëët, na näk ege jïëö thuwø.

Wëëlö Mana Göör Pøølli Baŋ Jø Röm 2:6

Kiper eno cïpi jï jiy bëët, ni ŋati man nø ojïti ki mo orømø ki gïïa tïïe.

1 Körin 4:5

Kiper manøgønø, käru ŋut piny ni kanya wäŋŋi poodi, ni Kwäärö poot kär öö, ŋato wëëk jammi nëënne, moø no okanø yi muudhö yøø, ni nyooth tiet luup moa en cwïny jiy. 'Ba kanyøgø jiy bëët ojïti ki pwøc mano wëëk Jwøki geni.

2 Körin 5:10

Kiper øøni bëët ø cuŋŋö nyïm thunh løøk mar Krictø, nee ŋati man nø jïte ki gïno joode na näk orømø ki gïïa tïïe na en ri dëël, nee gïï mo beyø, wala gïï mo reyø.

Pilipay 4:3

Naa kwaya ïïni thuwø, ï na näk ŋat tïïc ma adïëri ki aani, køny määrögø, kiper gena tïïö ki aani na aciel ri luumma nyään na met, ge ki Kalement ki jø møga moa tïïö ki aani bëët, jøøa nyeŋge en yi wëël kwøw.

Mana Nyooth 11:18

'Ba mïëri abëëdö ni wëëyö. 'Ba wëëyï apïï, ki kanya di luum jøøa näk othøw ŋølø, ki kanyo ŋat laagï yie ma nyïïkuk Jwøk ki jø Jwøk, ki jø wø lwäär ki nyeŋŋï, moa døøŋŋø ki moa therø, ni beeye kanyo raany jøøa raany piny.»

Mana Nyooth 13:8

'Ba eno wøør jø wø bëëdö bäät piny, ni beege jiy bëët moa näk nyeŋge kär göör yi wëël kwøw mar Nyidiel na bëëdö no onää ki kanya poot pinynyi ni kär caa.

Mana Nyooth 17:8

Läänögø na jootï enø, nut dïkwøŋ cøøn, ni tøør ennø, ni eni ööa wøk ki yi buura näk bäye bäŋ cuŋŋe ni cøøa kar ränynyö. 'Ba jø wø bëëdö bäät piny na näk nyeŋge kär göörö yi wëël kwøw ki kanya täk pinynyi, yïthge othäŋŋi noo neenge Läänögø, kiper na nude dïkwøŋ cøøn, ni tøør ennø, 'ba eni poot öö.

Mana Nyooth 19:5

Ni ö dwølli mør ki bäät wälu mo köö, ni «Pwøyu Jwøk marø, u na laage bëët, u jø wø lwäär gø, ni beege moa therø ki moa døøŋŋø.»

Mana Nyooth 2:23

'Ba nyïïe onääa ni thøwge ki thøø mo leth. Ni ö acook Jwøki bëët ni ŋäcge gø ni beeye aani ni wø neen gïï wø en yi cwïny ki wïc. 'Ba ŋati man nø dïïu omooa ki mano rømi ki tïïe moe.

Mana Nyooth 20:11

Kanyøgø wälu mo tar mo dwøŋ døc ajooda ki ŋata en bääte. Ni ö maalli ki piny ni reŋge ki eni, ni bäŋe kany mo ojoodø kiperge.

Mana Nyooth 20:13

Ni ö naama dwøŋ ni cïp jiy moa no othøw yie, ni ö thøøe ki kar bëët jwïëc jøøa näk othøw ni cïpge moa en yïthge, ni ŋøl luupge bëët ki køør tïïe moge.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.

Mana Nyooth 22:12

Ni kö Jecu, «Neenï! Aani, a laara öö, naa käära japo cunna jiy ki ge, ni ŋati man nø cunna ka køør gïna tïïe.

Mana Nyooth 3:5

'Ba ŋato böödö, dëëre orunynyi ka abïïe mo tar na enøgønø, ni nyeŋŋe ba käla wøk yi wëël kwøw. 'Ba gïr nyeŋŋe køba købø nyïm Wära ki nyïm nyïïatwiet maal moe.