Mana Nyooth 2:9 - Wëël Jwøk

⁹ «Aani, gïïö ni leth ni jwørï yøø ŋääa, ki cannï, 'ba ïïno kwär. Ni ŋääa gïïö ni reyø ni wø cari dëërï, ni beege jø wø köö ni gena jø Juuth, ni ge path. 'Ba gena øt acooŋa mar Ceethan.

Mana Nyooth 2:9 Iomraidhean Croise

Mathiew 4:10

'Ba Jecu aköö jïre, ni «Daak riï, Ceethan, kiper ogöörö, «ni ‹Ï doo wøøra Wuuö Jwøk na näk Jwøï, ni beeye eni keere na diï tïnynyö.› »

Luk 12:21

'Ba beeye enønø jï ŋat wø känö ki jammi kiper dëëre keere, ni patha okwär nyïm Jwøk.»

Luk 22:65

Ni cäänge dëër gø ki luup møøk mo thööth ni ge janynya eni.

Luk 4:18

ni «Jwïëc Wuuö Jwøk ena bääta, kiper aana jiere nee luumma nyään na met caana jï jøøa can. Ni jääŋ aani nee pät mar jøøa näk otwöö køba jïge, ki døøn nyeŋ karge jï cööye, ni päda jøøa näk odïïmö,

Luk 6:20

Kanyøgø Jecu alwïthö ni neen jï bääge, ni kööe, «Gwïëth en jïïu, u ni can, kiper buc Jwøk a maru.

Jøøn 16:33

Man en a caana jïïu, nee bëët-mëër nee jootu baŋa. Uuni, gïï mo leth ojwørru yi pinyi en. 'Ba magu cwïnynyu, kiper piny yaa nø böötö.»

Moa Tïïc Nyïïatwieli 14:22

ni ge cøømma cwïny bääŋi, ni köömge geni døøc ki man putge bëëtö ri ŋäädhe. Ni ge cara gø, ni «Ki yïth gïï mo leth mo thööth moo jwørø beeye noo dønynyø buc Jwøk.»

Moa Tïïc Nyïïatwieli 26:11

Ni ge wø pööta pöötö cooth yïth uut acook lam bëët, naa manynya man wëëga geni jany nyeŋŋøgø. Ni gëëma ki geni këël mana pïïa tiet mïëc juurre, naa män ki geni døc.

Wëëlö Mana Göör Pøølli Baŋ Jø Röm 12:12

'Ba yïthu mïnge ki ri ŋäädhe maru, ni cïbu cwïnynyu piny ki gïïo leth ni wø pïï dëëtu, ni lämu cooth.

Wëëlö Mana Göör Pøølli Baŋ Jø Röm 2:17

?'Ba ni näk riï iï cwølø ni ïïna ŋat Juuth, ni ïïno göök ri ciik Jwøk, niï töödö kiper Jwøk,

Wëëlö Mana Göör Pøølli Baŋ Jø Röm 5:3

'Ba paa manøgø keere, 'ba ø kanynyø thuwø yïth gïï ni leth ni jwørø en, kiper mana ŋääø gø ni gïï wø leth wø jwør dhaanhe wø käla tëënnö,

Wëëlö Mana Göör Pøølli Baŋ Jø Röm 8:35

?Aŋa noo pää øøni ki mëëc Krictø? ?Aŋø, beeye gïïo leth noo jwørø, wala moo thäŋ yïthø ki ge, wala caannø, wala meel, wala wääth dëël, wala kany mo raac ma kar thøø, wala opëëllö?

Wëëlö Mana Göör Pøølli Baŋ Jø Röm 9:6

Ni manøgø ba caan gø ni luum Jwøk kär thur kare. Kiper nyïïkwaac Icriel paa jø Icriel bëët,

2 Körin 6:10

Ni kïmwa, 'ba yïthwa wø poot mïnnö cooth. Wa wø cännö, 'ba jiy mo thööth poot wëëkwa kwärö. Ceŋwa wø dar, ni poot jammi bëët na mowa.

2 Körin 8:2

Kiper këël na pääny geni ki gïna leth na pïï dëëtge, yïthge poot met døc ni cïpge ki jammi mo thööth ki bäth ec, këël na cange døc.

2 Körin 8:9

Kiper met yi Kwääyø ma Jecu Krictø ŋäyu, ni eni këël na näk mo okwär, acännö kiperu, kiper nou kwärru ki køør canne.

1 Thecalönika 3:4

Kiper kanya pootwa dïïu, acaanwa jïïu, ni gïï mo leth jwørø jwørø, kaawat mana nø täge enø, ni ŋäyu gø.

1 Timöthi 1:13

këël na kwøŋa bëëtö naa caanna eni, naa pääta eni, naa tïïö ki gïï mo reyø bääte. 'Ba aana kønye kiper na kuua mana tïïa na kära jïëy.

1 Timöthi 6:18

'Ba ge doo tïïya tïïe mo beyø, ni tïm kønynyi ni päl jïge, ni ceŋge jööt ki muuc, ni cwïnyge piew ki køny.

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 2:13

«Aani, kany bëëdï yie enø ŋääa, ni beeye kany wø bëët wäl Ceethanni yie. 'Ba nyeŋŋa iï jïëö møn, ni ŋäädhe marï mana ŋääthï aani ki gø kärï mooŋø, këël yïth nïr lïŋi mara ma Antipa ŋata näk yaa ŋäädhö, na 'näk dïïu, kanyø ni bëët Ceethanni yie enø.

Mana Nyooth 2:2

«Aani, tïïe moï ŋääa, ki öölö marï, ni cwïnyï iï maa, niï ba maar jïëy ki jø raay. 'Ba jøøa døøc dëëtge nyïïatwieli ni ge patha nyïïatwieli, gena päänynyï, ni jootï geni ni marge tööt.

Mana Nyooth 2:24

'Ba maru, u na jø møga ni en yi Thayatira, u na näk kär jïëy ki pwöc moøgø, na kär kwany gïï wø cwøl jø møøki ni jap Ceethan moa teek, a køpa gø jïïu, ni bäŋ gïn mør mo u ööla öölö ki gø.

Mana Nyooth 3:9

'Ba jøø na jø øt acooŋ Ceethan yøø, ni beege jø wø köö ki tööt ni gena jø Juuth, ni ge path, geno tïïa nee öge ni këëlge cøŋge piny nyïmï, nee ŋäcge naa mëër ki ïïni.

Mana Nyooth 7:14

Ni dwøga gø jïre, ni «Ŋäyï, kwäärö.» Ni duu gø jïra, ni «Jøøgø beege jøøa ö wøk ki yi gïna leth døc na wäŋŋi. Abïïkge apenyge ni tïïcge ge ni tar ki rem Nyidiel.