Mana Nyooth 2:3 - Wëël Jwøk

³ Ni ŋääa ni cwïnyï iï maa niï jøøya gïï mo leth kiper nyeŋŋa, ni kärï ööl.

Mana Nyooth 2:3 Iomraidhean Croise

Mikiya 7:9

Waana bääyö dëër Wuuö Jwøk møn; wëër mare bëëdö ni ena bäätwa këël kanyo pïëme kiper luubö marwa, noo këël tier adïëri marwa piny. Eni wa käle wøk ni bëëtwa yi tar, ni jootwa adïëri mare.

Maak 15:21

'Ba kanyøgø, da ŋat mør ma nyï Cayriin mo cäädha jöö mo ööi ka dï paac, mo nyeŋŋe Cayman, na näk wää Alekdhander ki Rupa. Ena mak dïkuye kiper nee jaadha no odëëdö mar Jecu kääre.

Luk 14:27

Ni ŋato wäro ba käär jaadhe na näk odëëdö, ni cäädhe køøra, ba maar tïmö na bääŋa.

Luk 18:1

'Ba kanyøgø, Jecu bääge acäänne ki luubö mo keda leer ni nyootha gø jïge ni ge doo lämö cooth, ni cwïnyge ba jøøm.

Luk 21:19

'Ba jwïëyu ojootu ki køør jïëny gïï mo leth moo jwørru.

Luk 5:5

'Ba aløk Caymanni, ni «Dïpööy, waana bïdhö ki wäär bäre, ni bäŋe gïn mo ewa joodø. 'Ba kiper luummï nø, ajääpi oleeŋa.»

Luk 8:15

'Ba moa piith yi ŋöömma beer, beege jø wø wïny luum Jwøk ni putge gø mak na bäre bäre ki cwïny mo leer ma adïëri, ni känge ki nyeŋ ni cwïnyge ege cïp piny.

Jøøn 15:21

'Ba moøgø bëët otïïcge dëëtu kiper nyeŋŋa, kiper na kucge Ŋata jääŋ aani.

Wëëlö Mana Göör Pøølli Baŋ Jø Röm 12:12

'Ba yïthu mïnge ki ri ŋäädhe maru, ni cïbu cwïnynyu piny ki gïïo leth ni wø pïï dëëtu, ni lämu cooth.

Wëëlö Mana Göör Pøølli Baŋ Jø Röm 16:12

Määthu Taripana ki Taripöca, määra tïïö døc ki nyeŋ Wuuö. Ni määthu omëëya ma Perca, ŋata tïïö ki tïïc mo teek ki nyeŋ Wuuö.

Wëëlö Mana Göör Pøølli Baŋ Jø Röm 2:7

Ni eno cïpi ki kwøw mana näk adïëri mo bäŋ cuŋŋe jï jøw wø tïïc gïïa beyø ni cwïnyge ege cïp piny, ni ge caya ajiem, ki wödö, ki kwøw mana näk bäŋ thøø ree.

Wëëlö Mana Göör Pøølli Baŋ Jø Röm 8:25

'Ba ni näk mo ø ŋäätha gïn mo kärø neenø, ø koora gø ni cwïnynyø yøø cïp piny.

1 Körin 13:7

Mëër rïëpa jammi bëët, ni jïëc jammi bëët, ni ŋääth jammi bëët mo poot ena nyïm, ni jïëny jammi bëët.

1 Körin 16:16

'Ba a köömma uuni ni beerra man leŋŋu teeŋ dööt jiy ma yøøgønø, këël jiy bëët mo wø kunyö na ööl ki tïïc man.

2 Körin 10:15

Wa bäŋ wø töödö ka atöör mo okadhø ki køør öölö mar jø møøk. 'Ba ewa ŋäädhö ni kanyo døøŋ ŋäädhe maru, karwa opälli dïïu døc,

2 Körin 11:23

?Gena jiy mo tïnynya Krictø? Theemma aani. Ŋääa naa cäänö kee aana bøøl. Aani, kadha öölö mara, ni kadha aani ki tööyö uut tööc. Aana pööti ki kwör pöödö mo ba kwaan, ni bødha kwör mo thööth ki thøø.

2 Körin 4:1

Kiper manøgønø, na tïme ni tïïc man ni tïïcwa en, jootwa ka køør met yi Jwøk, cwïnywa ba wëëkwa pädhö.

2 Körin 4:16

Kiper manøgønø, cwïnywa ba pädhi. Këël na näk dëëtwa moi ni wøk ii oränynyö, yïth cwïnywa wø døøya mo nyärö cooth.

2 Körin 5:9

Kiper manøgø nø, nee wa ena kany wala wa tøør kany, wïthwa poot ewa këël ri gïï wø met yie ki ge.

2 Körin 6:5

ki pöödö, ki tööyö, ki dïŋaŋ, ki öölö, ki bäŋ niine, ki bëët käc.

Galeecia 6:2

Beerra man ö ŋati man nø ni køny watge maya ki gïïa peek na kääre, nee ciik Krictø thur kare jïïu na enøgønø.

Galeecia 6:9

Beerra man ba jøømø ki tïï gïïa beyø. Kiper øøno kää kanyo näk ma kare, ni näk mo bäätø ba wëëgø pädhö.

Pilipay 2:16

ni luubö mana en kwøwi ree you maa cwïnynyu, kiper naa tïma naa töödö dïcäŋo näk cäŋ Krictø, ki man näk mo ŋwïëy mara kära ŋwieø jaak, wala raa kära öölö jaak.

Pilipay 4:3

Naa kwaya ïïni thuwø, ï na näk ŋat tïïc ma adïëri ki aani, køny määrögø, kiper gena tïïö ki aani na aciel ri luumma nyään na met, ge ki Kalement ki jø møga moa tïïö ki aani bëët, jøøa nyeŋge en yi wëël kwøw.

Köløcia 1:11

nou tëënnu døc ki køør teek mare na bäŋ teeŋe, nee cwïnynyu magu, ni cwïnynyu you cïp piny ki met ec,

1 Thecalönika 1:3

Ni wa lääŋŋa tïïc maru nyïm Jwøø na näk Wääø, ni wø tïïyu ki køør ŋäädhe, ni uuno ööl ki køør mëër, nou bëëdö ni dëëtu you maaø ri ŋäädhe mana ŋääthu Kwääyø ma Jecu Krictø.

1 Thecalönika 2:9

Kiper wïthu kär wïl ki tïïc marwa na öölwa døc, nyïïmera. Waana tïïö ki wärre ki cääŋŋe bëët, kiper nou ba öölwa, kanya køpwa luumma nyään na met na näk mar Jwøk jïïu.

1 Thecalönika 5:12

'Ba nyïïmera, wa kwaya uuni ki man wøørru jøøgø ni tïïö dïïu yøø, ni enu ceŋge ki ri Wuuö, ni jøga uuni.

2 Thecalönika 3:13

'Ba nyïïmera, käru jøøm ki gïïa beyø ni wø tïïyu.

2 Thecalönika 3:5

'Ba Wuuö cwïnynyu oløø baŋ mëër mar Jwøk, ni bëëdu nou teek kaamar Krictø.

2 Thecalönika 3:8

Ni bäŋ ŋat mo cam mare ewa camø jaak ni kärwa cunnö. 'Ba waana tïïö ki wärre ki cääŋŋe, ni waano ööl døc, kiper nee bäŋe ŋat öölwa dïïu.

1 Timöthi 4:10

Kiper ŋäädhe marø ena ri Jwøa kwøw, ŋata näk Pïëmi mar jiy bëët, ni piema jøøa näk ojïëy røk, ni beeye ni tïïø ni øøno ööl døc en.

1 Timöthi 5:17

'Ba jaak acooŋ Jwøk moø ni tïïö døc yøø, wär tïmge na jiy mo di wøørø døøc, ni letha per jøø no oööl røk yøø ki køp luum Jwøk ki pwöc.

Ibaru 10:36

Kiper manynya man magu cwïnynyu, nee mana many Jwøki tïïyu ni ci buuki jïïu.

Ibaru 12:1

Kiper manøgønø, na tïme ni buutø da teeŋ lwaa lïŋŋe mo thööth ma yøøgø nø, beerra man ööø thuwø ni cïbø gïïö ni peek yøø piny, ki raay no onigän dëëtø ii, ni ŋwieø ŋwïëy man en nyïmmø en, ni cwïnynyø yøø maaø,

Ibaru 13:13

Kiper manøgønø, beerra man cøø baŋe ŋää kiir, ni ø di buuö kipere.

Ibaru 6:10

Kiper Jwøk ŋøl mare tiir, ni tïïe mou ba taae, ki mëër mana nyoothu kiper nyeŋŋe kanya tïnynyu jø Jwøk, kaawat man poodu nou tïïya gø enø.

Ibaru 6:12

nee dëëtu ba tïmge ni peek. 'Ba, nou tïmu nou ŋwaala mar jø wø ci gïïa buuk jïge ki køør ŋäädhe mare ki bäŋ jøømø.

Ibaru 6:15

Ni beeye na ci buuki jïre, kiper mana bëëde ni cwïnye ee cïp piny.

2 Piter 1:6

ni kuurru bëëtö ma wøp ki ŋäc luup, ni kuurru ŋäc luup ki bëëtö kar ni teek, ni kuurru bëëtö kar ni teek ki män røk ki raay, ni kuurru män røk ki raay ki bëët jöör Jwøk,

Mana Nyooth 1:9

Aana cöögu ma Jøøn na dwätö ki uuni ki nyeŋ Jecu ki ri jwør gïï mo leth, ki ri bura, ki ri mak cwïny ni teek. Aani, aana kïth ya acuulla cwøl ni Patma kiper mana køba luum Jwøk ki gïr luum adïëri mana caan Jecu.

Mana Nyooth 3:10

'Ba kiper mana gwøgï luumma na bëëdï ni cwïnyï iï maa, ïïno gwøa kanyo ö gïïa lethi no öge bäät piny bäre kuna päänyge jøøi ni bëëdö bäät piny en.