Mana Nyooth 2:22 - Wëël Jwøk

²² 'Ba ennø, eno wëëga täw bäät pëëm. 'Ba ni näk jøøa näk kääpe ki eni na aciel cwïnyge ba løkge ni kwierge gïï wø tïïc nyaanøgø, ge mooa mooø ki gïï mo leth døc.

Mana Nyooth 2:22 Iomraidhean Croise

Jeremaya 36:3

Kiper kanymør ni jø Juuda gïna leth na caara kiperge ni 'käla bäätge wïnyge wïnynyö, ni ö ŋati man nø dïge ni luu ree ni wec jöör bëëtö mare na raac; køøre nø, gïïa bacge ki raay moge wëënna wëënnö.»

Edhikiel 23:29

'Ba geno tïïö dëërï ki gïn mo raac ni marge männö ki ïïni, ni kälge jammi moï bëët na öölï kiperge, ni putge ïïni wec niï bëëdö ka dëërï ni bäŋ abïï; ni ö dëërï man wø käbï ki gø ni dööŋe wøk, ni tïm käpi marï man wø gathï dëërï ki gø ni ŋäc.

Edhikiel 33:11

Caanï jïge, ni Kwäärö Wuuö Jwøk aköö, ni ‹Kaawat man bëëda naa kwøw en, a na Kwäärö Wuuö Jwøk, cwïnya ba mïnni ki thøø mar ŋat raay, 'ba mana beer, beeye ki man løk cwïnye yïth raay moe ni kwøe. Løgu cwïnynyu! Løgu cwïnynyu ki yïth uutjïëthe mou na reyø! ?Aŋø ni manynyu thøø en, u na jø Icriel?›

Jepaniya 3:7

Kanyøgø aana cädö ni jø Jerucalem doo løny ki man lwäcge ki aani, ni wïnyge pwöc 'moa. Køøre ŋöömö marge daa wiiø ni ba raanynya këët, ni ö ajäla mara bäre mana näk yaa cïp piny kipere ni ba kïtha gø bääte këët. 'Ba geni, ge poot pänynya maal kuna tïïcge japa reyø ki yïth tïïe moge bëët.»

Luk 13:3

Jïre bäär. 'Ba a cäänna uuni, ni näk mo cwïnynyu ba løgu, u ränynyö bëët na enøgønø.

Luk 13:5

Jïre bäär. 'Ba a cäänna uuni, ni näk mo cwïnynyu ba løgu, u ränynyö bëët na enøgønø.»

2 Körin 12:21

A lwäär kiper kanyo cäŋa duu baŋu, Jwøk mara waŋa odøøc mo law nyïmmu, ni kïmma ki gïr jøø ni thööth no obääyö yøø, ni ge poot bëëdö ni cwïnyge ba løkge ki man wecge rääö, ki käp, ki jap laac wïc na tïïcge.

Mana Nyooth 17:2

dhaaŋŋa ö nyec pinynyi na käpge ki gø, dhaaŋŋa ö jø bëëdö bäät piny ni meerge ki køøŋ käp mare.»

Mana Nyooth 18:3

Kiper mïëri bëët amädhö ki køøŋø mar käp mare, ni ö nyec pinynyi ni käpge ki gø, ni ö jø wø dääbö ki japge piny ni kwärge ki køør käp mare na raac døc.»

Mana Nyooth 18:9

'Ba nyec piny na käbö ki gø ni tuukge ki gø, geno jwöŋi ni gööge ko oduuru kipere, kanyo neenge jïye noo waaŋe.

Mana Nyooth 2:5

Caar wïïï ki gïna døøï cään ki gø. Løk cwïnyï, ni tïïyï tïïe moa wara tïïyï dïkwøŋ. 'Ba ni näk ba tïïyï, ni ba løgï cwïnyï, a ööa baŋï, ni lwøra lamba marï kare, ni daaa gø.