Mana Nyooth 2:17 - Wëël Jwøk

¹⁷ «'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam meena mana näk okanø, ni mooa gø ki kïdi mo tar, mo nyeŋ mo nyään ogöör bääte mo bäŋ ŋat mo ŋäc gø, 'ba beeye ŋato cï jïre keere noo ŋäc gø.»

Mana Nyooth 2:17 Iomraidhean Croise

Bwøth Wøk 16:33

Kanyøgø Modhe aköö jï Aran, ni «Lwötï ki dak ni kïthï yie ki meena mo røm ka rumi mana cwøl ni omer, ni cïbï dak manøgø nyïm Wuuö Jwøk, nee bëëde no okanø këël yïth beenhnhe mou bëët.»

Pwöc Leec Wïc 14:10

Cwïny ŋati man nø wø ŋäya kïmmö mare keere, ni mïn ec mar dhaanhø ba joot dhaanhe mørri bäre.

Pwöc Leec Wïc 3:32

Kiper Wuuö Jwøk yie raac ki ŋat wø wel luup, 'ba jøøa marge thïïŋ beege ni wø ŋäädhe.

Aydheea 56:4

Kiper man beeye luumma caan Wuuö Jwøki, ena köö, ni «Jøøa no odïnö mo wø gwøk cäŋ jwömö, ni wø jier jap wø met yia ki ge, ni wø laar göök ri luumma tuuda ki jiy,

Aydheea 56:5

a cïpö jïge ki nyeŋ ajiem yi øtø mara ki yi kiir mara, na nyeŋ mo wïc di paayø ki gø; ni beeye nyeŋ mo kaala obwöc cwøw ko obwöc mään moa dige nywølø. Aani, nyeŋ man wø bëëdö na bäre bäre ni ba ränynyi, cïba cïbö jïge.

Aydheea 62:2

Wui Jerucalem, bëënynyö marï ojoot wïth juurre, ni ö ajiemmi marï ni jooti ya nyeye bëët; ïïno cwøl ki nyeŋ mo nyään, ni beeye nyeŋ mano cur dhi Wuuö Jwøk.

Aydheea 65:13

Kiper manøgønø, mana caan Kwäärö Wuuö Jwøk bee en, ena köö, ni «Ka adïëri møn, jiya geno bëëdö ni ge cämö, 'ba uuni, uuno bëëdö ki käc; jiya geno bëëdö ni ge mädhö, 'ba uuni, uuno bëëdö ki riew; jiya geno bëëdö ki met ec, 'ba uuni, uuno bëëdö ki lään wïc.

Aydheea 65:15

Nyeŋŋu odööŋ na gïr acïëni yïthakic jiya na näk yaa jierø, ni ööa, a na Kwäärö Wuuö Jwøk, ni wëëga u thøø; 'ba aani, a cïpö ki nyeŋ mo nyään jï jiya.

Mathiew 13:11

Ni dwøk gø jïge, ni «Beeye uuni na wëëk ŋäc tiet luup moa näk tietge okwøŋ kan kiper buya käl maal. 'Ba jø møga, tier gïnögø kär cïbö jïge nee ŋäcge.

Maak 7:16

Nee da ŋat mo jïre da ïdhi mo wïnye ki ge, beerra man cek ïthe.»]

Jøøn 4:32

'Ba ena köö jïge, ni «Aani jïra da cam mo cama camø mo kuyu.»

1 Körin 2:14

'Ba ki jï ŋat mo cwïnye ba en køør Jwøk, muuce mo Jwïëc Jwøk ba jïëe, kiper nëëni keda jap bøøl jïre, ni ba maar lønyø jïre ki man kwany geni, kiper wø joot ka cwïny mo ena køør Jwøk.

Köløcia 3:3

Kiper uuna thøw, ni kwøw maru okanø ki Krictø na aciel baŋ Jwøk.

Mana Nyooth 14:3

Ni ge wär ki duut mo nyään nyïm wälu, ki nyïm gïïa näk aŋween na kwøw, ki nyïm jaae. 'Ba bäŋ dhaanhø mo maar duudace kwany, 'ba beege jøøa wïïl wøk piny na näk kume ma dïpa ki pïëraŋween kurŋween, na kwany gø.

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»

Mana Nyooth 2:11

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, ba doo gwaar thøøe mano en cään.»

Mana Nyooth 2:7

«'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk. 'Ba ŋato böödö, owëëga cam jaath kwøw, ni en yi pwötha beer mar Jwøk.»

Mana Nyooth 3:22

'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk.»

Mana Nyooth 3:6

'Ba ŋat mo jïre da ïth, beerra man wïny gïn ni caan Jwïëc Jwøki en jï acook Jwøk.