Mana Nyooth 2:14 - Wëël Jwøk

¹⁴ «'Ba jïra da luup møøk mo ï yaa jäälö ki ge. Kiper jïrï da jø møøk kaagø mo ojïëy ki pwöc Beelam, ŋata pwöny Beelak ki jöö man wëëk wäät Icriel cwany tietge ki gø, nee ge cämge ki caammi mo wø 'näk jï juu, ni bëëtge ki bëët käp.

Mana Nyooth 2:14 Iomraidhean Croise

Aydheea 57:14

'Ba Wuuö Jwøk oköö, ni «Thørru jöö, thørru, ni jiiŋŋu gø, daagu jammi bëët mo wø cwany tiel øtjöör jiya.»

Jeremaya 6:21

Kiper manøgønø, luumma caan Wuuö Jwøki beeye en, ena köö, ni «Ennø, nyïm jøøi ii okïtha ki gïï mo cwanynya tietge, ni ö wëëe ko obwöre, ki jø atut ki nyïïawäädi, ni cwanyge tietge dëët gïïögø, ni putge ränynyö.»

Edhikiel 3:20

«'Ba maya thuwø, ni näk ŋat mo bëëte tiir, bëëtö mare na tiir wiie wiiø ni tïïe ki raay, ni cïpa nyïme ki gïn mo cwaanya tiere, eni thøw. Eni thøw yïth raay moe, ki køør mana kärï gø köömmö, ni ö japa beyø na tïïe ni ba par wïc ki geni; 'ba aani, remø mare pëënynya pëënynyö ki ïïni.

Edhikiel 44:12

'Ba kiper mana tïnyge jiy ni ge ena nyïm kït gïï wø lamge, ni wëëkge jø Icriel päth yïth raay, ennø, aana kööŋ na adïëri ki man jääla geni ki køør japa reyø na tïïcge. Luummögø caana aani, a na Kwäärö Wuuö Jwøk.

Kwään Jiy 24:14

'Ba ennø, a døøa baŋ jø powa. Ööï, nee gïno tïïc jøøi dëët jiy moï ki yïth nïne moo ööi caana jïrï.»

Kwään Jiy 31:16

Neennu, moi beege mään moa caath køør pwöc Beelam, na wëëk jø Icriel bääyö dëër Wuuö Jwøk, ki køør luubö mana tägö Pëëgör, kanya put ajäl thøø mar Wuuö Jwøk ö bäät jiye.

Kwään Jiy 31:8

'Ba nyeye mo Midien moa näk abïïc anäkge ki jøøgø na aciel, ni nyeŋ nyeye moøgø beege Ëwi, ki Rekem, ki Cuur, ki Ur, ki Riba; ni 'näkge Beelam o Beeyör thuwø ko opëëllö.

Mathiew 18:7

«Otïmö ni raac jï jø piny kiper gïï wø wëëk dhaanhø bääyö. Kiper gïï wø wëëk dhaanhø bääyö tägö møn, 'ba otïmö ni raac jï ŋato öge ki køøre.

Moa Tïïc Nyïïatwieli 15:29

ki man bëëdu ni karu bäyö ki gïï mo onää jï juu, ki cam remø, ki gïn mo odeeø, ki käp. Ni näk dëëtu you gwøø ki gïïögø, maru doo beer. Turu nø.»

Moa Tïïc Nyïïatwieli 21:25

'Ba mar juurre moa näk ojïëy, waana nø jääk baŋge ki wëëlö kiper dwøna ŋølwa piny, ni ge doo bëëdö ni karge bäyö ki gïï mo onää jï juu, ki cam remø, ki gïn mo odeeø, ki käp.»

Wëëlö Mana Göör Pøølli Baŋ Jø Röm 11:9

'Ba Deebit aköö thuwø, ni «Kar cam marge wär tïme na abïëp ka akupa, ki buur mo ge pätha yie, ni coolla kwöri dëëtge.

Wëëlö Mana Göör Pøølli Baŋ Jø Röm 14:13

Kiper manøgønø, kär dëëtø jällø këët, 'ba beerra man caarø wïthø ni ba kïthø jöör cöögø ki gïn mo cwanynya tiel wala dïdëët.

Wëëlö Mana Göör Pøølli Baŋ Jø Röm 14:21

Wøp døc, ni ba cämï ki rïŋö wala maath køøŋ nyïïomøki, wala tïïc gïn mør jaak mo wëëga cöögu cwaany tiere.

Wëëlö Mana Göör Pøølli Baŋ Jø Röm 9:32

?A per ŋø nø? Beeye kiper na kärge køøre løpø ki køør ŋäädhe, 'ba atïïcge keda gïn mo ogöök ri tïïe. Ni cwanyge tietge ri kïn wø cwany tiel,

1 Körin 1:23

'Ba waani, wa wø køpa gø ni Krictø anäk bäät jaadha no odëëdö, ni wø ö jø Juuthi ni wø cwanyge tietge ki gø, ni näk luum bøøl ki jï juurre.

1 Körin 7:2

'Ba kiper läm cwïny ki man ci dhaanhe baŋ käp, ŋati man nø beerra man jïte ki cïïe, ni ö dhaaŋŋi nø ni jïte ki cwøre.

Ibaru 13:4

Beerra man tïm nywömmi na gïn mo owøørø jï jiy bëët, ni ba wëëk kar joot dëël mar nywöm ränynyö. Kiper kääpe ki jø lugi, marge oŋøl Jwøki wøk.

Jøcua 24:9

Køøre Balak o Cëëpör, nyeny Möap, ree athïïŋe nee këëde ki uuni, ni jääk baŋ Beelam o Beeyör nee ööe nou tïïe ka ajwøa.

1 Piter 2:8

na «Kïdi mano cwany tiet jiy, na kïnno wëëk ge päänhnhö.» Ni tietge cwanyge kaper na dhalge luubö, kaawat mana kwøŋ geni mëëŋ gø.

2 Piter 2:15

Jöö mana thïïŋ akwierge ni tïmge ni ge wïïrö, ni ge caatha jöör Beelam o Beeyör, ŋata yie met ki joot jammi ki køør tïïc raay.

Juut 1:11

Otïmö ni raac jïge. Kiper ge caatha jöör Keen, ni cïpge dëëtge cer bääyö mar Beelam kiper nee ge jïtge ki jammi, ni thøwge ra ageem Köra.

Mana Nyooth 2:20

«'Ba gïna jääla ïïni ki gø, beeye kiper mana wëëgï nyaanøgø na Jedhebal bëëtö dïïu, nyaanø ni dëëre ee døøc nyikuŋ Jwøk enø, ni pöö ni maaŋŋa wïth laaŋe 'moa nee bëëtge ki bëët käp, ni cämge ki caammi mo wø 'näk jï juu.

Mana Nyooth 2:4

«'Ba gïna jääla ïïni ki gø en beeye kiper mana weyï mëëyï mana dïkwøŋ.

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»

Mana Nyooth 22:15

'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.