Mana Nyooth 2:13 - Wëël Jwøk

¹³ «Aani, kany bëëdï yie enø ŋääa, ni beeye kany wø bëët wäl Ceethanni yie. 'Ba nyeŋŋa iï jïëö møn, ni ŋäädhe marï mana ŋääthï aani ki gø kärï mooŋø, këël yïth nïr lïŋi mara ma Antipa ŋata näk yaa ŋäädhö, na 'näk dïïu, kanyø ni bëët Ceethanni yie enø.

Mana Nyooth 2:13 Iomraidhean Croise

Mathiew 10:23

'Ba kany wäro caange uuni yi paac aciel, wär reŋŋu yi paac mør. Kiper adïëri møn, a cäänna uuni ni mïëc Icriel bëët ba dou thöörö ki caath, ni Wär Dhaanhø poot kär öö.

Mathiew 24:9

«Kanyøca uuno kïthge dhøk gïï mo leth, ni nääŋge uuni. Ni ö wïth juurre bëët ni mänge ki uuni kiper nyeŋŋa.

Mathiew 4:10

'Ba Jecu aköö jïre, ni «Daak riï, Ceethan, kiper ogöörö, «ni ‹Ï doo wøøra Wuuö Jwøk na näk Jwøï, ni beeye eni keere na diï tïnynyö.› »

Luk 21:17

Ni ö jiyi bëët ni mänge ki uuni kiper nyeŋŋa.

Moa Tïïc Nyïïatwieli 22:20

Ni këël kanya ö rem lïŋi marï ma Ectipen na kønynyi piny, a cuŋŋö kaace thuwø, ni aano jïëy ki mana tïïcge, naa koora abïïk jøøa 'näk gø.›

Moa Tïïc Nyïïatwieli 9:14

Ni eni jïre da teek kany, mo owëëk kwääc laammi eni, man twöc jiy mo wø cøør nyeŋŋï.»

1 Thecalönika 5:21

'Ba jammi bëët wär päänynyu, ni magu gïno beer.

1 Timöthi 5:8

'Ba ni näk da dhaanhø mo tuuŋge ba caame, ni letha per jø paare røk, ŋatøgø nyootha gø ni eno kweer ki lam man, ni kadha rääye døc ki ŋat mo kär jïëy.

2 Timöthi 1:13

Caath køør luum pwöc mana näk adïëri na wïnynyï baŋa, niï caatha køør ŋäädhe ki mëër na en ri Krictø Jecu.

2 Timöthi 2:12

Wala ni näk cwïnynyø yøø maa, øøno røøny thuwø ki eni na aciel. 'Ba ni näk eni mooŋø mooŋø, ø mooŋe mooŋø thuwø.

Ibaru 10:23

Beerra man putø ŋäädhe marø mar yi nyïm mana jïëø ki gøøni maa cwïnynyø ni ø ba dääŋi. Kiper wää buuki dwøre ba dak.

Ibaru 3:6

'Ba Krictø Øt Jwøk agwøe ni ena wäädö. 'Ba beeye øøni na øde, ni näk mo ø puta bëëtö ni cwïnynyø yøø maa ki mana jïëø ki gø, ni ø jeemma ŋäädhe marø.

Jeemeth 2:7

?Aŋø, patha geni ni wø jany nyeŋŋa mïërö ki wøør, na caa u ree?

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 11:3

'Ba aani lïŋŋe 'moa moa na ariiø owëëga teek man køpge dwør Jwøk ki yïth nïne ma kuma aciel ki dïpe ariiø ki pïërabïciel, ni ge käära keece na abïïe.»

Mana Nyooth 12:11

'Ba ena böötge ki køør rem Nyidiel ki luum Jwøk na køpge, ni per jwïëcge ba leth jïge, këël doo cööpa ri thøø.

Mana Nyooth 13:2

'Ba Läänögø na jooda enø caala kwac, ni ö tiete ni caal tiet cwieny mør mo dwøŋ mo lweete beth døc, ni ö dhee ni caal dhi ŋuu. 'Ba thwöl teek mare ki wälu mare ee wëëk Läänögø, ki cuum mo dwøŋ døc.

Mana Nyooth 14:12

Manøgø nø, manynya jïëny gïï mo leth mar jø Jwøk, jø wø gwøk gïïa cem Jwøki, ni ŋäädhe marge na en ri Jecu ege maa ni teek.

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 17:6

Ni jooda dhaaŋŋøgø no omeer ki rem jø Jwøk ki rem lïŋŋe mo Jecu. 'Ba na neena gø, yia athäŋŋö døc.

Mana Nyooth 2:2

«Aani, tïïe moï ŋääa, ki öölö marï, ni cwïnyï iï maa, niï ba maar jïëy ki jø raay. 'Ba jøøa døøc dëëtge nyïïatwieli ni ge patha nyïïatwieli, gena päänynyï, ni jootï geni ni marge tööt.

Mana Nyooth 3:11

«Aani, a laara ö. Put gïna nut jïrï mak ni teek, kiper nee bäŋe ŋat mo mak aduda marï.

Mana Nyooth 3:3

Caar wïïï nø, ki gïna wëëk ïïni na wïnynyï. Gwøgï, ni løgï cwïnyï. 'Ba ni näk ï ba päy, a öö kaawat man wø ö kuuwi, ni kuyï caanno ööa baŋï yie.