Mana Nyooth 2:10 - Wëël Jwøk

¹⁰ Kär niï lwäyö ki gïn ni kare cään en noo jwørï. Kiper jø møøk røk jiy moï, oleeŋ anägö øt twöc kany mo cään en, niï päänynyi. 'Ba nïne apaar obeetï niï jwøra gïï mo leth. 'Ba wärï bëëdï ni cwïnyï iï maa këël doo cööpa ri thøø, køøre ïïno mooa ka adun kwøw.

Mana Nyooth 2:10 Iomraidhean Croise

Wëël Kïmmö 3:57

'Ba kanya cwøla ïïni, ïïna nyänh kany mo cään, ni kööï, ni «Kärï lwäyö!»

Daniel 1:12

ni «Ïïni, wa ni en cerï ii, pääny wa ki nïne apaar, ki man mooyï wa ko omarø nee camwa ki pïï mo maathwa.

Daniel 1:14

Kanyøgø ena put jïëy ki marge, ni pääny geni ki nïne apaar.

Abakuk 2:3

Kiper gïno nyooth poot koora kanya wäŋŋi kipere. 'Ba eni laara cwöp øde ni ba kääŋi. Këël doo nëënö no oruu, koor eni, kiper ka adïëri møn, eni öö, ni eni ba ruu.

Mathiew 10:22

Ni ö jiyi bëët ni mänge ki uuni kiper nyeŋŋa. 'Ba ŋato jïëny gïïögø këël aŋuunne, opiem.

Mathiew 10:28

Ni käru nou lwäyö ki jø wø 'näk dëël ni ba løny jïge ki man 'näkge jwïëy. 'Ba beerra man lwäärru ŋat wø løny jïre ki man raany jwïëy ki dëël karge riet yi maac kar ajäla.

Mathiew 24:13

'Ba ŋato jïëny gïïögø këël aŋuunne, opiem.

Maak 13:13

Ni ö jiyi bëët ni mänge ki uuni kiper nyeŋŋa. 'Ba ŋato jïëny gïïögø këël aŋuunne, opiem.

Maak 8:35

Kiper ŋato wäro many man gwøk jwïëye, nyääga gø. Ni ŋato wäro nyääk jwïëye kiper nyeŋŋa ki luumma nyään na met, gwøga gø.

Luk 21:12

'Ba kanyo poot gïïögø bëët, uuno maaŋge, ni caange uuni, ni cïpge uuni ceŋ jø uut acook lam ki uut twöc. 'Ba uuno kïthge nyïm nyeye ki nyïm kwääri kiper nyeŋŋa.

Jøøn 12:25

Ŋat wø mëër ki jwïëye, wø nyääga gø. 'Ba ŋat wø män ki jwïëye yi pinyi en, gwøga gø kiper kwøw mana näk adïëri mo bäŋ cuŋŋe.

Jøøn 13:2

'Ba kanya pootge ni ge ena kar cam, na anägö gïn mør ee nø kïth cwïny Juudac Ickarïët na näk o Cayman nee Jecu cïbe ceŋ nyïïmänne,

Jøøn 13:27

'Ba køør møgøgø, Ceethan aput døny cwïnye. Ni kö Jecu jïre, «Gïno tïïyï, laar tïïc nø.»

Moa Tïïc Nyïïatwieli 20:24

'Ba jwïëya patha yaa caarø ni gïn mo pere leth jïra, mo daa gwøø. 'Ba mana manynya keere beeye ki man thööra tïïc mara, ki tïïc mana wëëk Kwäärö ma Jecu aani ki man køba gïr luumma nyään na met mar met yi Jwøk.

Moa Tïïc Nyïïatwieli 21:13

'Ba Pøøl ajutö, ni kööe, na «?Agïnaŋø ni tïïyu enøgø, nou jwöŋö nou thääŋa cwïnya? Kiper yaa nø caar ni paa tööc keere, 'ba këël a doo thøw thuwø yi Jerucalem kiper nyeŋ Kwäärö ma Jecu, yia doo met.»

1 Körin 9:25

Kiper jø wø tuuk bëët, dëëtge ege mänö ki yïth jammi bëët. Ni gïnögø tïïcge ni ge jïtö ka adun ajiem mo wø laar ränynyö, 'ba øøni, ø tïïö kaper nøø jïtö ki gïn mo ba maar ränynyö.

Epeca 2:2

japa kwøŋu køørge caath na jïëyu ki luum pinyi en, na caathu køør kwääy juuga reyø ni wø jïge da teek yi jamø, ni beeye jwøøgø ni poot tïïö cwïny jø adhala enø.

Epeca 6:12

Kiper leny marø ba këëlø ka jiy, 'ba ø këëdi ka gïïa jïge da teek maalø, ki moa jïge da teek piny, ki kwääc muudhö ni en pinyi en, ni ø këëdi ka juu na reyø ni en maalø na thööth døc.

Jeemeth 1:12

Meta yi ŋat wø jïëny päänynyö, kiper kany wø bööt päänynyö, eno jïti ka adun kwøw mana näk obuuk Jwøki jï jø wø mëër ki eni.

1 Piter 5:4

'Ba kanyo nyooth Kwääy dïkwääye, uuno jïti ka adun ajiem man wø ba jøøl.

1 Piter 5:8

Koorru dëëtu, ni bëëdu ni nyeŋŋu you jabø. Kiper nyimän maru na näk anägö wïïrö ni caala ŋuu mo jwöŋö, ni eni caya ŋat mo løønye.

Mana Nyooth 13:14

Ni eni wø cøøga jø wø bëëdö bäät piny ki køør ŋïïce na näk owëëk eni nee tïïe buut Läänögø. Ni kööm geni ni cwääge ki kït Lääna näk dëëre da ŋwel opëëllö, na kwøw.

Mana Nyooth 13:2

'Ba Läänögø na jooda enø caala kwac, ni ö tiete ni caal tiet cwieny mør mo dwøŋ mo lweete beth døc, ni ö dhee ni caal dhi ŋuu. 'Ba thwöl teek mare ki wälu mare ee wëëk Läänögø, ki cuum mo dwøŋ døc.

Mana Nyooth 13:7

Ni eno wiiø ki man këëde ki jø Jwøk thuwø nee jø Jwøk bööte. Ni eno mooø ki teek bäät wïth tuŋi bëët, ki wïth juurre bëët, ki bäät teeŋ dhøgi bëët, ki tiet mïëri bëët.

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 2:13

«Aani, kany bëëdï yie enø ŋääa, ni beeye kany wø bëët wäl Ceethanni yie. 'Ba nyeŋŋa iï jïëö møn, ni ŋäädhe marï mana ŋääthï aani ki gø kärï mooŋø, këël yïth nïr lïŋi mara ma Antipa ŋata näk yaa ŋäädhö, na 'näk dïïu, kanyø ni bëët Ceethanni yie enø.

Mana Nyooth 2:9

«Aani, gïïö ni leth ni jwørï yøø ŋääa, ki cannï, 'ba ïïno kwär. Ni ŋääa gïïö ni reyø ni wø cari dëërï, ni beege jø wø köö ni gena jø Juuth, ni ge path. 'Ba gena øt acooŋa mar Ceethan.