Mana Nyooth 19:7 - Wëël Jwøk

⁷ Yïthø mïnge ni kanynyø ni jiemø eni, kiper nywöm mar Nyidiel apïï, ni dhaagø thiinh mare dëëre ee nø jiiŋŋø.

Mana Nyooth 19:7 Iomraidhean Croise

Pwöc Leec Wïc 29:2

Kany wø thöönh jøøa marge beer ni jïge da teek, jiy yïthge wø mïnnö, 'ba kanyo en teeki cer ŋata raac, jiy wø cooyø.

Obeec Dudi 3:11

Wui! u na nyïïakuk Jerucalem, ööu wøk, ni neennu nyeya ma Cølöman ni wïïe okïthö ka aduda en, ni beeye adun nywöm mana kïth menni wïïe dïcäŋa nyöömme, ni beeye dïcäŋa näk cäŋ met ec mare.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 62:5

Kaawat man wø ö dïcwøø wø nywøm nyakøø, ï na Jerucalem thuwø wäätï omëëyi ki ïïni; kaawat man wø ö dïcwøø wø mïn yie kany wø tïŋ cïïe na dhaagø thiinh, Jwøk marï thuwø yie mïnnö ki ïïni.

Aydheea 66:10

Bëëdu ni yïthu met ki Jerucalem nou kanynyø kipere, u bëët, u ni wø mëër ki gø; yïthu mïnge døc ki gø, u ni wø kïmmi kipere.

Aydheea 66:14

'Ba kanyo jootu gïnögø, cwïnynyu omïnni, ni tïm dëëtu ni pulli kaamar luum mo oløth. Ni ö teek bat Wuuö Jwøki ni puti ya jiye ŋäc; 'ba wëër mare onyoodhe jï nyïïmän moe.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Mathiew 1:20

'Ba kanya bëëde ni lääŋŋa gïnögø, nyïïatwiel maal mar Wuuö aö bääte ki yïth lääk, ni kööe, ni «Jocep nyikwaar Deebit, kärï lwäyö ki man lwørï cïïï ma Meeri, kiper gïnö ni en yie enøgø, cïpa Jwïëc Jwøki na en kur keere.

Mathiew 22:2

ni «Buya käl maal doo päärö ki nyeya mo da cam mo ee jiiŋŋø kiper nywöm mar wääde,

Luk 12:36

nou caala jiy mo koora kwääyge mo duuö ki kar nywöm, kiper nee øtø laarge jap jïgø, kanyo ööe noo dööŋe.

Jøøn 3:29

'Ba ŋat wø nyöömmi beeye na wää dhaagø thiinh. 'Ba lwöm wää nywömmi ni wø cuŋŋi ni wïnynya mare, yie wø mïnnö døc kany wø wïny dwør wää nywömmi. Ni beeye na mïn yia døøc kawaane.

2 Körin 11:2

Kiper gïru yaa keeø ki keec man wø näk mar Jwøk. Kiper u yaa miiø jï Krictø, nou cïba jïre keda dhaagø thiinh mo dëëre joota cwøre keere.

Epeca 5:23

Kiper dhaagø wø bëënna cwøre, kaawat man wø bëët Krictø ni ena wïc mar acooŋ Jwøk na näk beeye dëëre, ni bëëdö na Pïëmi mare.

Epeca 5:32

Gïnögø beeye gïn mo dwøŋ døc mo tiere okwøŋ kan, naa cäänö kaper Krictø ka acooŋ Jwøk.

Tiet Ciik 32:43

«'Ba u na wïth juurre, beerra man mïn yïthu ki jic Wuuö Jwøk bëët, kiper Wuuö Jwøk kwör jiye di coolø, ni cool kwöre dëët nyïïmän moe, ni wëën raay moa tïïc jiy yi ŋöömma cïbe jïge.»

Pilipay 3:3

Kiper øøni, øøna jøøa daŋ na adïëri, ni wø wøør Jwøk ki ri Jwïëy, ni ø töödö ka ri Krictø Jecu, ni ø ba ŋääth mo dëël na bäre bäre.

Mana Nyooth 11:13

Kanyøgø piny atïmö ni jäŋŋi døc yi caannøca. Ni ö paac thääŋ päänynyi ni pädhe. Ni ö jiyi ma kume abïriiø ni nääi ki dïjäŋ piny, ni ö moa dööŋŋi ni lwäcge døc, ni jiemge Jwø maalø.

Mana Nyooth 19:9

Ni ö nyïïatwiel maal manøgø ni kööe jïra, «Göör gïn: Gwïëth en jï jøøa cwøl baŋ cam nywöm mar Nyidiel.» Ni kööe jïra, ni «Moi beege luup Jwøk na näk adïëri.»

Mana Nyooth 21:2

Ni jooda paana en kur keere na näk Jerucalem mana nyään, ni öö ki maal baŋ Jwøk, no ojiiŋŋø keda dhaagø thiinh mo dëëre orunynyö ki coole kiper cwøre.

Mana Nyooth 21:9

Kanyøgø nyïïatwiel aciel røk nyïïatwiet maal moa näk abïriiø, jøøa käär kuuya näk abïriiø na päŋ ki jap räny piny moa näk abïriiø na näk aŋuudi ena öö ni luupe ki aani, ni kööe, ni «Ööï, nee dhaagø thiinh na näk cï Nyidiel nyutha ïïni.»

1 Camiel 2:1

Køøre Anna Wuuö Jwøk apwøe ni kööe, «Yia atïmö ni met ki køørï, ï na Wuuö Jwøk; ni ö teeki mara ni tïme ni cäätha maal ki køørï, ï na Wuuö Jwøk; aana jïtö ki teek ki man cääna ki nyïïmän 'moa, ni ö yia ni tïme ni met kiper køny marï.