Mana Nyooth 19:4 - Wëël Jwøk

⁴ Ni ö jaae moa näk pïërariiø kurŋween ki gïïa kwøw karge ŋweeni ni leeŋge røkge piny ni wøørge Jwøk, eni na en bäät wälu, ni köge, ni «Enøgønø. Alëluya!»

Mana Nyooth 19:4 Iomraidhean Croise

1 Luup Nyeye 16:36

Pwøc en jï Wuuö Jwøk, Jwø Icriel, ki mana täge cøøn, këël bäre bäre.» Køøre jiy bëët aköö, ni «Beeye kare!» ni pwøcge Wuuö Jwøk.

Neemiya 5:13

Aani thuwø, aleeŋŋa mara abäänya wøk dëëra ni teeŋa gø ni kööa, ni «Ŋato ba jïëc luubö man mana näk ocaanø, eno tëëŋ Jwøki wøk øde, ni tëëŋ jape wøk cere kaawat aleeŋŋa mara man na teeŋa en; eno tëëŋ wøk møn, ni dööŋe ni bäŋ gïn mo ena jïre.» 'Ba acooŋa bäre gïnögø aputge jøl, ni «Beeye kare.» Ni ö geni ni putge Wuuö Jwøk pwøc. Ni ö jiyi ni putge gïnögø tïïc ki køør luubö mana näk ocaanø.

Neemiya 8:6

Køøre Edhera Wuuö Jwøk, Jwøa dwøŋ, apwøe. Kanyøgø jiy bëët ceŋge aputge tïŋ maal ni jølge gø, ni «Beeye kare, beeye kare;» ni putge cøŋge këël piny, ni wøørge Wuuö Jwøk ni täärnyïmge ege këël piny.

Jeremaya 28:6

ni kööe, ni «Beerra man thur luummï kare. Beerra man ö Wuuö Jwøki ni tïïc gø, ni ö Wuuö Jwøki ni wëëk luup moi bëët thur karge, ni beege luup moa køpï ni jap Øt Wuuö Jwøk ki jiy bëët moa mak ki tøŋ na kïth Babiløn di duuö kany.

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Mathiew 6:13

Kär wa bwøth kany mo wa di päänynyö yie, 'ba piem wa cer ŋata raac.›

1 Körin 14:16

?Ni näk paa enøgønø, ni näk miï pwøya Jwøk ki jwïëyï, ŋat mo path okööe nidïï, ni «Enøgønø» ki køør met iï na dwøgï, ni gïïa carï kuue?

Mana Nyooth 15:7

Ni ö acielli dëët gïïa näk aŋween na kwøw ni mooc nyïïatwiet maal moøgø na abïriiø yøø ki kuure abïriiø ma warkey mo päŋ ki wëëc Jwøk, eni ni wø bëëdö ni kwøw këël na bäre bäre.

Mana Nyooth 19:1

Køør gïïögøøni dwøl mør mo päl awïnynya maalø mo keda dwør lwaak mo päl, ni ge köö, ni «Alëluya! Pïëm man piem jiy ki gø, ka ajiem, ki teek, beege mo Jwøk marø.

Mana Nyooth 19:3

Ni cäŋge köö, ni «Alëluya! Jïye bëëdö ni duuŋ këël na bäre bäre.»

Mana Nyooth 19:6

Kanyøgø dwøl mør awïnynya mo keda dwør lwaak mo päl, ni caala lwöc pïï mo thööth, ni caala dwør køth mo märö døc, ni köö, ni «Alëluya! Kiper Kwäärö Wuuö Jwøk, eni na Jwøk marø na en teeki jïre, beeye Nyeya man wø bëënni.

Mana Nyooth 5:14

Ni kö gïïa kwøw karge ŋweeni, ni «Enøgønø.» Ni ö jaae ni leeŋge rege piny ni wøørge Jwøk ki Nyidiel.