Mana Nyooth 19:18 - Wëël Jwøk

¹⁸ kiper nee rïŋ nyeye ki rïŋ kwääri, ki rïŋ jøøa kwörge døøŋŋø, ki rïŋ okwëënyi ki mo jøøa en bäätge, ki rïŋ jiy bëët, jøøa bëëdö ki wïthge ki laaŋe bëët, këël moa therø ki moa døøŋŋø, nee cammu.»

Mana Nyooth 19:18 Iomraidhean Croise

Jeremaya 16:4

Geni, ge thøw ki täwe mo leth døc, ni bäŋe jiy mo jwøk geni këël mo koony geni. Dëëtge tïmö kaamar wär mo oker piny. Geno 'näk käci, ni 'näk geni ri leny, ni tïm dëëtge na cam jï wec maal ki lääc paap.

Jeremaya 19:7

« ‹Aani, acaare mo jø wø bëëdö Jerucalem ki dï Juuda bäre raanynya raanynyø yi paani, ni cïba geni dho opëëllö nyïm nyïïmän moge, jø wø many jwïëcge. Ni cïba rïŋ dëëtge na cam jï wec maal ki jï lääc paap.

Jeremaya 34:20

Aani, ge 'cïba ceŋ nyïïmän moge, jø wø many jwïëcge. Ni tïm rïŋ dëëtge na cam jï wec maal ki lääc paap.

Jeremaya 7:33

Ni tïm dëët jøw othøw na cam jï wec maal ki lääc paap, ni bäŋ ŋat mo riem geni.

Edhikiel 29:5

Ïïni ki rec näm moï bëët, uuno weta kany mo otal, ni päthu yi pwöla mo leer, ni bäŋ ŋat cooŋ uuni wala koonya uuni. Uuno tïïa na cam jï lääc paap ki wec maal bëët.

Edhikiel 39:17

«'Ba ï na wär dhaanhø en, man beeye luumma caan Kwäärö Wuuö Jwøki, ena köö, ni ‹Cwøl teeŋ weny bëët ki lääc paap bëët, ni kööï, ni «Cooŋŋu dëëtu ni ööu ki yïth kwörögø bëët, kiper 'näk mana tïïa kiperu bäät kïte mo Icriel, ni bee 'näk mo dwøŋ mo caala man wø 'näk lääy mo wø cïp no olämme. Uuno cämö ki rïŋö kaace, ni mädhu ki remø.

Mathiew 24:28

Kaawat man wø købi, ni kany wø näk da dëël mo othøw yie, cøre wø kuuta yie.

Luk 17:37

'Ba gena köö jïgø, «?A kaa, Kwäärö?» Ni kööe jïge, ni «Kany wø näk da dëël mo othøw yie, cøre wø kuuta yie.»

Tiet Ciik 28:26

Ni ö rïk dëëtu ni tïmge na cam jï wec maal ki jï lääc paap mo bäät piny. Ni tïme ni bäŋ dhaanhø mo riem geni bäätu.

Mana Nyooth 11:18

'Ba mïëri abëëdö ni wëëyö. 'Ba wëëyï apïï, ki kanya di luum jøøa näk othøw ŋølø, ki kanyo ŋat laagï yie ma nyïïkuk Jwøk ki jø Jwøk, ki jø wø lwäär ki nyeŋŋï, moa døøŋŋø ki moa therø, ni beeye kanyo raany jøøa raany piny.»

Mana Nyooth 13:16

Ni wëëk ceŋ cwïc jiy bëët mooc ki ŋïï wala täärnyïmge, ni beege moa therø ki moa døøŋŋø, ki moa näk okwär ki moa can, ki moa bëëdö ki wïthge ki laaŋe,

Mana Nyooth 17:16

'Ba tuŋi moa jootï karge paari ki Lääy, geno männi ki kääbi manøgø, ni tïïcge gø no oränynyö ni cäädhe ki dëëre, ni camge rïŋŋe, ni waaŋge gø ki maac.

Mana Nyooth 19:5

Ni ö dwølli mør ki bäät wälu mo köö, ni «Pwøyu Jwøk marø, u na laage bëët, u jø wø lwäär gø, ni beege moa therø ki moa døøŋŋø.»

Mana Nyooth 6:15

Kanyøgø nyec piny, ki jøøa kwörge døøŋŋø, ki kwääc jø leny, ki jøøa näk okwär, ki jøøa teek, ki jiy bëët, nee laŋŋø wala ŋat mo bëëdö ka wïïe, rege akange yïth buri ki dï ogeeme mo kïte,

1 Camiel 17:44

Ni cäŋ nyï Pilitinni manøgø köö jï Deebit, ni «Ö baŋa, nee rïŋ dëërï wëëga weny mo maal ki lääc paap.»

1 Camiel 17:46

'Ba dïcäŋi Wuuö Jwøk ï cïbe cera, ni nääa ïïni, ni ŋula wïïï wøk. 'Ba aani, dëët jø leny mo jø Pilitin moo 'näk dïcäŋi, wëëga wec maal ki lääc paap mo bäät piny, kiper nee ŋäc jø bäät pinynyi bëët ni Jwøk mana na adïëri nut dï jø Icriel;