Mana Nyooth 19:12 - Wëël Jwøk

¹² Ni nyeŋŋe caala maac mo liel, ni wïïe da adude mo thööth. Ni nyeŋŋe na näk ogöörö, bäŋ ŋat mo ŋäc gø, 'ba beeye eni keere.

Mana Nyooth 19:12 Iomraidhean Croise

Wïlöölö 32:29

Kanyøgø ena pëëny Jeekapi, ni kööe, na «A kwaya ïïni ki man caanï nyeŋŋï jïra.» 'Ba ena köö, na «?Aperŋø ni pëënynyï nyeŋŋa en?» Ni ö ŋatøgø ni gwïëth Jeekap kaace.

Bwøth Wøk 23:21

Gwøgu rou nyïme, ni leŋŋu dwøre. Käru kweer ki mare, kiper eni gïïo baayu ba wëënne, kiper gïno tïïe, otïïe ki nyeŋŋa.

Pwöc Leec Wïc 30:4

?Ŋata aa maal ni duu piny aŋa? ?Ŋata mak jamø ki cere aŋa? ?Ŋata bäc pï naama dwøŋ ka aleeŋŋa mare aŋa? ?Ŋata tïïc piny ni teek këël teegi moe aŋa? ?Nyeŋŋe aŋa? ?A nyeŋ wääde aŋa? Ni näk mo ŋäyï, caanï jïra.

Obeec Dudi 3:11

Wui! u na nyïïakuk Jerucalem, ööu wøk, ni neennu nyeya ma Cølöman ni wïïe okïthö ka aduda en, ni beeye adun nywöm mana kïth menni wïïe dïcäŋa nyöömme, ni beeye dïcäŋa näk cäŋ met ec mare.

Aydheea 62:3

Ïïno tïmö ni ïïna aduda mar ajiem cer Wuuö Jwøk, ni ïïna aduda mar nyec cere, eni na Jwøk marï.

Aydheea 9:6

Kiper nyilaal onywöli jïïø, nyilaal ma dïcwøø ocïp jïïø, ni tïm teeki ni ena cere, ni cwøli ni beeye ŋat wø rëëm ec ni wø bwøth jiy ka acaare mo beyø, ni beeye Jwøa teeka eni, ni beeye Wuuö mano bëëdö na bäre bäre, ni beeye Kwääc bëët-mëër.

Daniel 10:6

Eni dëëre bëëdö ni paŋŋi, ni täärnyïme nëëni kaamar agaackøth, ni nyeŋŋe caala ameethi mo liel, ni bäädi moe ko otweege, paŋŋi kaamar jwïël mo othoodhø, ni ni luube, dwøre caala dïlweel mar jiy mo thööth.

Dhekaraya 9:16

Wuuö Jwøk, Jwøk marge, geno pieme dïcäŋöca kaa man wø ö dïkwääyi wø piem dïëk moe cer gïn mo raac; kiper geno tïmö ni ge mïërö yi ŋöömö mar Wuuö Jwøk kaamar nyeŋ kïte moa perge leth ni wø en dëër aduda.

Mathiew 11:27

«Jammi bëët onø wëëk Wära aani; ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.

Mathiew 21:5

ni «Køpu jï jø Dhayan, ni ‹Neennu, nyenynyu ni ö baŋu. Eni mwöl, ni eni cäädhi ka bäät arëën, ni beeye nya arëën, nyi lään wø tïët jammi.› »

Mathiew 28:18

Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Luk 10:22

«Jammi bëët onø wëëk Wära aani, ni bäŋ ŋat mo ŋäc Wäädö, 'ba beeye Wuuö keere, ni bäŋe dhaanhø mo ŋäc Wuuö, 'ba beeye Wäädö keere, ki ŋat wø met yi Wäädö ki man nyooth eni jïgø.»

Jøøn 17:11

'Ba kawaane a ba en piny këët, 'ba bee geni ni en piny, ni aani, a ööa baŋï. Awuuö, ï na en kur keerï, gwøk geni ki køør nyeŋŋï na teek na näk iï cïbö jïra, nee tïmge na aciel, kaawat marø na nägø aciel.

Jøøn 17:12

Kanya pooda buutge, gena gwøa ki nyeŋŋï na näk iï cïbö jïra. Ni koora geni, ni bäŋe ya aciel dïge mo orwäänyö, 'ba beeye o ränynyö keere na rwäänyö, kiper nee moa en yi wëël Jwøk nee thur karge.

Epeca 1:21

Ni dwøŋŋa eni dï moa näk ocuumö bëët, ki teeŋ teek bëët ki rööny, ni lïëŋŋa nyeŋŋe dï nyeŋ moa näk ocaa bëët, ni patha yi piny man keere, 'ba këël yi piny mano ööi thuwø.

Ibaru 2:9

'Ba ø neeta Jecu, ŋata tïïc ni thiinhnha eni ki nyïïatwiet maal ki kany mo thiinh kiper nee thøø bele kiper jiy bëët, ki køør met yi Jwøk. 'Ba ennø, ø neeta eni no orøønyø ka ajiem ki wödö kiper thøwa leth na jwøre.

Mana Nyooth 1:14

Ni wïïe ki jïëye tar, keda jïëc røømmø mo tar. Ni taye caala piiø mo tar døc. Ni nyeŋŋe caala maac mo liel.

Mana Nyooth 12:3

Kanyøgø ŋïï mør acäŋ nëënne maal, na thwöl mo dwøŋ døc mo kwaar ni keda nyaaŋ, ni wïthe abïriiø ki tuŋi apaar, ni wïthe da adude abïriiø.

Mana Nyooth 13:1

Ni neena Lääy mør mo ööa maal ki dï naama dwøŋ, mo wïthe abïriiø, ni wïthe da tuŋi apaar, ni wïth tuge da adude apaar, ni nyeŋ mo raac døc mo janynya Jwøk ogöör wïthe.

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»

Mana Nyooth 3:12

'Ba ŋato böödö, eno tïïa na werø yi Øt Jwøk Mana Dwøŋ mar Jwøa. Ni ba ö wøk yi gø bäre bäre. 'Ba nyeŋ Jwøa ogööra dëëre, ki nyeŋ pääny Jwøa, ni beeye Jerucalem mana nyään noo ööi ki maal ki baŋ Jwøa, ni gööra nyeŋŋa mo nyään dëëre.

Mana Nyooth 6:2

Ni nëënna, ni jooda okweeny mo tar, mo bääte da ŋat mo cere da atum. Ni mooi ka aduda, ni cøøe ni ena ŋat dïïm nee nyïïmänne dïïme.

Pïëmme 13:18

'Ba Wuuö Jwøk na nyooth ree kaamar nyïïatwiel maal aköö jïgø, na «?Aŋø ni pëënynyï nyeŋŋa en? Kiper tiere ba maar joot.»