Mana Nyooth 19:11 - Wëël Jwøk

¹¹ Kanyøgø maal aneena ni ŋaam, ni neena okweeny mo tar. 'Ba ŋata en bääte cwøl ni Ŋat mo oŋäädhö ni näk Adïëri. Ni näk mare ŋøl luubö wala tïïya leny, moe beege adïëri.

Mana Nyooth 19:11 Iomraidhean Croise

Bwøth Wøk 15:3

«Wuuö Jwøk beeye ŋat leny; ni Wuuö Jwøk beeye nyeŋŋe.

Aydheea 32:1

Neennu, nyeya mo käära jiy ki jöör adïëri oööi, ni ö kwääri ni käärge paac ki jöör ŋøl luup ma kare.

Aydheea 45:21

Køpu maru, ni caannu gø, beerra man cäännu bääte na aciel. ?Aŋa na caan gïnögø ki mana täge ya acääŋŋe ki kany mo bäär? ?Aŋa na car gïnögø cøøn? ?Aŋø, paa aani, a na Wuuö Jwøk? Bäŋ Jwøk mør këët ni näk mo paa aani keera, ni bee a na Jwøk na näk mare adïëri, na näk pïëmi. Bäŋ Jwøk mør këët, 'ba bee a keera.

Jeremaya 33:15

« ‹Noo tïme na yïth nïröke yi kar kaace, ŋat mo mare beeye adïëri owëëga twöö na lwiidhø, na ŋat mo käla ri dhi øt Deebit, ni ö ŋatøgø ni bëëde ni luup ŋøle na karge ni tïïya adïëri yi paac.

Edhikiel 1:1

'Ba na tïme na cwiiri ma pïëradäk, ni dwää aŋween nïre abïïc, naa ena bäät naam Kebar yïthakic jø Juuth moa no omaa ki tøŋ, maal ree ajabe, ni ö Jwøki ni nyuunh aani ki ŋïï ki yi wïïa.

Dhekaraya 1:8

Aani, da gïn ma anyooth jïra ki wäär. Aana jïtö ki dhaanhø nyïma mo cäädhi ka bäät okweeny lääy mo kwaar. Ni ööe ni mäk piny ni cuŋŋe tiet jenni bäät waŋ, ni jiy møøk mo cäädhi ka bäät okwëënyi mo kwayø, ki mo obwörö, ki mo tar ena buute.

Jøøn 1:51

Ni cäŋ Jecu köö jïgø, na «Adïëri møn a cäänna uuni, uuni, maal oneennu ni ree ee jabø, ni nyïïatwiet maal mo Jwøk cøøa maal ni ööa piny bäät Wär Dhaanhø.»

Jøøn 14:6

Ni kö Jecu jïre, «Beeye aani na jöö, ni näga adïëri, ni näga kwøw. Ni bäŋ ŋat mo ö baŋ Wuuö ni näk eni ba ööi ka raa.

Mana Nyooth 1:5

ki baŋ Jecu Krictø, na näk lïŋi mana näk adïëri, ŋata kwøŋ duu wøk ki yi thøø, eni na wïth nyeye mo piny. Ajiem ki rööny en jïre këël na bäre bäre, ŋata mëër ki øøni, na pät øøni ki remme yïth raay moø,

Mana Nyooth 11:19

Kanyøgø Øt Jwøk Mana Dwøŋ maalø ajap, ni ö acanduki mar luumme na tuude ki jiy ni neeni yi Øt Jwøk Mana Dwøŋ. Ni tïm agaackøthi ni mal, ni piny dïmmi døc, ki køth mo märö, ki dïjäŋ piny, ki piiø mo päl.

Mana Nyooth 19:19

Ni jooda Lääy ki nyec piny ki jø leny moge ni dëëtge ege cooŋø, nee këëtge ki ŋata en bäät okweeny ki jø leny moe.

Mana Nyooth 19:21

Ni ö møga ni nägi ya opëël ŋata en bäät okweeny, opëëlla bëëdö ni ööa wøk ki dhee. Ni ö wenynyi bëët ni jäŋge døc ki rïŋge.

Mana Nyooth 3:14

«Ni göötï baŋ nyïïatwiel maal mar acooŋ Jwøk mana en Leeyödicia, ni kööï, ni «Moi beege luup ŋat wø cwøl ni Enøgønø, na näk lïŋi mana näk adïëri ni wø cäänö ka adïëri, ni beeye na ö Jwøki na cwääc jammi ki ree:

Mana Nyooth 3:7

«Ni göötï baŋ nyïïatwiel maal mar acooŋ Jwøk mana en yi Piladelpia, ni kööï, ni «Moi beege luup ŋata en kur keere, na näk adïëri, ni en muktään Deebit cere, ŋat wø jäbö, ni bäŋ ŋat mo dëët gø, ni wø cïëö ni bäŋ ŋat mo jap gø:

Mana Nyooth 4:1

'Ba køør gïïögø aana nëënnö, ni jooda dhøk mo ŋaam maal. 'Ba dwøl mana kwøŋa wïnynyö na cäänö ki aani ni caala dwør tuuŋ aköö, ni «Ö maal baŋa kany. 'Ba ïïno nyutha gïïo tägi køør moi ii.»

Mana Nyooth 6:2

Ni nëënna, ni jooda okweeny mo tar, mo bääte da ŋat mo cere da atum. Ni mooi ka aduda, ni cøøe ni ena ŋat dïïm nee nyïïmänne dïïme.