Mana Nyooth 18:6 - Wëël Jwøk

⁶ Cool kwör dëëre, keda mana kwøŋ tïïc ki dëëre. Ni coolï kwör dëëre kwöre ariiø na kar moa tïïe. Ni jääpï athöönhnha näk ee jääbö jïre ki kwöre ariiø.

Mana Nyooth 18:6 Iomraidhean Croise

Aydheea 40:2

Cäännu jø Jerucalem ni mëër you nyoodhø jïge; caannu jïge ni rwaayu rwaaø ki man näk mo bëët laŋ na teek na en bäätge othum, ni kwör raay moge onø cool, kiper a na Wuuö Jwøk gena nø jääla ka ajäla mo orømø ki raay moge bëët.»

Aydheea 61:7

Geno jïti ki kurge mo opöödhö ri jap kwärö na kar lään wïc marge, ni jïtge ki met ec bäät japøge na kar pänh cwïny marge; ge jïtö ki kurge mo opöödhö ri jap kwärö yi ŋöömö marge, ni ö met eci marge ni bëëde na bäre bäre.

Jeremaya 16:18

Aani, pïïn raay moa tïïcge ki gïïa bacge coola coolø dëëtge na kwöre ariiø, kiper ŋöömma araanyge, ni pääŋge gø ki juu moge na reyø døc na näk dëëtge bäŋ jwïëy, gïïa näk yia raac ki ge døc.»

Jeremaya 17:18

Beerra man lää wïth jø wø 'caan aani, 'ba beerra man ba lää wïïa; beerra man tïm dëëtge ni kwanynyi ki lwär, 'ba beerra man ba tïm dëëra ni kwanynyi. Beerra man kälï cäŋ gïï mo leth bäätge, ni raanynyï geni ka aranya mo raac døc.

Jeremaya 50:15

Uuno twäädu bääte kiper leny ni deŋŋe you wïrö bäre. Babiløn cere ocïbe, ni ö kwör koorri moe ni päthge, ni ö kiirri mare ni nyaai piny. Kiper manøgø beeye cuut kwör mar Wuuö Jwøk. Kwör wär coollu dëëre, ni tïïyu kaawat mana tïïe dëët jiy møøk.

Jeremaya 50:29

Wuuö Jwøk aköö, ni «Jø wø këëdi ka athëëre bëët wär cwøllu, nee öge ni ge thööth kuna tukge Babiløn. Twëëre mou wär tïïyu deŋ kiir mare bäre; kär dee ŋat mo päär wøk. Teeŋ gïna tïïe, coollu dëëre, ni tïïyu ka køør gïïa tïïe bëët; kiper dëëre atïïe ni dwøŋ bäät Wuuö Jwøk, Jwø Icriel na en kur keere.

Jeremaya 51:24

«'Ba a na Wuuö Jwøk, jø Babiløn, ni beege jø Kaldia, gïïa reyø na tïïcge dëëtu, u na jø Dhayan, 'dwøga dëëtge ni nëënö jïïu ki nyeŋŋu.

Jeremaya 51:49

«Ka adïëri møn, Babiløn na 'näk jø bäät piny, oränynyi thuwø kiper jø Icriel moa nääe.

Wëël Kïmmö 3:64

Wui Wuuö Jwøk, cool kwör dëëtge ki køør gïïa tïïcge.

Dhekaraya 9:12

Wui, u na jø twöc mo cwïnyge da ŋäädhe en, døøu kar gwøk røk mana teek; kiper a caana gø jïïu dïcäŋi ni jammi moa jwørru coola coolø jïïu ki gwïëth mo opöödhö.

2 Timöthi 4:14

'Ba Alekdhander na näk rëëmmö atïïö dëëra ki gïn mo leth døc. 'Ba moøgø ocool Wuue dëëre.

Mana Nyooth 13:10

Ni näk da ŋat mo dëëre da weny peec ri leny, eni put ka peec. 'Ba ni näk da ŋat mo dëëre da weny thøw opëëllö, eni di nääö ko opëëllö. Man nø, manynya jïëny gïï mo leth ki ŋäädhe mar jø Jwøk.

Mana Nyooth 14:10

ŋatøgø thuwø, omäthi ki køøŋ nyïïomøki mar wëëc Jwøk, mo okøny yaa athöönh wëër mare, ni bäŋ gïn mo ojääbö ki gø. 'Ba eno caari ki maac, ki maac mør mo jïye keec ni lïëth døc nyïm nyïïatwiet maal na en kur keerge, ki nyïm Nyidiel.

Mana Nyooth 16:19

Ni ö paana dwøŋŋi ni kaaŋŋe na thäŋi adäk, ni ö mïëc pinynyi ni päthge, ni ö Jwøki ni par wïïe ki gïr Babiløn na dwøŋ, nee wëëk mäthö ya athöödhi na päŋ ki wëëye na raac døc.

Mana Nyooth 17:2

dhaaŋŋa ö nyec pinynyi na käpge ki gø, dhaaŋŋa ö jø bëëdö bäät piny ni meerge ki køøŋ käp mare.»

Mana Nyooth 17:4

Ni dhaaŋŋøgø käära abïïe ma dïmuur ki mo kwaar, ni dëëre ee tïïö ni mïërö ki warkey, ki tii ma teeŋi, ni cere da athöödhi ma warkey mo päŋ ki gïï mo reyø døc ki rääc käp mare.

Mana Nyooth 18:20

'Ba ï na maal, yiï mïnne nø ki gïre, ki u na jø Jwøk, ki nyïïatwieli, ki nyïïkuk Jwøk, kiper kwöri mou acool Jwøki dëër paanøgø.