Mana Nyooth 18:20 - Wëël Jwøk

²⁰ 'Ba ï na maal, yiï mïnne nø ki gïre, ki u na jø Jwøk, ki nyïïatwieli, ki nyïïkuk Jwøk, kiper kwöri mou acool Jwøki dëër paanøgø.

Mana Nyooth 18:20 Iomraidhean Croise

Pwöc Leec Wïc 11:10

Kany wø bëët jøøa marge beer ni bëëtö marge cäädhö ni beer, jø pääny yïthge wø mïnnö, 'ba kany wø räny jøøa reyø, jiy wø kwöŋŋö ki met ec.

Aydheea 26:21

Kiper ka adïëri møn, Wuuö Jwøk öö ki maal kar bëëtö mare, ni ö piny kuna jääl jiy moa en bäät piny kiper raay moa tïïcge. Ni ö rem jiy moa no okøny piny no okanø ni nëëne, ni ba løny këët ki man ö ŋøømmi ni kan jiy moa no onääö.

Aydheea 44:23

Wui maal, kwöŋŋï ki met ec, kiper gïnögø tïïya Wuuö Jwøki! Wui, u na kwöra en piny kuya, beerra man kanynyu; wui, u na kïte, ki ï na lul ki jenni moa en yiï bëët, beerra man jøllu gø ni kwöŋŋu ki met ec; kiper Wuuö Jwøk, Jeekap anø wïïl wøk, ni nyooth ajiem mare dï Icriel.

Aydheea 49:13

Wui, maalø, kwöŋŋï ki met ec! Wui, ï na piny, yiï mïnne! Wui, u na kïte, jøllu kwöŋŋö mar met ec manøgø! Kiper Wuuö Jwøk cwïny jiye ocøme, ni päth cwïnye ki gïr jiye moa no ocaarø.

Jepaniya 3:15

Wuuö Jwøk ajäla marï mana dee ï jäälö ki gø akäl wøk bäätï, ni dwøk nyïïmän moï ŋäthge. Wuuö Jwøk, ni beeye nyeny Icriel, nut buutï; bäŋ gïn mo leth mo lwäärï këët.

Epeca 2:20

Ni uuna øtø mo ogeer bäät nyïïatwieli ki nyïïkuk Jwøk, ni ö Krictø Jecu ki dëëre ni näk kïn gøøt mana mak dëër ødøgø,

Epeca 3:5

gïna näk kär kwøŋ wëëk ŋäc jï jiy yïth beenhnhe moa cääŋŋe, keda mana nyoodhi ennø jï nyïïatwiete na en kur keerge ki nyïïkuk Jwøk ki køør Jwïëc Jwøk.

Epeca 4:11

'Ba muuce moe moa cïbe beeye ki man tïm jø møøki na nyïïatwieli, ni tïm jø møøki na nyïïkuk Jwøk, ni tïm jø møøki na jø wø køp luum Jwøk, ni tïm jø møøki na dïkwääc jiy ki dïpööye,

Tiet Ciik 32:42

Ni tïm dhøk tøøŋi 'moa ni thec ki remø; ni ö opëëllö mara ni thöör geni. Ni ö tøøk leny 'moa ni bïtge ki rem jiy moa näk okëërö ki tøøŋi, ki moa näk omaaø ri leny røk dïbwöthe mo nyïïmän.›

2 Piter 3:2

kiper nou bëëdu nou lääŋŋa luup moa køp nyïïkuk Jwøki na en kur keerge ni tägö, ki ciik Kwäärö ma Jecu na näk Pïëmi na wïnynyu baŋ nyïïatwietu.

Juut 1:17

'Ba u no omëëya, beerra man caarru wïthu ki luupa køp nyïïatwiet Kwääyø ma Jecu Krictø.

Mana Nyooth 12:12

Ï na maal, yiï mïnne nø, ki uuni ni bëëdö yie. 'Ba oraac jï piny ki näm, kiper anägö aö piny baŋu ki wëër mo päl, kiper ŋääe ni kare acäännö.»

Mana Nyooth 18:6

Cool kwör dëëre, keda mana kwøŋ tïïc ki dëëre. Ni coolï kwör dëëre kwöre ariiø na kar moa tïïe. Ni jääpï athöönhnha näk ee jääbö jïre ki kwöre ariiø.

Mana Nyooth 6:10

Ni köökge ki dwøl mo päl, ni «?Wui Kwäärö Jwøk na en teeki jïre, na en kur keere na näk adïëri, awäne noo ŋølï luubö noo coolï kwör remwa dëët jøø ni bëëdö bäät piny en?»

Pïëmme 5:31

«Wui Wuuö Jwøk, beerra man ö nyïïmännï ni thøwge bëët kaawat mana thøw Cicara ki jø leny moe; 'ba jøøa mëër ki ïïni, beerra man tïmge ni caala cäŋ kany wø tuule ki teek mare.» Køøre piny aput nikwöc ni bäŋ lenye ki cwiiri ma pïëraŋween.