Mana Nyooth 18:17 - Wëël Jwøk

¹⁷ Kwärö manøgø bäre aränynyö ki yi caa aciel.» Ni ö kwääc jïëthe mo näpa døøŋŋø bëët ki jø wø cäädhi ki jïëthe, ki dïkïïwe, ki jø gath mo wø cäädhi ki jïëth näm, ni cuŋge kany mo bäär,

Mana Nyooth 18:17 Iomraidhean Croise

Aydheea 23:14

Wui, jïëth naam mo jø Tarcëc, gööu ko oduuru, kiper päänya teek na ŋääthu araanynyi.

Aydheea 47:9

'Ba gïïögø na ariiø yøø puta tägö dëërï ni cwöba rïï ki dïcäŋ aciel keere. Obwöre moï thøw, ni dööŋï ni ïïna cï thøø. Gïïögø bëët tägö dëërï na kare kiree, këël na bëëdï ni jïrï da jap ajuuk mo thööth, ki teek mo dwøŋ man wø tïïyï ki køør thïëth marï.

Jeremaya 51:8

Ki nyi kany mo thiinh, Babiløn opädhi ni ränynye; uuni, uuno jwöŋu kipere! Ni kännu ki jaath kiper ŋwiili moe; kanymør ŋwiili moe caŋŋø.

Wëël Kïmmö 4:6

Kiper bääyö mar jø powa atïmö ni kadha eni ki bääyö mar jø Cødam, paana raanynyi na bäre bäre ki kany mo thiinh, ni bäŋ køny mo otïïö kipere.

Joona 1:6

'Ba kwääc baabuur aci baŋe ni pëëny gø, na «?Aŋø, ï butï kiperŋø? Ö maal ni cwølï Jwøï. Kanymør Jwøk cädö kiperø, kiper nøø ba thøø.»

Moa Tïïc Nyïïatwieli 27:11

'Ba kwääy lwaa dïkuye leŋa luup mo wø caan kwääy jääyi ki wää jääy, ni käre ïthe ciiø ki luup moa caan Pøølli.

Mana Nyooth 17:12

'Ba tuŋi karge paari moa jootï, beege nyeye apaar mo poot kär røønyø, 'ba ge di cuumö na nyeye ki yi caa aciel, ge ki Läänögø na aciel.

Mana Nyooth 17:16

'Ba tuŋi moa jootï karge paari ki Lääy, geno männi ki kääbi manøgø, ni tïïcge gø no oränynyö ni cäädhe ki dëëre, ni camge rïŋŋe, ni waaŋge gø ki maac.

Mana Nyooth 18:19

Ni jøøpge tør wïthge kanya jwöŋge, ni ge guyö døc, ni «Wui wui, paana dwøŋ aränynyö, paana ö jøøa jïge da jïëthe bëët yïth näpa døøŋŋø na kwärge ki køør kwär mare. Ena ränynyö ki yi caa aciel.»