Mana Nyooth 17:9 - Wëël Jwøk

⁹ Man nø, manynya acaara mar wïc mo leer. Wïdhi karge bïriedi gena thuuri abïriiø mo wø bëët dhaaŋŋøgø bäätge,

Mana Nyooth 17:9 Iomraidhean Croise

Daniel 12:4

'Ba ï na Daniel en, cïëk luup moa en yi wëëlö ni mwönï gø, këël kanyo tïme na aŋuun nïne. Jiy mo thööth oreŋ kun ki kun ni ge meeta kwänynyö.»

Odheea 14:9

Ni näk da ŋat mo wïïe leer, beerra man kwany tiet jammi moi; ni näk da ŋat mo tiet luup ŋääe, beerra man ŋäc ge, kiper jïëthe mo Wuuö Jwøk thïïŋ, ni jø wø marge beer wø cäädhö ki yïthge, 'ba jø wø tïïc raay ge pädhö yïthge.

Mathiew 13:11

Ni dwøk gø jïge, ni «Beeye uuni na wëëk ŋäc tiet luup moa näk tietge okwøŋ kan kiper buya käl maal. 'Ba jø møga, tier gïnögø kär cïbö jïge nee ŋäcge.

Mathiew 24:15

«'Ba gïna näk ec raac ki gø døc na näk gïr ränynyö ojootu ni cuŋŋa yi kanya en kur keere na näk mar Jwøk, ni beeye gïna køp nyikuŋ Jwøki ma Daniel.» Beerra man ö ŋato kwaan luubö man ni ŋäc tier gø.

Mana Nyooth 13:1

Ni neena Lääy mør mo ööa maal ki dï naama dwøŋ, mo wïthe abïriiø, ni wïthe da tuŋi apaar, ni wïth tuge da adude apaar, ni nyeŋ mo raac døc mo janynya Jwøk ogöör wïthe.

Mana Nyooth 13:18

'Ba gïn manynya acaara. Ŋato wïïe leer beerra man caar wïïe kiper tier kwäänö mar nyeŋ Läänögø, kiper beeye kwäänö ma mar dhaanhø. Ni kwäänö mar nyeŋŋe beeye dïpe abïciel ki pïërabïciel ka abïciel.

Mana Nyooth 17:18

'Ba dhaaŋŋøgø na jootï enø beeye paana dwøŋ na näk ocuumö wïth nyec piny.»

Mana Nyooth 17:3

Ni kïth aani paap ni Jwïëc Jwøk ena bääta, ni neena dhaagø mo opï piny bäät Lääy mo kwaar, mo dëëre ogöönnö ki nyeŋ mo thööth mo reyø døc mo janynya Jwøk, mo jïre da wïdhi abïriiø ki tuŋi apaar.

Mana Nyooth 17:7

'Ba nyïïatwiel maal manøgø aköö jïra, na «?Aŋø ni thäŋ yiï en? Gïr nyaanøgø na näk tiere okanø ocaana jïrï, ki gïr Läänögø ni wïthe abïriiø enø ki tuŋi apaar na näk nyaanøgø opï bääte.