Mana Nyooth 17:8 - Wëël Jwøk

⁸ Läänögø na jootï enø, nut dïkwøŋ cøøn, ni tøør ennø, ni eni ööa wøk ki yi buura näk bäye bäŋ cuŋŋe ni cøøa kar ränynyö. 'Ba jø wø bëëdö bäät piny na näk nyeŋge kär göörö yi wëël kwøw ki kanya täk pinynyi, yïthge othäŋŋi noo neenge Läänögø, kiper na nude dïkwøŋ cøøn, ni tøør ennø, 'ba eni poot öö.

Mana Nyooth 17:8 Iomraidhean Croise

Daniel 11:45

Ni cwöth oduŋkaare mo nyec moe piny yïthakic naama dwøŋ ki Kïn Jwøk na mïërö na en kur keere. 'Ba eni poot thøw, ni bäŋ ŋat mo køny eni.

Daniel 7:11

«Køøre aana bëëdö naa poot rääŋö kiper luup dhwöle moa car tuuŋŋi. Aana bëëdö naa poot rääŋö këël mana ö cwienynyi manøgø ni nääi, ni ö rïŋ dëëre ni leeŋi yi maac mo wärri ni raanynyi.

Daniel 7:26

« ‹'Ba kwääc løøk kanyo pï piny kiper ŋøl luup, teek mar nyenynyøgø di lwørø ni raanynyi na bäre bäre.

Daniel 7:3

Køøre cwëënyi aŋween mo døøŋŋø ma teeŋi aö wøk ki yi naama dwøŋ manøgø.

Daniel 7:7

«Køør manøgø kanya bëëda ki wäär naa poot raŋŋa gïïa nyooth jïra ki yi wïïa, aana nëënnö ki ŋweer cwëënyi mo cwïny bwøk ki gø, mo di lwäärö, mo teek døc, ni jïre da lak mo døøŋŋø ma nywïëny. Kany wø cäme, cam pete petø ni thenh thenh ni løøny geni, ni nyør moa dööŋ ki tiete. Eni ba caal cwëënyi moa dïkwøŋ bëët, ni eni jïre da tuŋi apaar.

Mathiew 25:34

Kanyøgø eni na nyeya oköö jï jøøa en bäät cwïïe, ni ‹Ööu, u na näk ogwïëth Wära, nee buya käl maal na näk ojiiŋŋø kiperu ki mana täge ki kanya cwääc piny yie ci jïïu.

Luk 10:20

'Ba kär yïthu mïnnö kiper mana tïm juuwi moa reyø ni lwäär ki uuni, 'ba yïthu mïnge kiper mana näk mo nyeŋŋu ogöörö maalø.»

Luk 8:31

Ni ö anäge ni kwacge Jecu, nee geni ba köömme ki man cige yi buura näk bäye bäŋ cuŋŋe.

Jøøn 17:24

Awuuö, a manynya geni thuwø, ge na cïpï jïra, nee bëëtge ki aani na aciel kanyo ena yie, na ajiem mana cïpï jïra nee neenge, kaawat mana mëërï ki aani, ki mana täge ni piny poot kär caa.

Moa Tïïc Nyïïatwieli 15:18

Luupögø caana Wuuö Jwøki, ŋata døøc jammi bëët mo ŋäc cøøn.›

Epeca 1:4

kaawat mana ö eni ni jier øøni ni kïth øøni dëër Krictø kanya poot pinynyi ni kär cwääö, kiper nøø tïmø ni ø ena kur keerø na mo Jwøk ni bäŋ ajäla dëëtø nyïme.

Tayta 1:2

kiper mana ŋääthge kwøw mana näk adïëri mo bäŋ cuŋŋe mana buuk Jwøki cøøn, eni na kuc tööt.

1 Piter 1:20

Ni eno miiø kanya poode ni piny poot kär cwääö. 'Ba ena nyooth kiperu ya aŋuun nïne.

Mana Nyooth 11:7

'Ba noo nø thöörge gïrge na køpge, Lään wø ö wøk ki yi buura näk bäye bäŋ cuŋŋe, okëëdi ki geni ni bööt geni, ni 'näk geni,

Mana Nyooth 17:11

'Ba gïr Läänögø na nut dïkwøŋ cøøn, ni tøør ennø, beeye bäcge, 'ba poot ena røk jøøa näk abïriiø. Ni eni cøøa kar ränynyö.

Mana Nyooth 17:2

dhaaŋŋa ö nyec pinynyi na käpge ki gø, dhaaŋŋa ö jø bëëdö bäät piny ni meerge ki køøŋ käp mare.»

Mana Nyooth 20:10

Ni ö anägö na cøøk geni ni leeŋi yi naama liel ki maac mo jïye keec ni lïëth døc, kanya en Lääyi yie ki nyikuŋ jwøk mana näk patha adïëri. 'Ba ge di caarø ki cääŋŋe ki wärre këël na bäre bäre.

Mana Nyooth 20:12

Ni jooda jøøa näk othøw, moa døøŋŋø ki moa therø, ni ge cuŋŋö nyïm wällögø. Ni ö weeli ni jabi. Ni ö wëële mør thuwø ni jabi, wëëlla näk Wëël Kwøw. Ni ö luup jøøa näk othøw ni ŋøli ki køør gïïa näk ogöörö yïth weeli, ki køør tïïe moge.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.

Mana Nyooth 3:10

'Ba kiper mana gwøgï luumma na bëëdï ni cwïnyï iï maa, ïïno gwøa kanyo ö gïïa lethi no öge bäät piny bäre kuna päänyge jøøi ni bëëdö bäät piny en.

Mana Nyooth 3:5

'Ba ŋato böödö, dëëre orunynyi ka abïïe mo tar na enøgønø, ni nyeŋŋe ba käla wøk yi wëël kwøw. 'Ba gïr nyeŋŋe køba købø nyïm Wära ki nyïm nyïïatwiet maal moe.