Mana Nyooth 17:5 - Wëël Jwøk

⁵ 'Ba täärnyïme nyeŋ mo tiere okanø ogöör yie, ni «Babiløn na dwøŋ, na näk mii kääpe ki rääö mar piny.»

Mana Nyooth 17:5 Iomraidhean Croise

Aydheea 3:9

Gïïa reyø na tïïcge nëënö täärnyïmge, ni ge bëëdö ni ge nyøtha raay moge kaamar Cødam, ni raay moge ba maarge kan. Wui, otïmö ni leth jïge, kiper gïïa reyø na kälge bäätge!

Edhikiel 16:35

«Kiper manøgønø, ï na kääbi, wïny dwør Wuuö Jwøk!

Pilipay 3:19

'Ba cuŋ marge beeye ränynyö, ni jwøge beeye ec, ni lään wïc marge ege tïïö na ajiem, ni cwïnyge ege cïp køør jap piny.

2 Thecalönika 2:7

Kiper gïna raac na näk tiere okan piny, aløny ni tïïö. 'Ba kawaane poot da ŋat mo mäna gøøni ki mana dee tïïö, këël mano ö ŋatøgø noo daai jööre.

Mana Nyooth 1:20

'Ba luum ceer moa na abïriiø na jootï cer cwïïa, ki lambae moa näk abïriiø na näk warkey, ni beege japa näk tietge okwøŋ kan, tiere beeye en. Ceer moøgø karge bïriet gena nyïïatwiet acook Jwøk karge bïriedi. 'Ba lambae karge bïriet beege acook Jwøk karge bïriedi.»

Mana Nyooth 11:8

ni ö rïŋ dëëtge ni bëëtge no opäänhnhö waŋjöör paana dwøŋ, na näk nyeŋŋe obaaŋ ri Cødam ki Ijep, kanya 'näk Kwääcge yie bäät jaadha no odëëdö.

Mana Nyooth 14:8

Ni ö riet nyïïatwiet maalli mør ni läw cäännö, ni «Babiløn na dwøŋ apädhö ki pädhö mo ba thiinh, nyaana wëëk mïëri bëët mäthö ki køøŋ nyïïomøki mar käp mare.»

Mana Nyooth 16:19

Ni ö paana dwøŋŋi ni kaaŋŋe na thäŋi adäk, ni ö mïëc pinynyi ni päthge, ni ö Jwøki ni par wïïe ki gïr Babiløn na dwøŋ, nee wëëk mäthö ya athöödhi na päŋ ki wëëye na raac døc.

Mana Nyooth 17:1

Kanyøgø nyïïatwiel maal aciel dëët nyïïatwiet maal moa näk abïriiø na käär kuure abïriiø aöö ni kööe jïra, ni «Ööï, nee ajäla mano pïï dëër kääbi mana dwøŋ na näk opï bäät pïï mo thööth nyoodha jïrï,

Mana Nyooth 17:2

dhaaŋŋa ö nyec pinynyi na käpge ki gø, dhaaŋŋa ö jø bëëdö bäät piny ni meerge ki køøŋ käp mare.»

Mana Nyooth 17:7

'Ba nyïïatwiel maal manøgø aköö jïra, na «?Aŋø ni thäŋ yiï en? Gïr nyaanøgø na näk tiere okanø ocaana jïrï, ki gïr Läänögø ni wïthe abïriiø enø ki tuŋi apaar na näk nyaanøgø opï bääte.

Mana Nyooth 18:2

Ni kööe ki dwøl mo päl døc, ni «Babiløn na dwøŋ apädhö ki pädhö mo ba thiinh, ni tïme na kar bëëtö jï anäge, na kar bëët teeŋ juuga reyø bëët, ki teeŋ weny moa reyø bëët na mänö ki geni.

Mana Nyooth 18:21

Kanyøgø nyïïatwiel maal mør mo teek døc, akwänynyö ki kïdi mo caala kïn guur mo dwøŋ døc, ni leeŋ gø yi naama dwøŋ, ni kööe, ni «Paana dwøŋ na näk Babiløn ogøø piny ni raac døc na enønø, ni ba joodi këët.

Mana Nyooth 19:2

Kiper ŋøl mare beeye adïëri ni näk kare. Ni eni kääpa dwøŋ na raany piny ki käp mare aŋøl wøk, ni cool kwör remø mar laage dëër gø.»

Mana Nyooth 7:3

Ni kööe, ni «Kär nou raanynya piny, wala näpa døøŋŋø, wala jen, këël mano kïthwa täärnyïm laak Jwøø ki ŋïï.»