Mana Nyooth 17:17 - Wëël Jwøk

¹⁷ Kiper gïnögø okïth Jwøki cwïnyge, nee mana manynye tïïcge ki køør mana näk cwïnyge aciel, ki mana wëëkge teek nyec marge Läänögø, këël mano ö luup Jwøki noo thurge karge.

Mana Nyooth 17:17 Iomraidhean Croise

Edhera 7:27

'Ba Edhera aköö, ni «Pwøc en jï Wuuö Jwøk, Jwø kwäcwa, na cïp luummögø cwïny nyeya, nee Øt Wuuö Jwøk ni en Jerucalem jïte ka ajiem,

Pwöc Leec Wïc 19:21

Da acaare mo thööth cwïny dhaanhø, 'ba pwöc mar Wuuö Jwøk bëëdö kare.

Pwöc Leec Wïc 21:1

Acaare mo wø en cwïny nyeya ena cer Wuuö Jwøk, ni løny jï Wuuö Jwøk ki man bwøth geni ni caala man wø bwøth pïï ki jöörge.

Aydheea 45:17

'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Jeremaya 32:40

Ni ööa ni tuda ki luubö ki geni mo bëëdö na bäre bäre, ni beeye ni gïn mo beer ba wiia ki man tïïa gø jïge. Ni mooa cwïnyge ki lwär, ni bëëtge ni ge lwäär ki aani cooth, naa ba wecge.

Daniel 12:7

Køøre ŋata näk oruyö ka abïï ma lïïna na en bäät pïï yi naam, ceŋŋe karge riet athaaŋ maal. Ni wïnynya dwøre ni kööŋŋa ri Jwøa kwøw ni wø bëëdö na bäre bäre, ni kööe, ni «Beeye cwiiri adäk ki thääŋö. 'Ba kanyo ö bäät jic Jwøk no nigelway, beeye kanyo ö gïïögø noo ŋuutge.»

Luk 22:22

Kiper Wär Dhaanhø cøø keda mana kwøŋi caan. 'Ba otïmö ni raac jï ŋatøgø noo cïp aani.»

Luk 22:3

Kanyøgønø, Ceethan aci cwïny Juudac na cwøl ni Ickarïët, ni beeye dhaanhø aciel ki røk bääge na näk apaar kurriiø.

Luk 22:37

Kiper a cäänna uuni, ni luummi no ogöörö en doo thura kare dëëra, na køp, ni ‹Eno pääri ki jø wø dhal ciik.› Kiper gïna näk ogöörö kipera, doo thura kare.»

Jøøn 10:35

?Ni näk jøøa ö luum Jwøki baŋge ee cwølø ni juu, ni moa en yi wëël Jwøk ba maar dhal,

Jøøn 13:18

A ba cäänö kaperu bëët. Aani moa jiera ŋääa. 'Ba mana no ogöörö thura kare, na en nø, ni ‹Eni na cam møga, aana cääbe ko opunye.›

Jøøn 13:2

'Ba kanya pootge ni ge ena kar cam, na anägö gïn mør ee nø kïth cwïny Juudac Ickarïët na näk o Cayman nee Jecu cïbe ceŋ nyïïmänne,

Jøøn 19:24

Kiper manøgønø, gena cäänö yïthakicge keerge, ni köge, «Kär jeeyø; 'ba beerra man kwäägø ki baw nee ŋato ci jïre nee joodø.» Manøgø tägi kaper nee luumma en yi wëël Jwøk thur kare, na køp, na «Abïïga apääŋge yïthakicge, ni tïïge ki nyuuthe kiper abïïna maya.»

Jøøn 19:28

Køør manøgø na ŋäyi ya Jecu ni jammi bëët anø thur karge, ena köö, ni «Raa da riew.» Manøgø acaane nee luumma en yi Wëël Jwøk thur kare.

2 Körin 8:16

'Ba pwøc en jï Jwøk, na løø cwïny Tayta baŋu ni mëëye ki uuni døc kaamara.

Mana Nyooth 10:7

'ba gïna näk tiere okwøŋ Jwøki kan doo wëëga thur kare yïth nïro ö bïriet nyïïatwiel maalli noo kooth tuuŋ, keda mana caan gø jï laage ma nyïïkuk Jwøk.»

Mana Nyooth 15:1

Kanyøgø ŋïï mør mo dwøŋ døc na gïn mo rëëma ec aneena maal, ni beege nyïïatwiet maal abïriiø mo käära teeŋ jap räny piny abïriiø moo näk aŋuudi. Kiper gïïögø beeye geni noo ŋuut wëëc Jwøki ki ge.

Mana Nyooth 17:13

'Ba jøøgø na apaar yøø cwïnyge aciel, ni cuum marge ki teek marge owëëkge Läänögø.

Mana Nyooth 19:9

Ni ö nyïïatwiel maal manøgø ni kööe jïra, «Göör gïn: Gwïëth en jï jøøa cwøl baŋ cam nywöm mar Nyidiel.» Ni kööe jïra, ni «Moi beege luup Jwøk na näk adïëri.»

Mana Nyooth 6:11

Kanyøgø ŋati man nø amooc ka abïï mo tar mo røøe, ni köömmi ni cäŋge bëëtö ki kany mo thiinh, këël mano päŋ kwään nyïïmëëkge, jø wø tïny Krictø ki geni na aciel moo 'näk kaamar marge.