Mana Nyooth 16:21 - Wëël Jwøk

²¹ Ni ö peyi mo døøŋŋø døc, mo peek mar man nø jïtö ki kïïle ma pïëraŋween, ni pänhge bäät jiy ki maal, ni tïm jiyi ni ge janynya Jwøk kiper gïr räny piny mar pey. Kiper gïr räny piny manøca dwøŋ døc.

Mana Nyooth 16:21 Iomraidhean Croise

Jööp 38:22

«?Aŋø, ïïna døny yïth uut kän moa näk pey okan yïthge, wala ki man jootï uut kän moøgø,

Jööp 38:23

na näk yaa kanø kiper cääŋŋe mo jwør gïï mo leth, ni beege cääŋŋe mo lenye ki mänye?

Bwøth Wøk 9:18

Neenï, diøø kar kany nø, køth mo ree da pey mo døøŋŋø jääŋŋa jääŋŋö, mo teeŋe poot kär tägö Ijep ki mana geeri këël kar kany ennø.

Bwøth Wøk 9:22

Køøre Wuuö Jwøk aköö jï Modhe, ni «Tïŋ cerï maal kiper nee køth mo ree da pey pädhe bäät ŋööm Ijep bäre, ni beeye bäät jiy ki lääc paac ki gïïa näk otuy yïth pwöth dï ŋööm Ijep bäre.»

Aydheea 30:30

Wuuö Jwøk dwøre na teek tïïe tïïö nee wïnye, ni wëëk teek bade ööny piny ni nëënö jï jiy, ki yi maac mo liel man wø thöör jammi bëët, ki yi køth ma ruuga, ki yïth pey.

Aydheea 8:21

'Ba geno bëëdö ni ge thääyö dï ŋöömö ni bëëtö marge leth ni geno 'näk käci. 'Ba kanyo ö käci noo 'näk geni, geno gooti ni cienge nyeya marge ki Jwøk marge ni ge raŋŋa maal.

Edhikiel 13:11

Kiper manøgø nø, caanï jï jøøa röödhö ki booya manøgø ki man näk mo kiir manøgø pädhö. Kiper køth mo dwøŋ mo muta piny mo ree da pey pätha bääte, ka atuunna mo kwödö ni teek døc.

Edhikiel 13:13

« ‹Kiper manøgø nø, Kwäärö Wuuö Jwøk aköö: Na atuunna mo kwödö ni teek døc tïïa tïïö nee kwönne ki køør wëër mara ni wø liel kaamar maac. Aani, a wëër ni jääŋŋa køth mo dwøŋ mo muta piny mo ree da pey, ni raanynya kiir manøgø na bäre ki wëër mara.

Jøcua 10:11

'Ba kanya rïïŋ jø Amörri ni ge ŋwieya jø Icriel, Wuuö Jwøk pey mo døøŋŋø døc mo caala kïte alëëŋe ki maal, ni leeŋ ge bäät jø Amör, ni tägi ka kanya løøcge piny ki Bëëth-Örön, këël mana pïïcge Adhëka, ni putge thøø; 'ba atïmö ni thöötha jiy moa thøw ki pey moøgø na näk caala kïte yøø, ki jiy moa 'näk jø Icrielli ko opëëlle.

Mana Nyooth 11:19

Kanyøgø Øt Jwøk Mana Dwøŋ maalø ajap, ni ö acanduki mar luumme na tuude ki jiy ni neeni yi Øt Jwøk Mana Dwøŋ. Ni tïm agaackøthi ni mal, ni piny dïmmi døc, ki køth mo märö, ki dïjäŋ piny, ki piiø mo päl.

Mana Nyooth 16:11

Ni janyge Jwø maal kiper dëëtge na rämö ka atwøt. Ni kärge cwïnyge løø yïth gïïa tïïcge.

Mana Nyooth 16:9

Ni ö jiyi ni waaŋ geni ki jam maaagø na lïëth døc. Ni janyge nyeŋ Jwøk na en luum jap räny piny moøgø cere, ni kärge cwïnyge løø ki man jiemge eni.

Mana Nyooth 8:7

Ni ö nyïïatwiel maal mana dïkwøŋ ni kooth tuuŋ mare, ni put piiø ki maac mo orwöbö ki remø öö, ni pänh bäät piny. Ni ö dää thääŋö mar piny ni waaŋe, ni waaŋ dää thääŋö mo jen, ni ö luummi mana marr ni waaŋe ki kare bäre.