Mana Nyooth 16:15 - Wëël Jwøk

¹⁵ 'Ba Kwäärö ma Jecu aköö, ni «Ka adïëri møn, aano ööi naa caala kuu. 'Ba gwïëth oen jï ŋato bëëdö ni nëënö, ni gwøga abïïne, nee ba cäädhe ki dëëre, nee eni ba joot ni bäŋ abïï dëëre.»

Mana Nyooth 16:15 Iomraidhean Croise

Bwøth Wøk 32:25

'Ba kanya ö Modhe na joot jiy ni bëëdö ka wïthge keerge, kiper mana weyi Aranni nee bëëtge ki wïthge keerge, ni tïmge na jiy mo ojøøŋŋø ki baŋ nyïïmänge;

Aydheea 47:3

Dööŋŋö marï ki dëërï otïmö ni bäŋ gïn gëëŋ gø, ni ö lään wïci marï ni bëëde ni nëënö jaak. Kwör coola coolø ni bäŋ ŋat mo wëënna.»

Edhikiel 16:37

kiper manøgønø, aani a öö ni cooŋa omëërri moï ni wø jïtï ki met ec ki ri niine ki ge, ni beege jø wø mëërï ki ge bëët, këël jø wø mänï ki geni. Aani, ge cooŋa cooŋø ki kwöra enge yïthge bëët, ni pwödha abïïnï wøk dëërï nyïmge ni putge dëërï bäre neetø niï bëëdö ka dëërï.

Odheea 2:3

'Ba ni näk mo ba tïïe, eni wëëga wääth ki dëëre, ni put tïmö ni bëëdö ka dëëre ni caala dïcäŋa lwaarø ki gø. Eni tïïa tïïö ni caala paap mo otal, ni tïïa gø ni caala ŋöömö ma tëën, ni puta eni 'näk ki riew.

Abakuk 2:15

«Otïmö ni raac jï ŋat wø lwør athöönh køøŋ ajäla ni maath jø tiet mïëri moa en deŋŋe ni meerge, ki man raŋ lään wïc marge mar bëët wääth dëël.

Mathiew 25:13

«Kiper manøgønø, kuru, kiper cäŋögø ki caannøgø kuyu karge riet.

Mathiew 26:41

Kuru ni lämu, kiper nou ba päänynyi. Kiper jwïëy wø jïëy møn, 'ba dëël jääk.»

Maak 14:38

Kuru ni lämu, kiper nou ba päänynyi. Kiper jwïëy wø jïëy møn, 'ba dëël jääk.»

Luk 21:36

'Ba kuru cooth, nou lämö nee lønye jïïu ki man bøthu ri gïïo tägi bëët, nou cuŋŋu nyïm Wär Dhaanhø.»

Moa Tïïc Nyïïatwieli 20:31

Kiper manøgønø, gwøgu rou, ni parru wïthu ki cwiiya näk adäk na thööra cääŋŋe ki wärre naa köömma uuni bëët ki luubö mo teek, naa jwöŋö.

2 Körin 5:3

ni kïth bäätwa kaper nee wa ba joot ni wa cäädhi ka dëëtwa.

1 Thecalönika 5:4

'Ba nyïïmera, u ba en yi muudhö ki man thäŋ cwïnynyu ki cäŋöce noo caal kuu.

1 Thecalönika 5:6

Kiper manøgønø, kärø butø kaawat man wø tïïc jø møga. 'Ba beerra man bëëdø ni ø nëënö, ni dëëtø yøø gwøø.

1 Piter 4:7

'Ba aŋuun jammi bëët kare acäännö. Bëëdu ni wïthu leer, ni koorru dëëtu ni lämu.

2 Piter 3:10

'Ba Cäŋ Kwäärö oööi ni caala kuu, 'ba kanyøca maal oränynyi ni lwöre ki lwör mo päl døc, ni ö jap maalli ni raanynyi ya maaci, ni ö pinynyi ki japa en yie bëët ni waaŋ ge.

Mana Nyooth 22:7

'Ba Jecu aköö, «Neenï, aano laar öö. Gwïëth en jï ŋat wø gwøk luupögø ni en yi wëëlli en ni køp gïï mo poot ena nyïm.»

Mana Nyooth 3:11

«Aani, a laara ö. Put gïna nut jïrï mak ni teek, kiper nee bäŋe ŋat mo mak aduda marï.

Mana Nyooth 3:18

'Ba a pwönynya ïïni ki man ŋëëmmï baŋa ki warkey mo oleenyø ki maac, kiper niï kwärï, ni ŋëëmmï baŋa ka abïïe mo tar, nee røøï dëërï, nee laac wïc manø ni cäädhï ki dëërï enø, nee ba neen, ni ŋëëmmï baŋa ki jaath nee nyeŋŋï wïïrï ki gø, niï nëënï.