Mana Nyooth 15:3 - Wëël Jwøk

³ Ni ge wära duut Modhe, na näk laŋ Jwøk, ki duut Nyidiel, ni ge köö, ni «Ï na Kwäärö Wuuö Jwøk na en teeki jïrï, Nyeny piny bäre, tïïe moï døøŋŋø, ni beege gïï mo rëëma ec. Ni luup moï beyø ni näkge adïëri.

Mana Nyooth 15:3 Iomraidhean Croise

Wïlöölö 17:1

'Ba kanya tïm Abrammi ni cwiiye pïërabïŋween ka abïŋween, Wuuö Jwøk ree anyoodhe jï Abram, ni kööe jïgø, ni «Aana Jwøa en teeki jïre; beerra man cäädhï nyïma, ni bëëdï ni bäŋ gïn mo jøøŋŋi ri bëëtö marï.

1 Luup Nyeye 6:49

'Ba Aran ki wääte cïp olämme mo wø waaŋ bäre ki waaŋ gïï wø jïcge ŋwääi ni met acïp ceŋge, kiper tïïe bëët mo wø tïïc thääŋ Øt Jwøk mana en kur keere na pere leth, ni tïïe moøgø tïïc no okïdi kiper wëën raay mo jø Icriel, kaa mana ö Modhe na näk dhaanh Wuuö Jwøk na kööm geni.

2 Luup Nyeye 24:6

Kanyøgø nyeya, Jööda na bëëdö na Kwääy Lam Mana Dwøŋ acwøle ni kööe jï gø, na «?Aperŋø ni ba cäännï jø tuuŋ Libay en ki man kälge gwet ajwäk ki baŋ jø Juuda ki jø Jerucalem, ni beeye ajwäk mana caan Modhe dhaanh Wuuö Jwøk ya acooŋ jø Icriel kiper oduŋkaany røømmø man wø nyooth luumma tuut Jwøki ki jiy?»

Neemiya 9:14

Ïïni, cäŋ jwömö marï na en kur keere acaanï jïge nee ŋäcge, ni cïpï pwöc moï, ki gïïa cemï, ki ciik moï jïge ki ri dhaanhnhï ma Modhe.

Jööp 36:24

Par wïïï ki man tïŋï nyeŋŋe maal kiper tïïe moe na näk ocäŋ jiyi ki dudi.

Jööp 5:9

ŋat wø tïïc gïï mo ec thäŋŋö ki ge mo tietge ba løny ki kwany, ni beege gïï mo rëëma ec mo ba thum ki kwaan.

Aydheea 33:22

Kiper Wuuö Jwøk bee dïŋut luup marwa, ni bee eni na cïp ciik jïwa, ni ena nyeya marwa, ni bee eni noo piem waani.

Aydheea 45:21

Køpu maru, ni caannu gø, beerra man cäännu bääte na aciel. ?Aŋa na caan gïnögø ki mana täge ya acääŋŋe ki kany mo bäär? ?Aŋa na car gïnögø cøøn? ?Aŋø, paa aani, a na Wuuö Jwøk? Bäŋ Jwøk mør këët ni näk mo paa aani keera, ni bee a na Jwøk na näk mare adïëri, na näk pïëmi. Bäŋ Jwøk mør këët, 'ba bee a keera.

Daniel 6:20

'Ba kanya tïm kare ni cään ki buur mana en Danielli yie, ena cwötö døc ki dwør pänh cwïny, ni kööe jï Daniel, ni «?Daniel, ï na dhaanh Jwøa kwøw, Jwøk marï ni wø tïnynyï cooth aløny jïre ki man piem ïïni dhøk ŋuuwe?»

Daniel 9:11

Dhaanh Icriel bäre ciik moï akaalge, ni løkge ŋäthge, ni kwierge dwørï. «Kiper manøgønø, acïëni ki kööŋ mar ajäla na näk ogöör piny yi wëël ciik Modhe, eni na dhaanh Jwøk, akïth bäätwa, kiper waana bääyö dëërï.

Odheea 14:9

Ni näk da ŋat mo wïïe leer, beerra man kwany tiet jammi moi; ni näk da ŋat mo tiet luup ŋääe, beerra man ŋäc ge, kiper jïëthe mo Wuuö Jwøk thïïŋ, ni jø wø marge beer wø cäädhö ki yïthge, 'ba jø wø tïïc raay ge pädhö yïthge.

Mikiya 7:20

Ïïni, ï bëëdö niï nyootha adïëri jï nyïïkwaac Jeekap, ni nyoothï mëër marï man wø ba jøøl jïge, ge na dhi øt Eeberam, kaawat mana kööŋï jï kwäcwa yïth nïra cääŋŋe.

Jepaniya 3:5

'Ba Wuuö Jwøk na en yi Jerucalem, mare beeye adïëri, ni eni ba ŋudö ki luup mo patha karge. Ka amöölla cooth adïëri mare wø käle yi tar, ni eni ba døø ŋääe ki gø ki yïth nïne bëët. 'Ba jøøa reyø ge poot temma raay ni wïthge ba lääy.

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Jøøn 1:17

Kiper Ciik Jwøk cïp ka ri Modhe, 'ba met ec ki moa näk adïëri ööi ka køør Jecu Krictø.

Tiet Ciik 31:30

Køøre Modhe luup moa en yi duut acaane jï jø Icriel bëët moa näk dëëtge ege cooŋ kanya ciel, këël mana thum luupi bëët.

Tiet Ciik 32:3

kiper a køpa gïr Wuuö Jwøk. Beerra man pwøø Wuuö Jwøk na näk Jwøø kiper dööŋö mare.

Tiet Ciik 34:5

'Ba Modhe dhaanh Wuuö Jwøk athøø yi ŋööm Möap kaace kaawat mana caani ya Wuuö Jwøki.

1 Timöthi 1:17

'Ba wödö ka ajiem en jï Nyeny beenhnhe bëët këël na bäre bäre, ŋata näk ba thøw na näk ba neen, ni beeye Jwøk keere. Enøgønø.

Ibaru 3:5

'Ba Modhe tïï Øt Jwøk bäre agwøe ni ena ŋat tïïc mo oŋäädhö, ni køp jammi moa doo caan Jwøki yi nyïm.

Jøcua 22:5

'Ba gïno tïïyu keere nø, koorru wïthu døc ni gwøgu ciik ki luup moa ö Modhe na näk dhaanh Wuuö Jwøk na kööm uuni ki ge, ki man putu bëëtö nou mëër ki Wuuö Jwøk na näk Jwøu ni caathu jööre bäre, ni gwøgu ciik moe, ni göögu ree, ni tïnynyu eni ki cwïnynyu bäre ka acaayu bäre.»

Mana Nyooth 1:8

Kwäärö Jwøk aköö, ni «Aana Alpa ni näga Omëëga, ŋat nut en, na nut cøøn, ni beeye eni no ööi, ŋata en teeki jïre.»

Mana Nyooth 11:17

Ni köge, ni «Wui Kwäärö Wuuö Jwøk na en teeki jïre, wa dwøga met ec jïrï, ï ni nut en, ni nudï cøøn, kiper na lwørï teegï na dwøŋ, ni tägï ki man bëën ïïni.

Mana Nyooth 14:3

Ni ge wär ki duut mo nyään nyïm wälu, ki nyïm gïïa näk aŋween na kwøw, ki nyïm jaae. 'Ba bäŋ dhaanhø mo maar duudace kwany, 'ba beege jøøa wïïl wøk piny na näk kume ma dïpa ki pïëraŋween kurŋween, na kwany gø.

Mana Nyooth 14:8

Ni ö riet nyïïatwiet maalli mør ni läw cäännö, ni «Babiløn na dwøŋ apädhö ki pädhö mo ba thiinh, nyaana wëëk mïëri bëët mäthö ki køøŋ nyïïomøki mar käp mare.»

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 19:16

'Ba ra abïïne ki ya awaye ogöönnö ki nyeŋ, ni köö, ni «Nyeny nyeye ni näk Kwääc kwääri.»

Mana Nyooth 19:2

Kiper ŋøl mare beeye adïëri ni näk kare. Ni eni kääpa dwøŋ na raany piny ki käp mare aŋøl wøk, ni cool kwör remø mar laage dëër gø.»

Mana Nyooth 4:8

'Ba gïïo na aŋween ni kwøw yøø ni dëëtge ogääbö ki nyeŋ ki wøk ki yïthge, man nø dëëre da bwöm abïciel. Ni wärre ki cääŋŋe duut ba cöök dhøkge, ni duut man wø wärge beeye en: «Kwäärö Jwøk na en teeki jïre, ena kur keere, ena kur keere, ena kur keere, ŋata nut cøøn, ni nut en, ni beeye eni no ööi.»