Mana Nyooth 14:7 - Wëël Jwøk

⁷ Ni cäänne ki dwøl mo päl, ni «Lwäärru Jwøk ni jiemmu gø, kiper kany ŋøl luup yie apïï. Wøørru eni, eni na cwääc maal ki piny ki näpa døøŋŋø, ki kwöra tuul pïïyi ki yïthge.»

Mana Nyooth 14:7 Iomraidhean Croise

Wïlöölö 22:12

Ni kö nyïïatwielli, ni «Kär cerï ŋaapï bäät nyilaal; kär dee gïn mo tïïyï ki gø, kiper kawaane ennø møn, aŋääa niï lwäär ki Jwøk, kiper wäädï ma aciel keere kärï mänö ki aani.»

Neemiya 9:6

Bee ï keerï na Wuuö Jwøk. Ni bee ï na cwääc maal, këël maal kuya, ki gïïa en yie bëët, ni bee ï na cwääc piny ki gïïa en yie bëët, ni bee ï na cwääc näpa døøŋŋø ki gïïa en yïthge bëët, ni bee ï ni wø cïp kwøw jï gïïa kwøw bëët, ni ö gïïa en maalli ni wøørge ïïni.

Dut Pwøc 36:1

Bwøth Wøk 20:11

Kiper Wuuö Jwøk maal ki piny ki näm ki gïïa en yïthge bëët acwääe ki nïne abïciel, ni jwöm ree ri bïriet nïne. Kiper manøgønø, Wuuö Jwøk cäŋ jwömö agwïëdhe ni tïïc gø na cäŋ mo ena kur keere.

Aydheea 40:3

Da dwøl mo wïnyö mo cwödö, ni «Jiiŋŋu jöör Wuuö Jwøk dï paap, tïïu ki øtjöö dïtëën mo thïïŋ mo dwøŋ kiper Jwøk marø.

Aydheea 40:6

Dwøl aköö jïra, ni «Gööc piny ki luubö.» Køøre aana köö, na «?A luumma ŋø noo gøøa piny?» Jiy bëët caala luum, na ajiem marge caala wï luum mo oŋøøk yi pwödhö.

Aydheea 40:9

Wui, ï na Dhayan na öö ki luubö mo nyään mo met, eth maal bäät kïdi mo bäär ni køpï gø! Wui, ï na Jerucalem na öö ki luubö mo nyään mo met, tïŋ dwørï maal døc ni køpï gø; tïŋ dwørï maal ni ba lwäyï; caanï jï päänye mo Juuda, «Ka adïëri møn, Jwøk maru en!»

Aydheea 42:12

Beerra man ö geni ni pwøcge Wuuö Jwøk, ni caange ajiem mar gø jï wïth juurre mo wø bëëdö yïth mïëri moa en bäät naama dwøŋ.

Aydheea 44:23

Wui maal, kwöŋŋï ki met ec, kiper gïnögø tïïya Wuuö Jwøki! Wui, u na kwöra en piny kuya, beerra man kanynyu; wui, u na kïte, ki ï na lul ki jenni moa en yiï bëët, beerra man jøllu gø ni kwöŋŋu ki met ec; kiper Wuuö Jwøk, Jeekap anø wïïl wøk, ni nyooth ajiem mare dï Icriel.

Aydheea 58:1

Wuuö Jwøk aköö, ni «Kwöŋŋu døc ni ba wëëgu döötu jook; tïŋu döötu maal kaamar dwør tuuŋ, nou cara bääyö mar jiya ki raay moge, ge na nyïïkwaac Jeekap.

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Edhikiel 7:2

ni «Wär dhaanhø, luumma caan Kwäärö Wuuö Jwøki kiper ŋööm Icriel bee en, ena köö, ni ‹Man beeye aŋuudi! Aŋuun nïne aö bäät wïth tuk piny karge ŋweeri mo ŋööm Icriel.

Edhikiel 7:6

Aŋuun nïne aöö! Aŋuun nïne anø öö! Aløny ni tägö ki man käl ränynyö bäätu; anø öö!

Daniel 8:19

Ni kööe, ni «Neenï, aani gïïo tägi ya aŋuudi yïth nïr wëër caana caanø jïrï, kiper gïna nyooth cäänö kaper kanya wäŋŋi na näk aŋuudi.

Odheea 8:1

'Ba Wuuö Jwøk aköö, ni «Jek riï ki man koothï tuuŋ! Nyimän aöö kaamar coor nee tïïe ki gïn mo raac dëër ŋöömö mara, a na Wuuö Jwøk, kiper jø Icriel, luumma tuuda ki kwäcge akwierge, ni gëëmge ki ciik 'moa.

Milkiya 2:2

Ni näk mo ïthu ba cegu, ni ba kanu gø cwïnynyu ki man wøørru nyeŋŋa, u jääla jäälö døc, ni tïïa gwïëth man wø gwïëthu jiy ki gø na acïëni. Ka adïëri møn, gwïëth maru yaa nø cien ennø, kiper ciik mara käru kan cwïnynyu.

Mathiew 25:13

«Kiper manøgønø, kuru, kiper cäŋögø ki caannøgø kuyu karge riet.

Luk 17:18

?Aperŋø ni bäŋe dhaanhø aciel mo oduuö ni pwøc Jwøk, ni tïme ni duua ŋati keere na jur en?»

Moa Tïïc Nyïïatwieli 14:15

ni «?Jaay, aŋø ni tïïyu gïnögø? Waani, waana jiy thuwø mo caala uuni, ni wa käla luumma nyään na met jïïu, kiper nee gïïö no oballe yøø nee weyu, ni løøu dëëtu baŋ Jwøa kwøw na cwääc maal ki piny, ki näm ki jammi bëët moø ni en yïthge yøø.

Jøcua 7:19

Køøre Jøcua aköö jï Akan, ni «Nyie wääda, akwaya ïïni ki man caanï adïëri marï nyïm Wuuö Jwøk na näk Jwø Icriel, ni wøørï eni, ni køpï raay moï jïre. Ennø, gïna näk iï tïïö caanï jïra. Kär gïna näk iï tïïö mooŋï ki aani.»

1 Piter 4:7

'Ba aŋuun jammi bëët kare acäännö. Bëëdu ni wïthu leer, ni koorru dëëtu ni lämu.

Mana Nyooth 11:13

Kanyøgø piny atïmö ni jäŋŋi døc yi caannøca. Ni ö paac thääŋ päänynyi ni pädhe. Ni ö jiyi ma kume abïriiø ni nääi ki dïjäŋ piny, ni ö moa dööŋŋi ni lwäcge døc, ni jiemge Jwø maalø.

Mana Nyooth 11:18

'Ba mïëri abëëdö ni wëëyö. 'Ba wëëyï apïï, ki kanya di luum jøøa näk othøw ŋølø, ki kanyo ŋat laagï yie ma nyïïkuk Jwøk ki jø Jwøk, ki jø wø lwäär ki nyeŋŋï, moa døøŋŋø ki moa therø, ni beeye kanyo raany jøøa raany piny.»

Mana Nyooth 15:4

?Aŋa noo ba lwäyi ni ba jiem nyeŋŋï, ï na Wuuö? Kiper bee ï keerï niï ena kur keerï. Mïëri bëët öö ni wøørge ïïni, kiper ŋøl marï anyooth.»

Mana Nyooth 16:9

Ni ö jiyi ni waaŋ geni ki jam maaagø na lïëth døc. Ni janyge nyeŋ Jwøk na en luum jap räny piny moøgø cere, ni kärge cwïnyge løø ki man jiemge eni.

Mana Nyooth 18:10

'Ba geno cuŋŋi kany mo bäär ni ge lwäära caannø mare, ni köge, ni «Wui, wui, paana dwøŋ, ïïna ränynyö. Wui, ï na Babiløn na teek, ränynyö marï apïï ki yi caa aciel!»

Mana Nyooth 18:17

Kwärö manøgø bäre aränynyö ki yi caa aciel.» Ni ö kwääc jïëthe mo näpa døøŋŋø bëët ki jø wø cäädhi ki jïëthe, ki dïkïïwe, ki jø gath mo wø cäädhi ki jïëth näm, ni cuŋge kany mo bäär,

Mana Nyooth 18:19

Ni jøøpge tør wïthge kanya jwöŋge, ni ge guyö døc, ni «Wui wui, paana dwøŋ aränynyö, paana ö jøøa jïge da jïëthe bëët yïth näpa døøŋŋø na kwärge ki køør kwär mare. Ena ränynyö ki yi caa aciel.»

Mana Nyooth 19:5

Ni ö dwølli mør ki bäät wälu mo köö, ni «Pwøyu Jwøk marø, u na laage bëët, u jø wø lwäär gø, ni beege moa therø ki moa døøŋŋø.»

Mana Nyooth 4:11

ni «Ïïno rømø ka ajiem, ki wödö, ki teek, ï na Kwääywa ni nägï Jwøk marwa. Kiper beeye ïïni na cwääc jammi bëët, ni beeye ki køør mana manynyï na cwääï geni ni bëëtge ni ge nut ii.»

Mana Nyooth 4:9

'Ba kany wø ö gïïo ni kwøw yøø wø jiemge eni na näk opï bäät wälu, ni wøørge eni ni dwøkge met ec baŋe, eni ni wø bëëdö ni kwøw këël na bäre bäre,

Mana Nyooth 8:10

Ni ö dää nyïïatwiet maalli ni kooth tuuŋ mare. Ni ö cëërö mo dwøŋ døc mo liel keda ameeth ni pänhnhe ki maal, ni pänh bäät dää thäk näm, ki bäät jøøre mo pïï.

1 Camiel 6:5

'Ba gïïögø ni caal børi yøø, ki gïïögø ni caal jïëy yøø, ni beege gïïa raany ŋöömö maru, wär tïïyu na karge, nou jiema Jwø Icriel; kanymør eni cere paanye paanyø bäätu, ki juu mou, këël ŋöömö maru.