Mana Nyooth 14:6 - Wëël Jwøk

⁶ Kanyøgø nyïïatwiel maal mør mo määdö maal ajooda, ni käära luumma nyään na met na näk bäŋ cuŋŋe mo købe købø jï jø wø bëëdö bäät piny, ni beege mïëri bëët, ki wïth tuŋi bëët, ki teeŋ dhøgi bëët, ki wïth juurre bëët.

Mana Nyooth 14:6 Iomraidhean Croise

Wïlöölö 1:6

Køøre Jwøk aköö, ni «Beerra man tïm maalli ni dagø yïthakic pïï nee pïï pääŋŋe ki dïge.»

2 Camiel 23:5

«?Aŋø, nyec mar dhi øtø mara ba tïmö ni caala nyec manøgø nyïm Jwøk? Kiper eno tudö ki luubö ki aani mo bëëdö na bäre bäre, ni beeye luubö mana näk ee cïp piny ni ba wiil. ?A ni näk mo enøgønø, Wuuö Jwøk a ba put piem, këël dhi øtø mara, ni wëëk gïï wø mïn eci ki ge bëët thur karge?

Aydheea 40:8

Luum tal ni päth wïïe piny, 'ba dwør Jwøk marø bëëdö na bäre bäre.

Aydheea 45:17

'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Aydheea 51:6

Tïŋŋu wïthu ni raŋŋu maal, ni raŋŋu piny thuwø; kiper maal rwäänyö kaamar jïrö ni wø maayi, ni räny pinynyi kaamar man wø räny abïï, ni ö jø wø bëëdö yie ni thøwge kaamar twöŋi. 'Ba køny mara bëëdö na bäre bäre, ni ö bëënynyö mara ni bëëde na bäre ni ba ränynyi.

Aydheea 51:8

Kiper geni, ge tïmö kaamar abïï mo ocam alweela, ni tïmge kaamar jïëc rööm mo ocam twöŋi. 'Ba bëënynyö mara poot bëëdö na bäre bäre, ni ö kønynyi mara ni këët yïth beenhnhe bëët.

Aydheea 6:2

Ni nyïïatwiet maal mo wø cwøl ni cerapim ge cuŋŋö maal bääte, na aciel man nø jïre da bwöm abïciel; bwöm ariiø beege mo wø uumge täärnyïmge ki ge, na ariiø møga beege mo wø uumge tietge ki ge, ni ö ariiø møga ni bëëtge na mo wø määtge ki ge.

Edhikiel 1:14

'Ba gïïögø ni kwøw yøø ge bëëdö ni ge rïïŋö døc ni ge jööta cään ki maal kaawat man wø ö agaackøthi wø neegaaŋ.

Daniel 4:1

Aani na nyeya ma Nabukedenecör, man beeye dwøra kiper wïth jiy, ki wïth juurre, ki wïth dhøgi, jø wø bëëdö bäät piny bäre: Bëët-mëër opälli jïïu.

Daniel 9:21

kanya bëëda naa poot cäänö ki yi lam, Geebriel, ŋata kwøŋa joot yïth lääk dïkwøŋ, amään baŋa døc kar kany wø cïp olämi mar abøøya yie.

Mathiew 10:27

Gïn mo yaa caanø jïïu yi muudhö, wär køpu yi tar. Ni gïn mo you wïnynyö ni di mooŋø, cäŋu køpø ki wïth uudi.

Maak 16:15

Ni kööe jïge, ni «Cou ni caathu dï piny bäre, ni køpu luumma nyään na met jï jiy bëët.

Wëëlö Mana Göör Pøølli Baŋ Jø Röm 16:25

Pwøc en jï ŋat wø løny jïre ki man wëëk u tëënnö ki køør luumma nyään na met ni wø køba, ni beeye luum Jecu Krictø, kaawat mana nyooth ri gïna näk tiere okwøŋ kan ki kany mo bäär,

Köløcia 1:23

ni näk mou puta bëëtö ri ŋäädhe man nou ba dääŋi, ni putu bëëtö nou teek, ni ba weyu gïna ŋääthu ri luumma nyään na met na wïnynyu. Ni luummögø beeye mana køp jï moa näk ocwääö bëët dï piny bäre, ni put aani tïïc ni aana ŋat tïï gø, a na Pøøl en.

2 Thecalönika 2:16

'Ba kawaane, Kwääyø ma Jecu Krictø ki dëëre, ki Jwøk na näk Wääø, ŋata mëër ki øøni, na mooc øøni ki cøm cwïny mo bäŋ cuŋŋe, ki ŋäädhe ma wøp mar nyïm ki køør met yie,

Ibaru 13:20

'Ba kawaane Jwøa näk Jwø bëët-mëër, ŋata duu Kwääyø ma Jecu wøk ki yi thøø, na näk dïkwääy dïëk mana dwøŋ, ki ri rem luumma tuut na näk bäŋ cuŋŋe,

1 Piter 1:25

'Ba luum Wuuö bëëdö këël na bäre bäre.» Ni luummögøøni beeye luumma nyään na met na caan jïïu.

Mana Nyooth 10:11

Ni kööm aani, ni «Gïr jiy mo thööth mo poot ena nyïm ki gïr mïëri, ki gïr dhøgi, ki gïr nyeye, ocäŋï køpø.»

Mana Nyooth 10:7

'ba gïna näk tiere okwøŋ Jwøki kan doo wëëga thur kare yïth nïro ö bïriet nyïïatwiel maalli noo kooth tuuŋ, keda mana caan gø jï laage ma nyïïkuk Jwøk.»

Mana Nyooth 13:7

Ni eno wiiø ki man këëde ki jø Jwøk thuwø nee jø Jwøk bööte. Ni eno mooø ki teek bäät wïth tuŋi bëët, ki wïth juurre bëët, ki bäät teeŋ dhøgi bëët, ki tiet mïëri bëët.

Mana Nyooth 3:10

'Ba kiper mana gwøgï luumma na bëëdï ni cwïnyï iï maa, ïïno gwøa kanyo ö gïïa lethi no öge bäät piny bäre kuna päänyge jøøi ni bëëdö bäät piny en.

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.

Mana Nyooth 8:13

Kanyøgø aana nëënnö, ni wïnynya dwør coor mo määdö maal ni rëëdö ki dwøl mo päl, no «Oraac, oraac, oraac, jï jø oen bäät piny kiper dööt tuŋi møga moo cäŋ nyïïatwiet maalli moa na adäk koothø kawaane.»