Mana Nyooth 14:5 - Wëël Jwøk

⁵ Ni bäŋ tööt mo ojoodø dhøkge, kiper bäŋ gïn mo jøøŋŋi dëëtge.

Mana Nyooth 14:5 Iomraidhean Croise

Pwöc Leec Wïc 8:8

Luup mo wø cur dhaa bëët beege moa beyø, ni bäŋ adøønne ki cwøk rege.

Obeec Dudi 4:7

Wui, omëëya, dëërï mïërö bäre, ni bäŋ kany mo jøøŋŋi riï.

Aydheea 53:9

Ena koony kanya koony jøøa reyø yie, ni bee kanya koony jøøa no okwär yie, këël na bëëde ni bäŋ gïn mo raac mo ee tïïö, ni bäŋ cwøk mo owïnyö dhee.

Daniel 6:4

'Ba kwääri moøgø ki dïbwöthe gena tägö ki man määnyge ki luubö mo kïthge bäät Daniel kiper bëëtö mare yi kwär mar akwöm nyec; 'ba geni bäŋ luubö mo ege joodø mo kïthge bäät gø, wala gïn mo obøth, kiper eni mare adïëri ni bäŋ tïïc mo ee taaø wala gïn mo obøth mo ojoodø baŋe.

Odheea 10:2

Cwïnyge bëëdö ni tïïya cwøk. 'Ba ennø, gïno duu raay moge jootge joodø. Wuuö Jwøk, gïï wø cïp olämme moge bäätge tøye tøyø, ni raany kïte moge moa näk ege cwöth piny na gïï lam.

Jepaniya 3:13

'Ba jø Icriel moo dööŋ ni kwøw ge ba bääö këët, ni ge ba cäänö ki tööt këët, ni bäŋ luup cwøk mo wïnynyi dhøkge këët. 'Ba geno cämö ni butge jaak, ni bäŋ ŋat wëëk geni lwär.»

Milkiya 2:6

Geni, gena pöö ki pwöc ma kare, ni bäŋ gïn mo obøth mo owïnynyö dhøkge. Gena bëëdö ki aani ki bëët-mëër ni cwïnyge leer, ni duuge jiy mo thööth wøk ki jöör raay.

Mathiew 12:34

?U na nyïï thwöre, luubö ma wøp a dou gø caanø nidïï nou reyø? Kiper gïï wø thööth ni wø en cwïny beege ni wø caan dhøki.

Luk 23:4

Køøre Paylat aköö jï kwääc laam ki lwaae, ni «Bäŋ gïn mo obøth mo yaa joodø baŋ nyeni.»

Jøøn 1:47

'Ba na ö Jecu na joot Nathaniel ni ööa baŋe, ena köö jïgø, «Neennu, man beeye nyï Icriel møn, mana näk bäŋ cwøk cwïnye.»

Epeca 5:27

na acooŋ Jwøk peeth nyïme ka ajiem, ni bäŋ kïdö mo raac wala kany mo ba mïërö wala gïn mør mo ena dëëre, nee tïme ni ena kur keere ni bäŋ kany mo jøøŋŋi dëëre.

Köløcia 1:22

kawaane, uuna dwøk baŋe ki køør thøw Jecu, na cïp rïŋ dëëre, kiper nou kïth nyïme nou ena kur keeru, ni bäŋ ajäla dëëtu, ni bäŋ gïn mo jøøŋŋi dëëtu nyïme,

Ibaru 9:14

a teeŋ lwøk mo nyïëdi nø noo lwøk øøni ki rem Krictø, ŋata cïp dëëre jï Jwøk ni bäŋ gïn mo jøøŋŋi ree, ni cïbe ka ri Jwïëc Jwøk ni wø bëëdö na bäre bäre, noo døøc cwïnynyø mo waany ni wiiø tïïe mo thøø ni tïnynyø Jwøa kwøw.

1 Piter 1:19

'Ba u wiil ka rem Krictø na näk pere leth, na caal rem nyidiel mo bäŋ kany mo jøøŋŋi dëëre, wala kïdö mo raac.

1 Piter 2:22

'Ba eni bäŋ raay mo ee tïïö, ni bäŋ cwøk mo owïnynyö dhee.

1 Piter 3:10

'Ba «Ŋat wø mëër ki kwøw ni manynya man neen cääŋŋe moa beyø, wär leebe gwøe ki raay, ni män dhee ki luup cwøk.

Juut 1:24

'Ba pwøc en jï ŋat wø løny jïre ki man gwøk uuni ki pädhö, ni bwøth uuni kar ajieme, ni bäŋ gïn mo jøøŋŋi dëëtu ni yïthu met.