Mana Nyooth 14:4 - Wëël Jwøk

⁴ Beeye jøøa näk dëëtge kärge raanynyø ki mään. Kiper dëët mään kucge. Ni beeye geni wø caath køør Nyidiel kany wø ci yie jaak. Geni, ge wïïl wøk ka røk teeŋ jiy bëët, na këël wï Jwøk jï Jwøk ki Nyidiel.

Mana Nyooth 14:4 Iomraidhean Croise

Obeec Dudi 1:3

Maar riia mana näk iï wïïrö, ŋwäänynye ec døøye mo met, ni wïny nyeŋ marï caala maaw mo ŋwäänynye met mo oøøc piny ni muulö. Kiper manøgønø, nyïïakuue mëër ki ïïni.

Obeec Dudi 6:8

Løny man bëët nyeya ni jïre da gwaae ma pïërabïciel, ki mään ma akwanye ma pïërabära, ki nyïïakuue mo dëët cwøw poot kucge mo ba kwaan.

Jeremaya 2:3

Kar kaaca ïïno cïp kur keerï na mara, a na Wuuö Jwøk, kaamar thwønh bëëlö mara. Ni jøøa cam ïïni bëët akwaan no obääyö, ni pïïc gïï mo lethi bäätge.› Luummögø caana Wuuö Jwøki.»

Amøc 6:1

Otïmö ni raac jïïu, u ni bëëdö ki bëëtö mo jööt jaak yi Dhayan, ki uuni ni cädö ni karu beer yi Cameria, uuni na kwöru døøŋŋø yi paana kare dwøŋ na näk Icriel, u ni wø cääth jø pou baŋu kiper køny.

Mathiew 19:12

Kiper da jiy mo nywöli na bwöy. Ni dee jiy møøk mo tïïya jiyi na bwöy. Ni dee jiy mo ba nyöömmi ni ge tïïya dëëtge ni caala bwöy kiper buya käl maal. 'Ba ŋat mo løny jïre ki man jïëc gïnögø, wär jïëe.»

Mathiew 25:1

«'Ba buya käl maal doo päärö ki nyïïakuue apaar mo lambae moge ege lwørø ni cige kuna jølge ŋat nywöm.

Mathiew 8:19

Kanyøgø nyen ma dïpööy mar ciik Jwøk aö baŋe, ni kööe jïgø, ni «Dïpööy, a cäädhö køørï, këël ï doo cøøa kaa.»

Jøøn 10:27

'Ba dïëga dwøra wø wïnyge wïnynyö, ni ŋääa geni, ni ö geni ni cääthge køøra.

Jøøn 12:26

'Ba ni näk da ŋat mo tïnynya aani, wär eni caath køøra. Ni kanyo ena yie, beeye kanyo en ŋat wø tïny aani yie thuwø. 'Ba ni näk da ŋat mo tïnynya aani, eno røøny Wära.

Jøøn 13:37

Ni kö Piterri jïre, ni «?Kwäärö, aŋø ni ba ööa køørï ennø? Jwïëya ocïba kiperï.»

Jøøn 8:12

Ni ö Jecu ni cäŋ cäännö ki geni ni kööe, ni «Aana tac piny. Ŋat wø cäädhi køøra, ba cäädhi yi muudhö këët, 'ba beeye tac kwøw noo joode.»

Moa Tïïc Nyïïatwieli 20:28

'Ba kawaane gwøgu rou, ni gwøgu pïïth bäre, pïïdha cïp Jwïëc Jwøki na en kur keere ceŋŋu ni uuna dïkuye, na acooŋ Jwøk na joode ki køør remme caammu.

1 Körin 16:15

'Ba kawaane nyïïmera, ŋäyu ni tuuŋ Ectipana beege na kwøŋ jïëy ya Akeea, ni cïpge cwïnyge køør tïny jø Jwøk.

1 Körin 6:20

kiper u ŋeew ka gïn mo pere leth. Kiper manøgønø, jiemmu Jwøk ki rïŋ dëëtu.

1 Körin 7:28

'Ba ni näk miï nyöömmö, marï paa bääyö. 'Ba ni näk mo nyakøø di nywømø, mare paa bääyö. 'Ba jø wø nyöömmi wø poot jïtö ki luup mo teek yi pinyi en, naa doo naa manynya man mäna gïïö ni leth yøø ki uuni.

2 Körin 11:2

Kiper gïru yaa keeø ki keec man wø näk mar Jwøk. Kiper u yaa miiø jï Krictø, nou cïba jïre keda dhaagø thiinh mo dëëre joota cwøre keere.

Epeca 1:14

Ni beeye kuri mar olaaw marø këël mano wïïl øøni wøk, ø na näk jiye, ni tïme ni ø pwøya ajieme.

Epeca 5:27

na acooŋ Jwøk peeth nyïme ka ajiem, ni bäŋ kïdö mo raac wala kany mo ba mïërö wala gïn mør mo ena dëëre, nee tïme ni ena kur keere ni bäŋ kany mo jøøŋŋi dëëre.

1 Timöthi 4:3

jø wø män jiy ki nywöm, ni mänge jiy ki caammi møøk moa cwääc Jwøki, na doo jïëc jø wø jïëy ni ŋäcge adïëri ni ge dwøga met ec jï Jwøk.

Ibaru 12:23

ki jø Jwøk moa näk ojierø na caal kaai, jøøa näk nyeŋge ogöörö maal. Uuna ö baŋ dïŋut luup na näk Jwø jøw bëët, ki baŋ jwïëc jøøa beyø na näk otïïö no othur karge,

Jeemeth 1:18

Ni beeye ki køør mana manynye ki wïïe keere na cwääc øøni ki køør luum adïëri nøø tïmø ni ø caala thwöth beel ri moa cwääe.

1 Piter 2:9

'Ba uuni, uuna jiy mo ojierø, ni nägu dïlämme mo tuuŋ kwär, na jiy mo ena kur keerge, na jic Jwøk kiree, kiper nee moa beyø na tïïc ŋata cwöl uuni wøk ki yi muudhö ni kïth uuni yi taye na beer døc, nee køpu.

Mana Nyooth 17:14

'Ba geno määnynyi baŋ Nyidiel, ni ö geni ni bööti ya Nyidielli, kiper ena Kwääy kwääri, ni ena Nyeny nyeye, ni jøøo en buute, gena jøøa cwøl, na jier, na jiy mo oŋäädhö.»

Mana Nyooth 21:22

'Ba bäŋ Øt Jwøk mo yaa joodø paanøgø, kiper Øt Jwøk mare beeye Kwäärö Wuuö Jwøk na en teeki jïre ge ki Nyidiel.

Mana Nyooth 21:23

'Ba paanøgø bäŋ cäŋ mo manynyi yie wala dwääy nee rienye bäät gø, kiper ajiem Jwøk beeye tar mare, ni ö lamba mare ni näk Nyidiel.

Mana Nyooth 3:4

«'Ba ŋääa ni jïrï poot da jiy mo nøk yi Carda, jiy ma abïïkge kärge raanynyø. 'Ba geno cäädhi ki aani ka abïïe mo tar. Kiper geno rømø.

Mana Nyooth 5:9

Ni wärge ki duut mo nyään, ni köge, ni «Røma ïïni ki lwør wëëlö ni japï möönne moe. Kiper ïïna 'näk, ni wïïrï kwör jiy ki remmï kiper Jwøk, jøøa käl røk tuŋi bëët, ki dhøgi, ki wïth juurre, ki yïth mïëri bëët.