Mana Nyooth 14:20 - Wëël Jwøk

²⁰ Ni ö buur wø biic nyïïomøki yie ni nyøri ki tiel ŋää paac wøk. Ni ö remø ni kwön wøk ki yi buur wø biic nyïïomøki yie, ni päŋ mare ena dho okweeny ni møle ni cööp kany mo jïtö ki kiïlömethërri ma dïpe adäk.

Mana Nyooth 14:20 Iomraidhean Croise

Wïlöölö 49:11

Arëën mare, man wø cäädhe ki bäät gø, wø twöe twöö ro omøk, ni twöc nya arëën mare ro omøk mana näk nyïëdi moe beyø døc. Abïïe moe penye ka køøŋ nyïïomøki, ni peny abïïe moe ki pï nyïïomøki moa kwaar.

Aydheea 66:24

Køøre geno ci wøk ni raŋge dëët jiy moa no othøw na gëëmö ki aani. Kiper twöŋi moo cam dëëtge ba thøw, ni ö maaci mana jääl ge ki gø ni bëëde ni ba bïp, ni putge tïmö na gïn mo raac døc ki baŋ jiy bëët.»

Wëël Kïmmö 1:15

«Kwäärö Wuuö Jwøk, jø leny moa teek yi paac man akwiere; ni cwøl jø leny møøk kipera, nee jø leny 'moa moa dëëtge teek nyathge. Kwäärö Wuuö Jwøk jø Juuda atïïe nee cwöth kaawat man wø cwöth nyïïomøki kar biic.

Edhikiel 32:6

ŋøøm wëëga mäthö ki rem dëërï mano øc piny, këël mano këët røk kïte. Ni ö aleye ni päŋge ki rïŋ dëërï.

Jool 3:13

Kiper mana tïm rääö marge ni päl, nyaaru geni piny kaamar caammi mo ociek mo kaa piny, ni cwöthu ge kaamar nyïïomøki mo di cwödhö ki tiel kar biic marge këël mano tïm pï nyïïomøki ni kwönna wøk.»

Tiet Ciik 32:14

Ni caam ge ki mäth dhäk, ki caa dïëk, ki rïŋ nyïïdïëk mo olør; ki rööm ma thwönhi mo beyø mo käla Baacan, ka atëëe ma thwönhi, ki beel mo beyø døc; ni mäthge ki kwøk nyïïomøki mo met.

Mana Nyooth 11:8

ni ö rïŋ dëëtge ni bëëtge no opäänhnhö waŋjöör paana dwøŋ, na näk nyeŋŋe obaaŋ ri Cødam ki Ijep, kanya 'näk Kwääcge yie bäät jaadha no odëëdö.